bubu跟其他時下大男孩無異, 不擅處理文字/文件, 家裡未開的信件堆積如山, 簽帳存根跟紙鈔一團團的塞在各大牛仔褲褲袋裡面, 一回家鎖匙銀包電話亂咁放, 從不做家務...
很平常的一個大男孩啊, 我不會埋怨嘮叨, 因為這是男性&他的天性嘛。反正我也有不少女性常有的特質, 他也不好受, 哈!
那寫出來為了什麼? 我想說, 這樣的一個人, 你萬萬想不到他會有以下的行為...
買掃把, 買地拖, 買水桶!
這些都是他自己去「xx城」買回來的...
...不特止, 他還在裝修收樓後新年前, 差不多日日上新屋打掃, 拖地, 吸塵...
所以, 當我上去之時, 新屋已經由塵埃處處變成一塵不染, 而我...什麼都沒做過耶! 如果move-in之後每天如是就更加好了...(bubu你睇唔睇到呀?)
是次BLOG POST為先眨後褒也。能嫁如此夫君...好幸福喔!
REMARKS
bubu說, 以前他住hall的時候, 會每星期用除塵紙拖地 (我嘛...我當時可以和room mate一齊忍受成個月先「係咁e」掃一次地...!!!)。
------------------------------------------------------------
原本打算改BLOG TOPIC做「家務男」, 但我顧念bubu在我的BLOG內好歹算是有頭有面的人, 擔心他堂堂一個型男被定型為師奶男, 所以......加個「型」字下去, 變成「家務型男」!
BUBU真係好喇~咁錫你
ReplyDelete[版主回覆03/02/2010 12:11:00]佢其實係錫佢間屋咋
好幸褔呀~
ReplyDelete[版主回覆03/02/2010 14:04:00]一時時啦...哈哈!
她愛你也愛屋...haha..我相反...我老公比我愛執屋
ReplyDelete[版主回覆03/02/2010 23:19:00]會執屋既男人最得人喜愛
勁喎~~咁結咗婚你可以坐o係梳化"un un腳"，佢就要一路拖地一路叫"縮腳"....哈哈哈哈!!!
ReplyDelete好彩查理斯都係整齊乾淨o既人，家務呢啲嘢呢，年廿八做一次咪得囉~~呵呵
[版主回覆03/02/2010 23:20:00]一年做一次? 咁連我都頂唔順要落手做呀~!
sorry !!我想問下你有冇做pap smear 會好痛嗎? 我也join 了skinetics 3月6日做body check and pap smear!!仲有也會打子宮針, per 針會痛3日嗎, 會痛到什麼程度, thank you so much
ReplyDelete[版主回覆03/02/2010 23:30:00]我都係打針前做pap smear的~ 其實痛既程度真係因人而異, 我呢...pap smear唔痛, 但係會有唔舒服既感覺, 明顯feel到「刮刮下」。我本身怕打針既, 打針既時候己經好痛, 第一針之後幾日都係痛, 好痛, 痛足四日, 之後二三針就無咁痛啦~
不擅處理文字/文件, 家裡未開的信件堆積如山, 簽帳存根跟紙鈔一團團的塞在各大牛仔褲褲袋裡面 , 一回家鎖匙銀包電話亂咁放, 從不做家務...
ReplyDelete我男朋友都係咁..久唔久就要幫佢執下銀包/袋入面d單~~~~!!有陣時又擔心d紙有用唔敢dup~!都唔明點解佢地咁鐘意帶埋d廢紙出街 =.=:
[版主回覆03/03/2010 11:00:00]係囉, 有時仲會搵到d一年前既單!!!
哈哈~~~ chris果然冇講錯! 你地真係好sweet的一對~~ 齋睇文章已經覺得好心甜~~ 我諗我要學下你先得呀!!!!
ReplyDelete[版主回覆03/04/2010 13:15:00]咁你個version應該會變左做「餵奶、換片、烚奶樽! 」
HAHAHA... 呢樣佢真係日日做架~~佢湊BB多過我好多~ 一級湊仔公~ 無得頂~ 誇啦啦~XDDDDDD
ReplyDelete[版主回覆03/04/2010 14:04:00]原來chris除左影相叻, 湊b仲叻!