率先試玩灰熊山谷!

出文當日，迪迪尼最新嘅灰熊山谷已經正式開幕啦!
一如上年嘅TOY STORY LAND
今次開新LAND，一樣有cast member family night
屋企人再一次帶我同bubu係開幕率先試玩，野~!!!

最重要嘅門劵+手帶，仲有特設guide map
裡面有coupon俾員工抽獎，換雪條食...



同埋換紀念品
今次係弱雞風扇仔，我想好似上次咁要閃燈badge多d ><

灰熊山谷係ADVANTURELAND同TOY STORY LAND之間
見到呢個牌，就代表踏入左灰熊地頭，要小心d啦!



灰熊山谷主打美國西部風情 - 小鎮、淘金熱、礦谷
仲模仿美國yellowstone國家公園嘅噴泉，連充滿礦物質嘅地質都畫得似模似樣
後面果條木橋，行行下會有水噴上黎，小心小心



嫌腳底玩水唔夠過癮，可以企埋去，一大桶水照頭淋!
不過睇黎只有小朋友先會有呢個勇氣同興致衡埋去...



西部米奇與米妮! (好...有...動...感)

 

當晚cast family night入場人數四千
請員工同家屬玩，其實係用黎測試灰熊山谷承受能力



而灰熊山谷入面唯一一個機動遊戲 - 極速礦車
好似知道我地係自己人唔駛俾面咁，壞左唔開...



於是個個都湧晒去食野...呢間小食亭嘅炸魚薯條好好食
屋企人話個mango panna cotta都好得，必試! (太多人，賣晒...)

 

其實灰熊山谷仲有好多影相位 e.g. 金石、囚室、水槍房
不過部相機唔爭氣，無乜靚相俾大家睇 (亦到熱到無乜心機影)

反而屋企人帶我地行出灰熊山谷，過隔離睇下仲施工緊嘅迷離莊園
剩係睇個屋頂已經覺得好靚! 出年開啦~



我地好懷念上年試玩TOY STORY LAND時
係FANTASYLAND banquet hall嘅超抵食30蚊雜扒餐
決定行過去食多次，行到FANTASYLAND時咁岩開始放煙花
我地第一次係castle背面睇
(平時到咁上下會封FANTASYLAND, 趕返出castle正面果邊睇嘛)
無左castle做背景感覺好新鮮!
同埋以前睇以為係正castle後面放，原來係係再遠d嘅地方放架~



天黑，屋企人收到msg，知道個ride已經開返，拿拿聲過返去
見到有兩個入口嘛? 左邊係單人入口，會bypass咗右邊一圈又一圈嘅蛇餅
行外圈直入到隊頭...如果你唔介意分開坐的話 =]
(其實ok架，反正去到果d位都唔會再影相架啦，除非你係都要捉實人地隻手...)
我地三個用單人入口連續玩左兩次，只係用左大概30mins!

玩完無耐，屋企人又收到msg，個ride又跪低咗!
見到蛇餅陸續散去，玩緊果d要係山度行返落黎
(慶幸已經玩左兩次...)

多謝屋企人又一次帶我地玩新LAND =]

--------------------------------------------------

今次影到一張自己好滿意嘅相 - 黃昏下的TOY STORY LAND
同大家分享 =]
(我呢d無鑽研過拍攝技術嘅，影成咁已經以為自己好叻女...)



---------------------------------------

相關閱讀︰
TOY STORY LAND 率先試玩!

婚禮晚宴︰hv a piece of cake

嘻嘻...
除了尷尬得要以笑聲遮醜，我不知可以寫什麼做開場白才好
如果有新朋友不知道為何我會尷尬，望一望上面blog banner的結婚日期，就會明白...

-----------------------------------------------------------------------------

當場地準備好之後，趁未有太多賓客來到
就先和兄弟姊妹一起切結婚蛋糕吧。

切蛋糕這玩意，我當然最想在下午行禮後進行
不然晚上進場後代替假蛋糕也好 (但又好想可以玩那個落刀位的罅隙!!!)
不過，基於太多客觀原因
我總不能訂個 (成世女最貴嘅) 蛋糕切一切然後丟在旁邊擺著看吧?

我們的結婚蛋糕來自cake2，那時其實已經開始有小店或者freelancer冒起
不過因為場地本來就贈送5磅cake2，於是我們就順理成章去cake2加錢upgrade
省點錢又不用浪費原本的蛋糕 =]

排列好男左女右好有氣勢的樣子，就切蛋糕拍拍手野野野好開心~
大家記得趁此時抓住兄弟姊妹拍照!
不然一秒鐘後，全人類會散開各有各忙，然後台上就開始被有勢力人士霸佔...
(放心! 我有抓到~)

(p.s. 年多前的我，好瘦呀，好羨慕呀...)

我喜歡兩層的結婚蛋糕，小巧可愛點，反正場地有供應小食，不怕蛋糕不夠分
而我們的蛋糕兩層形狀比例跟常見的不一樣，大家看得出來嗎?
蛋糕選擇了cream cake，fondant cake不是不想要
而是想到糖皮只為了拍照一刻，而蛋糕說實在是吃的，就沒有堅持要fondant
況且cake2的fondant cake好貴! 要玩倒不如找freelancer又平又好玩...
顏色當然是婚禮粉啡二色，圖案是跟cake2人員一起東拚西湊想出來的
cake2並不是「你講得出我做得到」的店，所以圖案都儘量找喜歡的原素 - 點點~

兩個傻人笑到見牙唔見眼 =]
我記得自己不停跟身旁的貼身姐姐說︰記得留件蛋糕俾我呀，兩隻味都要喎! 記得呀...
貼身姐姐可能被我念到上腦，果然有記得留一件大的給我
而且不停往我嘴裡送 (餵到埋口仲想點?)，餵到我飽一飽 =]

事後圖...
看著一件藝術品被一刀砍下去，好可惜啊~~~
(想清楚，有得看沒得吃好像比較可惜吧?)

top tier: 紅豆綠茶
bottom tier: 古古力脆脆，both delicious!

有feel到我在草草了事中嗎? 哈哈!
席前一張又一張的佈景板照片就不貼出來了，亦懶得幫親友打格格 =P
而進場後的，我打算...一篇過好了!
(bubu知道後激到扎扎跳，因為他最想看晚宴裡的「最重要環節」啊...)

LE CREUSET cooking class.2 [號外之LC飯煲]

號外篇到!
有blogger問過如何用LC煲飯+為何用LC煲飯
其實有很多LC fans已經在用+發過教學文，大家可找找看
而我的只是將LC cooking class上kitty老師的教學覆述出來
借飯敬大家啦 =]

如何用LC煲飯
鍋具選擇︰casserole，round/oven都可以，不過圓形比較像飯煲 XD
鍋具大小︰二人份建議14/16 cm，煲仔飯建議18/20 cm
(之前只有LC24的時候試過煲仔飯，完全失敗，我感覺是太大的不適合)
白米&水之比例︰1:1，或者水再多少少
(煮慣飯的都知道，就算同一牌子新舊米用水份量都不同
建議自己試多幾次找出最好比例)

洗米落水，開蓋以中火煲滾
見到起蝦眼水，用筷子攪攪以免黏底 (重點!)

繼續中火滾起， 直至差不多收水 (我形容是飯面有薄薄一層水...)
蓋上蓋子，務求煲邊谷出第一滴淚，如下圖 (已經不止一滴...)
轉超細火或索性熄火，移離爐頭

待15-20分鐘，打開蓋子...果然米已成炊!



刮底...無飯焦，飯粒亦剛剛好!
對只懂洗米落水按"COOK NOW"的我，覺得好amazing!



為何用LC煲飯
會用LC煲飯的老師和bloggers，普遍覺得用LC煲飯...
1. 省時 - 全程大概20-25分鐘，比電飯煲45分鐘快，極速有飯開
2. 不阻爐頭 - 最後收水階段靠鍋具熱力， 可以set aside
3. 有飯香 - 這比較難說，很主觀也視乎你吃什麼米

至於我自己，立場是中立的
看過老師示範也試吃過，覺得可以善用LC是好事
不過如果像我一樣，家裡已經有電飯煲，放著不用又有點浪費
而且我未擁有14/16細煲! 所以應該會繼續用電飯煲 (去年才剛添置的啊...)