[DAY284] OXFORD PATH bb 爬行比賽

OCT 26
八個月識爬的木木，木木媽一心想幫佢報名參加爬行比賽

點知等呀等，等到十個月先有機會

木木︰其實係媽媽想參加之嘛，點解佢唔自己去爬喎?



去到搞左一大輪先有得落場

「起爬」前的木木，似乎狀態唔錯



今次用木木最愛的遙控器作餌，初期走勢凌厲

卡卡笑住咁向前爬



點知爬到去終點線之前，木木停低左!

佢俾個playma邊吸引左掛住玩...



要不停嗌佢先回過神繼續爬
終於人同遙控器都過終點啦!



比賽好似係計時間，所以呢場爬第一都唔代表贏左

anyway...反正每個baby爬完都可以得到一張「無名證書」

木木媽寫自己個名都仲得 XD



仲有一袋禮物，都幾豐富架，有片片/yogurt melt/洗衣液/濕紙巾等等
木木，點講都好，都算係你人生第一張證書呀!



其實都係志在參與下，影下相等木木大個話返佢知 =]
同埋個比賽係一間kid gym舉辦，爬完可以免費任玩!
木木仲細，帶左佢去波波池，都開心成咁!



木木與朋友仔皓翔 & 婷婷
佢地一味扶住池邊望住我地，都唔知後面仲好玩 ._.

[DAY277] BABY HALLOWEEN

OCT19
廣華媽媽會有個「私竇」，造就左好多baby gatherings
halloween當然又係一個開P好藉口啦!

黎到熱下身先 =]
呢個大玩具屋企都有，但我第一次見木木會咁樣擒上去，失禮晒 ><



大家一齊咬積木 =.=



(設計對白)
oba︰嗚~ 木木小姐你放過我啦! 木木︰你逃唔出我手掌心架啦!
其實係一個唔知自己扯住人，另一個唔知自己俾咩扯住...



換上halloween costume，派對開始啦!
今日木木係一隻可愛小蜘蛛 =]



(設計對白)
gemmie︰我好熱呀! 點解要我做蝙蝠? why?
木木︰忍下啦，扮幾個鐘就收得工架啦...



要多謝木木表嬸贊助呢件蜘蛛衫



同其中兩個南瓜仔合照~ 
據一眾南瓜媽講，呢件淘寶貨激厚，好多南瓜B都熱到發忟憎 @.@



同貓頭鷹小姐合照~



同大黃鴨合照~
喊同打喊露一樣，係有傳染性的!



新穎的蛋糕 > cream cake底 + fondant cookie面 + 南瓜盒星星餅 XD





唔好咬自己隻腳啦囡...



廣華媽媽由大肚時開始，到生仔時加入好多係產前產後房識的媽媽
多人到我地唔想再加人啦，好好維繫呢一個群組的友誼 =]



其中有個骨頭B影大合照時未訓醒，手裡面依然拎住枝魔鬼叉...

成長記錄 • 十一個月

[16 NOV - 15 DEC 2014]

身高體重
8.9kg > 9kg (50th percentile+)
身高︰大概73cm

睡眠作息
凍左好訓左，訓晏覺有時都訓到兩個鐘

飲飲食食
本月引入的新食材有
秋葵 洋蔥 薑 提子 蜜瓜 檸檬

木木初嘗固體時只準佢專注進餐，自問對佢似乎係太嚴苛啦。經我向其他媽媽查問，食得好都係為食性格多。木木並唔算係好為食果類 (以正餐計)，而且坐唔定，專注力麻麻。
所以依家我地會俾一套餐具佢，試過識得擺隻匙羹入口，有時會畢少少粥落去俾佢玩，有時甚至佢會伸隻匙羹/ 手落我拎住果碗粥度，我都由得佢，因為咁樣係佢對食物有興趣的表現。
木木好鍾意有粥係手度架，手會開合開合，黏黏地又有聲音，佢應該覺得好好玩 =] 
順便可培養佢唔怕「污糟」的性格 =P

肢體發展

• 自己用手撐地下然後企起身hold住一陣
• 好想行，木木爸買左walker俾佢學行

情感認知

• 拜拜已經好叻，一講「拜拜」就好似本能反應咁開合開合手
• 婆婆教，講「靚靚」佢會dup低頭望住自己個肚腩，然後雙手拍拍心口
• 會用食指手指指，想人地一齊伸手指同佢玩
• 換片位有小林家合照，問親佢爸爸係邊，佢會向上指仲會指岩人，但離開換片位，木木爸係佢面前問佢，佢都係指上天...
• 超鐘意聽AKB48 (木木爸...)，會聞歌UN屁股

語言能力
朝早訓醒餵奶，木木係急不及待的，當一路拉高件衫打開個BRA戴餵奶枕，一路安撫佢話「等等好快有奶奶食」之時...我聽到木木講「奶奶」!
另外開始有對話感覺，同佢講野佢會有「似乎有意義」的回應，好得意呀 =]

---------------------------

基本上俾任何野木木，佢望兩眼就會...咬。
可憐的小兔

被選中做Pampers小記者試新片片



天氣凍左，要戴帽啦~
雖然自幼習慣戴headband，但要木木戴帽都唔易
如果頂帽緊少少同遮到眼皮就會扯甩佢
呢件hellokitty褸木木又ok喎!
我地讚佢靚靚， 屋企戴足全日都唔扯甩 XD



屋企細都有度好，傢俬一件接一件無空位
木木可以有野扶住由屋頭行到屋尾都得

木木︰戴左帽啦，係咪出車去公園呀?



公園陣間先，媽媽要去超市買食材煮粥仔俾你食呀



係咪無呃你呢? 你放晒D電我地先返屋企架!



今個月木木鍾意扒係度訓，"gut"起個patpat訓唔攰架咩?



聖誕人多，我地早一個星期去睇燈飾



十一個月大快樂!

[試用] 有機棉嬰幼兒服 - tinytinyone

感謝tinytinyone邀請木木試穿佢地的有機棉嬰幼兒服

做人媽媽都想將最好的俾自己bb，「有機」呢兩個字的確好多時令我心癢

例如食落肚我都幾堅持買有機雞肉，唔想木木過早發肓

衣著剩係試過買有機棉初生和尚袍 (窮媽只買得起最底果層...)

不過自呢次試用後，我都會考慮再添置有機棉品

「有機」，接觸過就令人愛不釋手 =]

令人舒服的包裝~



今次收到一套家居服，主色係木木媽最愛的粉紅色



品牌係來自澳洲的Sapling
Sapling的衣服係採用 100%GOTS有機棉製成，不含有害物質
GOTS係國際有機紡織製品標準，由供應鏈以至社會責任層面都有嚴格要求



有機有機，點先算有機?
我初頭只係諗到用有機方法種出黎的棉花去製衣已經係
呢滴小水滴話我知，染料都可以有機
係喎，買衫最憎洗衫甩色，我試過洗完都仲繼續甩色
如果係品質差劣的化學染料，接觸到BB幼嫩皮膚就大件事啦



講咩都係假，最緊要都係木木著得舒服
一套好的家居服，除左舒服，媽媽覺得最緊要係
設計方面令BB活動自如得黎又唔會凍親



呢套家居服木木媽認為係合格的 =]
領位夠高唔會露出心口，單邊有啪啪鈕幫助過頭笠
手袖係橡根設計 (不過12m size對木木黎講大左少少要摺袖)
而且係bodysuit，唔怕凍親肚仔



褲腳係束腳的
如果唔係BB周圍爬又擒高擒低，褲腳成日都縮左上去



睇黎木木都好滿意呢套roomwear，暫時大左少少，有排著，yeah!

什麼是有機棉?

有機棉的衣服質料相對較傳統棉花耐用及結實，這是由於有機棉製作過程純天然，棉花結構不會被化學物及農藥破壞，並且有機棉衣服內外質感都較柔軟。由於嬰幼兒的皮膚較成年人的幼嫩及脆弱，有害物質及殘留在衣服的化學物較易透過皮膚進入孩子的身體，因此穿著有機棉可減少有害物質經衣服進入孩子的身體。

有機棉是在沒有任何合成的肥料及有害的殺蟲藥下耕種、培植； 由於在整個有機耕種系統禁止使用任何基因改造的纖維，因此有機棉是在純天然環境下產生。再加上全球傳統棉花的種植面積只佔了世界耕地面積的2.5%，但這2.5%的棉花耕地卻使用了全球殺蟲劑總量的25%，以及農藥市場的10%，再加上除草劑和其它毒劑的使用，傳統棉花成為了地球上被噴灑農藥最多的作物之一。

因此，有機棉的衣服不單是對小孩子有好處，對地球及農民亦帶來相當大的益處。

如有其他查詢請聯絡 tinytinyone

website: www.tinytinyone.com
facebook: www.facebook.com/tinytinyone.tinytinyone
instagram: @tinytinyone_