[17m] 探索大自然遊學園 x 動物農莊 2015

jul12
NATURE FUN x HAPPY FARM 2015

謝謝余仁生邀請出席探索大自然遊學園 x 動物農莊 2015
上年木木仲細，今年好多活動都可以出席兼樂在其中啦!
原本我地打算一早進場，但木木爸拉傷左肌肉，要急救下先出發
大約中午先到場，人流都未係好多




去「余仁生小小中醫工作坊」say hi先!
呢位咁年輕又細粒的女中醫師，扮下野量下藥材
(藥秤依家已經好少見了)




唔剩止做下樣，余仁生安排左小朋友製作防蚊香囊
首先揀三種材料，我地揀左薄荷、艾草同八角茴香



放入盅，盅碎材料再放入網袋就可以



搞掂~



接住落黎我地去左...醫肚
原本想德國寶睇下有無機會排到親子烹飪
點知木木經過場內餐廳時唔肯走仲係咁叫「mum-mum...」
(木木媽有d嚇親，原本木木已經有如斯理解能力...)
唯有坐低開大細一齊開餐

呢度一個餐+一個麵盛惠$108，尚算ok啦


之後我地去左playright玩沙，木木平時去沙灘已好自在
但突然變左沙池佢都要少少時間先肯踏入去
playright 的鬥木同泥水仲好玩! 不過木木太細個了


又去左巧虎玩釣魚同必三文冶
有人好狠...

其餘的唔係太多人排就係唔岩木木玩了
所以我地主打去睇活生生的動物~

海星
初初木木都係唔肯掂想走佬，我地唔迫佢，影下相先
之後佢又肯了，試左幾次終於掂到海星一下!



馬
可以摸下馬馬同影兩張相 (!)


一路排隊見兩隻馬都好冷靜，但我同木木埋去時
馬馬突然好有興致咁哄木木!
嚇到木木好驚，但佢又笑架喎...


山羊
有兩個大圓圍欄各圍住4-5隻山羊



有餵飼時間! 木木爸好叻R到一小束返黎俾木木同朋友仔餵




不過「淆底妹」木木一見隻山羊哄埋黎當然走夾唔抖
得返木木媽一個餵...



木木話我負責唱"baa baa black sheep have you any wool"就夠啦喎 XD




兔
原來木木最鍾意兔兔! 好興奮好興奮!
仲有機會摸下兔仔，木木唔驚啊! 摸左好多下~



天竺鼠





豬 (純粹搞事)

熊 (仲搞事丫拿?)
拿~唔係我迫木木影架，係佢自己話要摸但埋到去又驚...

玩到咁上下木木已無電人又開始多，閃!
其實好多熱門的都無機會玩到，希望下年有機會再黎
木木到時大膽d我地機動性又高d啦! (今次一個仲細一個傷左)

btw，其實我好想玩各個充氣滑梯...