[14m] 復活節假期

(暑假寫復活節，相信聖誕會寫到暑假...)

自從木木識得行之後，小林家的活動更多姿多采

復活節一連五日假期，無外遊咪本地日日遊，一樣開心!

4apr

戴返副超，飛返轉西貢先

呢個角度睇木木都幾無身材架喎，水桶腰...

木木︰媽媽你咪有口話我無口話自己，你摺埋左個腩之嘛!



出黎玩做咩嬲爆爆呀?



因為想落地，同小狗say hello =]



踩下草地



摸下路邊小花



一擺低木木就好似甩繩馬騮咁喪走

明白的，平日木木好少機會落街

難得「大地任我行」咁，仲唔行返夠本咩 XD



轉返入大街小巷，木木無啦啦苦力上身要推車

(定係佢覺得太曬推車可擋一擋太陽呢?)



當你以為木木姐力神上身推郁架車

其實佢的上層仲有一個操控者...!!!



係咁易行下碼頭，食下晏，就買海鮮返去煮返餐啦 =]

5apr
之前同木木去野餐，婆婆睇相都話好想去

於是帶埋婆婆去大埔海濱公園，貪其易去易泊車 (入口對面有爛地停車場)

坐係野餐墊上的就係婆婆啦~



婆婆帶左架車火車仔俾木木玩

自己拉又睇唔到架火車點行

梗係叫媽媽拉好過啦...

大埔海濱公園範圍好大，有幾處草地

呢次揀左有大樹蔭的落腳，仲望到出面吐露港

小心唔好俾小朋友衝出去，海濱長廊好多人踩單車的



有婆婆同木木玩，我同木木爸可以攤抖下



三婆孫 =] 其實我似我爸爸，木木又似佢爸爸

所以我地三個應該唔多似樣，哈哈!

7apr

其實最主要係想blog呢一日...

我地約左契媽們去郵輛碼頭跑道公園

見唔見到木木係「跑道」準備起飛?

今次野餐準備十足，鹹的甜的生果飲料一應俱全

仲有靚靚野餐用具

木木都唔客氣坐定定係度開餐啦!

融融姐姐好大方咁分享左佢的餅餅俾木木

木木用佢阿媽整的紅豆鯛魚燒回禮俾融融

er...但融融好似唔多想要...

你睇下呢個妹妹幾識歎!

有好野食梗係要呢埋大啖咬啦，如果唔係...

爸爸就會黎搶架啦!

木木︰媽媽，d魚魚俾爸爸搶晒啦，我餵你食提子啦

望住融融姐姐的泡泡槍，有人又想玩埋一份...



木木爸︰爸爸呢度有

木木爸︰我吹俾你睇丫

木木︰我想自己吹...

木木爸︰你錫我一啖先啦!

木木︰睇在泡泡份上...錫就錫啦!

終於到手啦! 呼~~~~~

yeah! 吹到泡泡啦! 真艱難!



咁大片草地實在係好開心

除鞋除襪玩是常識吧!



轉個頭又走左去同人鍊車 (重點︰木木眼神!)



二人戰車型號一樣，睇黎要靠技術!



融融條腿長d，但木木的幕後駕駛員風風契媽條腿又再長d

鬥到難分難解 XD



都係飲返杯啦~cheers!




小朋友玩得開心的笑容真係無得頂~



捉住隻馬騮木返黎影張合照先 =]



跟住又同融融姐姐拖住手仔出去玩，小朋友太可愛!



玩到近黃昏，係時候要走啦，木木你知唔知邊對鞋係你架?

100%放電，回程變左豬仔 =]

復活節好適合去野餐，天氣暖暖地又未去到會出汗的溫度

期待秋天再去 =]