木木媽的護膚妝品

上次講完食落肚既 (see 木木媽的額外補充品)
今次講下搽上面啦~

skincare自己不嬲都唔係落重本果隻
basic cleansing foam + toner + serum + lotion + sunscreen已經覺得好煩 =p
paper mask都可以懶到一兩星期都無一次...

知道有左之後，都無特別轉skincare牌子
因為睇過皮膚科醫生寫的文章，話無需要
而且我用開的已經係basic到不能再basic架啦 XD

不過都有review過，因為有部分護膚品常用到的成分
的確對孕婦及胎兒有影響, e.g.
水楊酸 (Salicylia Acid), 維他命A 酸 (Retinoids) , 四環素 (Tetracycline)
對苯二酚 (Hydroquinone)
通常出現於冶暗瘡&去斑產品，最好避免使用

仲有就係含香薰成分的產品 / 用香薰油都要小心
e.g. 薰衣草 (Lavender) & 迷迭香 (Rosemary)
因為有通經特性，可能會導致孕婦流產!

所以小林家已停用左好耐啦，寧願完全唔用好過吸入左都唔知

有人會連妝都唔化，怕化妝品內含的水銀 & 重金屬成份對胎兒唔好
但時代進步資訊透明，我相信係祖國產品先夠膽死仲用水銀...
自己亦可以選擇安全的品牌
同埋...已經無得染髮電髮，連妝都唔化，會唔會太過放棄自己 XD
孕婦都要靚 =]

為懷孕而特別購入的，就只有化妝用的粉底
打左安全底，咪唔駛轉上面果d囉 =p
揀左beyond organic礦物防曬粉
同系列有好幾款，呢款有埋色我當粉底用

初初買呢樽粉時都肉肉地赤 (我連makeup都唔係落重本果隻)
不過用左一排，反而覺得好抵用無買錯

佢樽粉連埋粉撲頭頭，扭開蓋一撲一推，幾下就搞掂

一樽過帶出街補粉，樽蓋有鏡仔，方便度爆燈

方便自然多用，但用左咁耐d粉好似無少過咁，有排用呀~

礦物成份相對安全少少，又唔需要落妝，岩晒孕婦

至於其他化妝品真係無特別推介，師奶仔用開架貨多...

反而準媽媽們應該比較關心個肚...皮 =P
我估凡係女性，無論生過未生過，都聽過爆妊娠紋有幾慘!
懷胎四十週咁偉大的行為，竟然換黎一條條無情的妊娠紋...
雖然有人話爆紋唔到自己控制，甚至乎話要睇阿媽家姐頭
不過搽左anti-stretch mark pdts，起碼心理上對自己負責左
真係爆起上黎 (touchwood)，都唔會怪自己嘛...
我自己就 [七週] 開始搽~

(我睇過媽媽個肚，生左兩件，肚皮白白滑滑仲靚過我 XD)

以下係我的防爆三寶︰

Bio-Oil
左邊細細枝係我同木木兩位契媽宣佈有左之後
契媽ff買俾我的，我初初都唔知道係好野
剩係聽契媽ff話佢朋友做醫生都剩係靠呢枝就夠
再睇包裝說明，佢唔係單單for妊娠紋，其他疤痕都適用
無紋防紋，有紋淡紋咁話

雖然係油，但質地唔立，皮膚好易吸收
唔香，有佢自己的味，只可以話唔難聞咁啦
$110/60 ml from 萬寧，我日夜各搽一次用到3個月左右
耐唔耐會有團購，另外yahoo拍賣都有好多200ml size
而我中間呢枝就係200ml size，朋友係英國幫我買返黎
$160/200ml，抵好多~

L'OCCITANE supple skin oil
其實上面枝bio-oil都應該夠我搽到生
但有次入l'occitane補貨，人地一見我大住個肚就sell我呢枝
佢主打杏仁油成份，適合懷孕中/分娩後用
最搞笑係bubu一聞愛上，係咁說服我買
好在買左，因為自此晚晚bubu都會自動自覺幫我搽油按摩
有部分位置自己搽都唔夠佢幫我搽咁順手，梳乎到呢~
佢比bio-oil厚身d，但依然算易吸收
甜甜的杏仁香味，非常討好

bio-oil就留返朝早自己搽啦~

L'OCCITANE body ultra rich cream
去l'occitane補貨就係補呢樽cream
我一到冬天就會變蛇皮人，成日R到起晒紅點好核突
細個爸爸教搽曼秀雷敦綠色罐仔，好聞但好厚好笠
舊年bubu買左l'occitane shea butter x'mas boxset俾我試
ok喎! 佢有25% shea butter (乳木果) 成份，滋潤得黎唔笠

以前剩係冬天先會皮膚乾，有左木木之後anytime都乾!
所以even夏天用都係岩岩好咋~
黎緊冬天，我會用oil+cream封住個肚，緊守防線!