[三十二週三天] 產前檢查 • 政府 • 12

25 NOV 2013 • WEEK32 DAY3 • 廣華醫院 

一個月後的政府產檢，咁岩bubu放假，又可以陪我...等啦 =]
都係度血壓驗尿的例行公事，但今次要磅返重
次次係出面磅都比我自己磅重2-3KG
有時都會諗佢地會唔會高估左我的增重進度呢

然後等等等，等入房見醫生，今次又係男醫生 (卓幼真醫生)
先俾姑娘量度心跳，然後佢兩隻手錐落我個三角位
就話木木已經調頭向下 (木木乖，無玩野轉返上去)
然後到醫生摸返同一個位再講多次木木已經調左頭...

跟住醫生用軟尺度肚，肚頂度到恥骨位 (有少少尷尬)
我終於鼓起勇氣問咁樣係度乜野啦 =p
醫生話係量度子宮大小估計BB大小喎~

期間仲話埋俾我聽上次抽血結果無問題 i.e. 唔駛飲糖水
可以繼續食朱古力同糖 =p

又俾埋驗B鏈的日期，會係[三十五週]做
再加埋三星期後的產檢，返醫院越來越密
即時諗起老闆的嘴臉...