[三十五週兩天] 產前檢查 • 政府 • 13

Nov 27, 2017 • w35d2 • 廣華醫院 • 廖雅麗醫生 • BP 117/67

第五次政府產檢，木木媽睇錯左時間，以為十點原來係十點半，早左半個鐘會點? 原來早到並唔會早叫你名，都一樣要1025先叫我去血壓站，不過等見醫生時間短好多，半個鐘就入得，出黎等三十秒就拎到覆診紙，計埋早到時間都係一個鐘走得，又可以接木木放學啦!

入房見醫生嘅過程都真係無咩好講，都係姑娘聽心跳，醫生度宮底高度就搞掂，我有問醫生林林臍帶纏頸兩圈點算，佢都係講我網上見到嘅數據，話有15%嬰兒出世時係臍帶纏頸，不過知有臍帶纏頸問題就會睇緊啲胎兒心跳，唔理想就會開刀。我好唔想開刀呀，無理由第二胎先整條疤架 ><

下一次產檢係兩星期後啦，但撞左木木學校表演所以改星期三，原來廣華產檢係逢星期一三五上午的。