[三十二週兩天] 產前檢查 • 政府 • 11

Nov 6, 2017 • w32d2 • 廣華醫院 • 孔敏惠醫生 • BP 123/69

第四次政府產檢，終於俾返個早嘅時間我 (0930)，唔駛咁趕返公司之餘仲可以接到木木放學 (在職媽媽好珍惜每次可以接放學嘅機會)。

不過都等到1045先見到醫生，入去前我whatsapp老公，出嚟再whatsapp佢，佢話得果三分鐘，廁所都未去完 XD

今次係女醫生，櫈都唔俾我坐就叫我上床，姑娘先聽心跳，佢搵左陣先聽到，但後面有個高級姑娘就要佢再搵一次聽清楚啲。醫生就用手摸肚，話頭仔已向下，用軟尺度肚底長度，話size正常。再補多句話上次抽血啲血糖OK，唔駛飲糖水 (YEAH!)，走得。

下次產檢會係三星期後，開始變頻密啦。