此行李篋同時也是媽媽買給我的嫁妝之一
那既然是「我的」嫁妝, 我想買 hello kitty...
可是不到第二天, 已經聽聞kitty篋被掃清光!
同時負責俾$$的媽媽話︰「大個女要嫁人啦, 個篋同老公兩份用架嘛...」
言下之意 = 唔俾買 hello kitty...
無 hello kitty 不緊要, 粉紅色可以了吧?
雖然我知媽媽想我買「襟污糟」的顏色, 不過作為嫁妝, 藍藍黑黑不吉利嘛...(奸)
SOGO賣篋的地方小, 人多, 篋大
我和媽媽左穿右插 (bubu拿著其他戰利品在一旁乾等 ><),
focus on 粉紅色 hard-sided (家裡從來只用布篋, 所以超級想要硬篋, 覺得型好多...)
最後看中的兩個, 都是法國牌子 Pierre Cardin hard-seded 29"︰
colour: dirty pink (對我已經很合作沒有買淡粉紅色...)
surface: matt
material: ABS料
colour: dirty pink
surface: glossy
material: PC料
基本上兩個行李篋差不多, 除了啞面漆面, 最大分別在於物料︰
Acrylonitrile Butadiene Styrene (ABS)特點︰高強度，低重量
售貨員說即是纖維篋, 夠硬夠輕, 不過易爆
Polycarbonate (PC)特點︰高耐受度, 高彈性 & 堅韌度售貨員說這種行李箱受到重壓時會吸收壓力而變形 (下?), 壓力釋放便恢復原狀...
本來我想貪平買ABS料, 不過媽媽說既然買來長用, 不如買PC料, 因為用ABS料造的行李篋很久以前已有, 較新的PC料怎說都應該會比舊的好...多謝媽媽!
拖住個粉紅鐵甲篋去 honeymoon, 野~*
remarks:
原來選擇一個行李篋都有很多地方要留意的~
篋身物料除了ABS和PC, 還有 titanium(當然價錢更加貴~) , e e um um =] 還有就是拉鏈與密碼鎖, 內籠的防水物料, 輪子數目大小及是否360度轉輪...
祝大家都有個可以用一世的好篋~
原來gum 多學問ga...
ReplyDelete[版主回覆06/04/2010 10:29:00]其實最緊要個篋夠硬淨唔好爆就ok!
我都買左呢個喼啊~!! 本身唔係太鍾意pink, 不過呢隻soft得黎又幾順眼, 就買左for嫁妝~
ReplyDelete原來d料咁分架?? 果日一田big sales得返last 2隻, 都趕唔切問已經決定左買, thanks for ur sharing!!
[版主回覆06/04/2010 11:42:00]good choice!!! 大家口味相近啊~ 去呢d大減價個人真係唔係好清醒, 我都無拿拿買左幾千蚊野!
我係一田買咗HELLO KITTY喼，係深粉紅，遲D放相同你分享。
ReplyDelete[版主回覆06/04/2010 11:41:00]sooooooo envy! 你係咪要好早去買呀? 快d分享你個靚喼俾大家睇啦!
之前係一田都見佢賣hello kitty匣...賣左幾日都有貨...又唔係好貴!
ReplyDelete[版主回覆06/04/2010 13:05:00]我尾二果日先去, 所以乜都無! 唔緊要, 下次買個kitty細喼
其實我唔明點解嫁妝要有行李篋??
ReplyDelete有咩用呀...
[版主回覆06/04/2010 14:30:00]其實行李篋係進化版... 以前係用木箱載住d嫁妝架, 有分大箱細箱咁, 而廣東人就會用樟木櫳, 咁依家無乜人會買木箱, 咪買行李篋囉~可以拎去honeymoon用嘛, 哈哈~
baby!!!
ReplyDelete早知你要買kt喼，我幫你取定飛啦。我好早到呀，媽咪話呢個喼佢旨在必得，所以我地6點幾就到啦，排係頭十名內。
[版主回覆06/04/2010 17:48:00]哇!!!!!!!! 呢d野果然係有志者事竟成! 點解點解...點解我唔早d講想買kitty喼... anyway 我好多謝你話幫我拎飛, 見到你咁寫好滾動~~~~~ 仲有呀仲有呀, 你快d整返張profile pic啦, 唔係就好易俾人誤會你係spam blogger架啦~
HELLO KITTY的粉紅色好靚呀!!!!!!
ReplyDelete[版主回覆06/04/2010 17:49:00]可惜不是我的...
YES MADAM!!!!我是但放張相上去啦。
ReplyDelete一聽大家係kt fd一定會幫啦，洗乜滾動呢，傻瓜。
p.s我係三個size都買咗，超crazy。
[版主回覆06/05/2010 01:12:00]原來都有好多KITTY FANS, 下次有KITTY NEWS大家都互通消息丫~! 超CRAZY啊你, 衰鬼! ~~~~~~ 快D POST相啦!!!
我本身有個紅篋跟我去旅行, 所以嫁果時冇再買篋, 反而honeymoon買左 Pierre Cardin , 記得果個sales企係個篋上面勁跳, 好實淨咁, 360轉輪係超好用
ReplyDelete[版主回覆06/09/2010 11:46:00]佢咁落力sell篋! 我果個都係pierre cardin 360度轆轆, 咁應該都ok啵~!
是的, 買 行李篋, 物料和輪是很重要的, 基本上我每年都番香港一次, 都會帶 行李篋. Hello Kitty 那個, 我在大約5,6年前已買了 (當年買好像只是7 - 800蚊, 上年番去見到已是千多元而且已經不見有最大的那個) 我是買粉藍色的, 當時買的是最大的那款, 到現在用也還不錯, 不過是關門的時候有時歪了要壓番好. 當年買的時候是因為要去美國, 所以買個大的, 用了一次就花了, 後來常常都用, 也就變得很污糟和有花痕. 不過這個360度的輪確是很不錯的. 你有沒有看 Delsey 和 Samsonite 的, 這兩個品牌真的很襟, 可以用一世的 (不過價格當然是貴, Samsonite 你可以去 Outlet 看一下, 或是特價時去看看, 前年回港時到東涌的 Outlet 買了個 Handcarry 的軟 篋, 大約 $1300 ) 上次返港時, 也一直想買一個較細的 行李篋, 因為覺得這個 Hello Kitty 的太大, 我的要求也是要粉紅色 或是有可愛的圖案. 也有看過你說的這個 Pierre Cardin, 不過最後也沒有買到 (因為當時可愛的款式都沒有特價). 只係想說, 除左物料上硬唔硬淨 , 重量也是一個好重要的問題, 我一直是想找較輕身的, Hello Kitty那個太重了. 其實硬 篋是有重量的問, 一個 篋已去了你起碼10磅去, 上機現在的重量限制是很緊的 (如果不是飛美國或歐洲長途的話, 是只有20kg). 所以很容易便會超重的, 如果要帶下手信之類的話. 而且硬 篋沒有彈性是不能多塞東西進去的. 如果是要寄倉的話, 以實用性來選擇也是較好, 選個外表靚, 用一次就花了會很心痛的, 或許你可以買一個粉色的 Hand carry 那樣吧. 至於軟 行李篋, 以前也有買過很便宜百多元那些, 說真的軟的那些真的不能買太平的, 那個輪會受不到重而損毀, 那些軟的布也容易壞. 其實軟的 行李篋, 比硬的, 應該做上來更有難道, 因為軟的物料要輕身卻要承受那麼重的行里而唔爛呢 至於買一個 行李篋來用一世, 講一下我家的吧, 20年前我們家去旅行, 媽媽買了兩個大使 篋 (Delsey) , 以前飛的時候都是帶它們, 直到現在也還好好的. 只是有個問題是, 它們太重了. (物料很厚, 不怕憧, 卻很重) 這些款式到現在也 out 了 (現在買的也不會這樣重), 是真的可以用一世, 但到現在我們卻已不會用它, 是食之無味, 棄之可惜. 其實所有東西都是過些時候就會出些更好的新款, 就算佢一世唔爛....我們都自然會 out 左佢..... 所以都是看當時的需要來買吧
ReplyDelete[版主回覆06/10/2010 15:52:00]嘩...我都係第一次有人留咁多字既留言俾我! 多謝你詳盡既見解~
我 都 好 like pink 呀
ReplyDelete[版主回覆06/10/2010 23:47:00]another pink pink lover