台北四天紙婚小旅行 • DAY4 • 探探台北動物們

8 NOV 2011 雨
臺台市動物園 > 台北車站 > 西門町 > 台北 > 香港
最後一日啦~ (好滾動，終於有一個遊記係可以寫得完...)

之前都講過，我地唔係去過好多次台灣，剩係台北仲都有好多地方未去過
四日行程，花左八份一時間係呢度 - 臺北市動物園
動物園隔離就係貓空纜車，時間不多無機會搭去貓空茗茶...下次啦~



可愛的入場劵 =]
講開又講，如果大家去台灣都仲會去下觀光景點 (有人去台灣去到好似入長洲行下咁架嘛...)
可以係台灣各機場旅遊服務中心申請「青年旅遊卡」，交通景點飲食有優惠
唔駛錢申請，好過無嘛~ http://www.youthtravel.tw



好耐無去過動物園啦啦啦~ 上次去新加坡又無時間去safari world ><
超級無敵勁興奮不停跑跑跳跳又大叫 (就係咁動物園就多左隻不知名未進化動物...)
我真係好鍾意去動物園! 除左...

兩棲爬蟲動物館! 打死都唔入!
成世女最驚就係呢類野，電視睇到會轉台，依家打緊BLOG都唔敢直望張相!

真動物無得近距離觸摸，假的都照殺 =p
睇返的相，發覺bubu好鍾意挑釁佢地...無鬼聊!
而我就好鍾意同佢地碰鼻鼻 =]

企鵝篤我條腰啊!

熊︰大家好! 我係馬來熊，唔好見我無所事事，我都有事業...線架!
夾俾你睇又點話 XD 我夾~~~



係日本奈良公園有上百隻鹿鹿，想搵隻有角的好難，成年鹿好多都俾人磨走左對角
呢位係台灣的梅花鹿同胞就幸福好多，對靚角力保不失，d紋身仲好清晰添~

遊戲︰呢度有三隻長頸鹿，請問有幾多隻腳?



如果熊貓係可愛的代表，咁呢隻馬來膜就係醜樣的代表...
真係同動物唔同命，大家都係黑白色，點解人地可愛過你咁多，你檢討下啦 ><



一家三口猴子~ (唔記得左佢地邊度鄉下)
最難能可貴之處並唔係見到佢地一家三口樂也融融
而係少有影到相中的馬騮唔係互相R緊痕!



印象中，呢次係我第一次睇樹熊呀!
真正的樹熊懶過樂天熊仔餅好多，個樹丫好似好好挨咁...



呢隻黑熊勁多小朋友圍觀，因為佢的睡姿實在太搞笑~
訓到好似俾人一槍打死左咁 XD
我都有諗過，如果佢係詐訓，突然彈返起身，一定嚇死d小朋友...(包括我)

亞洲象~
我好低b咁特登行埋去班小學生度扮同學...



仲探左好多其他動物，雖然落住微微雨，但係絕大部分動物都好俾面無呢埋，多謝你地~

-----------------------------

搭捷運返台北車站，四日三夜個心都掛住一定要去光南一定要去光南
(本來仲有後面的久大，裝修中，嗚~)



除左補倉，其次目標就係要掃紙~~~掃呀掃，完全無視bubu的存在!
我真係唔知自己揀紙揀左幾耐…



返西門町繼續掃…街～
都話左我只係第二次去台北，所以聞名的老天祿滷味同阿宗麵線我係未食過架...
試完發覺...原來我唔鍾意食糊糊地的麵線，仲要大大碗又熱辣辣又無得坐又趕時間 ><
即刻走去食返d comfort food  - my dearest mister donut，繼光香香雞，又試左coldstone炒雪糕 =]

食完就真係夠鐘返酒店拎行李搭的士過台北車站，照舊搭國光客運~



kitty lounge =] 唔知將來會唔會有機會帶BB去台北旅行用到呢個baby care room?
(無任何深層次意義，唔駛左估右估啦~)

野~! 終於完成一個遊記...咁大把啦! 可以暫時撇甩「虎頭蛇尾王」個朵 =p

靜靜雞話你知，其實今次去台北唔係為慶祝紙婚
而係去巡視我地小林家係台灣的多元化業務...哇卡卡 XD



----------------------------------------------------------------------------------

相關閱讀︰
台北四天紙婚小旅行 • DAY1 • HKG > TPE台北四天紙婚小旅行 • DAY1 • 淡水＋美麗華百樂園＋士林夜市
台北四天紙婚小旅行 • DAY2 • 濛濛的九份
台北四天紙婚小旅行 • DAY2 • 漫遊東區再乾杯
台北四天紙婚小旅行 • DAY3 • 去北投泡個熱呼呼溫泉
台北四天紙婚小旅行 • DAY3 • 85樓的紙婚飯

聖誕除夕之煮煮煮

(明明這篇2013第一個星期就開始寫以為沒有遲很多...農曆新年都要來了...)

2012的聖誕新年，對我來說是煮、煮、煮、煮、煮!
二人撐枱腳的一大伙人派對的家庭聚會的停不了…
小林二家廚房新上場，you did a great job!

聖誕前，密密大量生產薑餅人 =] {GINGERBREAD MEN}
第一次! 因為從來就很怕薑味，今年不知怎的突然好OK，就動手焗了
右邊是first trial，拿去公司找同事當白老鼠
你們看顏色就知道不對辦啦，但同事竟然讚好味道…?
不甘心地找來另一個食譜，就是左邊的，薑餅人膚色要是這樣才對!

同時也是第一次自己玩royal icing，玩後感︰好好玩!
不過怕自己三分鐘熱度，沒有買很多材料＆工具，就簡簡單單的亂畫一通
後來買了彩色裝飾糖，可愛度＋＋!

和bubu一起的這麼多年來，每年聖誕的平安夜大餐都在外面吃
小時錢不多就去fat angelo's或者dan ryan
後來就去高級點的扒房，餐廳，私房菜
每年十一月就開始見bubu頭痕
周圍查詢餐廳的xmas menu，最重要是問人家滿座了沒有

探到還有空座的就要急不及待的去付訂金，好誇張呀!
而且近一兩年去的餐廳，平時口碑載道
一到聖誕檔就大失水準，煮的無可奈何吃的也甚為無癮。

其實自從婚後已經開始遊說bubu，聖誕節不如在家煮啦~
不用迫地鐵 (這種日子妄想可以駕車) 又不用被劏頸放血
說了兩年，bubu今年終於肯首! 條件是︰要dress up不要穿家居服
okok no problem! 我也不想當個油頭垢面的煮飯婆 =]

dress up自己前先dress up dining table
兩口子開一支小moet 剛剛好
還有阿信屋膠樽扮玻璃樽的 san pellegrino XD

MERRY CHRISTMAS! HAPPY CHRISTMAS EVE! CHEERS!
(請自行時光回流到三星期前，就會感覺到興奮位...)



餐單設計主打簡單不花巧，一來平安夜那天要上班
(突然很懷念以前一份平安夜放半天的舊工...)
沒有太多時間耍花臣，二來亦不見得我很會煮 =p

{APPETIZER TRIO}
左邊是stuffed portobello mushroom, stuffing靠雪櫃有什麼用什麼 =p
做法︰小火，少少油爆香蒜粒，炒軟洋蔥粒，再下煙肉粒，迫出油份至脆身，加點黑松露醬拌勻，用黑胡椒調味 (煙肉本身帶鹹，不用另外加鹽了)，隔去油份 (煙肉狂標油)。portobello mushroom用濕布抹乾淨，去蒂，將stuffing放上，灑上芝士碎 (我用parmesan)，焗爐預熱200度後入爐焗約15分鐘或至芝士溶就可以

右邊是「禾打醉挨」pan fried foie gras
做法︰急凍鵝肝預早解凍，用廚房紙輕輕抹乾後用生粉沾滿表面。中小火預熱平底鑊，白鑊下鵝肝 (鵝肝肥到自己會提供肥油)，每邊煎分半至兩分鐘，表面變金黃色就可以

中間是baby spinach，完全沒有經過處理，包裝打開，拿一手葉，放到盤子上，洒點黑醋和橄欖油，完成 =p

{CANNED LOBSTER BISQUE}
這樣擺好像很有氣勢一整碗就是由龍蝦先生的下半身熬出濃湯似的 XD
我其實是偷雞用了罐頭龍蝦湯 (也不便宜好不好)，另外買了一隻龍蝦拆肉
這才像樣嘛~ cheers

主菜來了~ 我的是{GRILLED LAMB RACK}，bubu的是{GRILLED RIB EYE}

伴以 BABY POTATOS & BRUSSEL SPROUTS，意想不到薯仔超級無敵好好味!
不是因為什麼magic seasoning，我猜純粹因為薯仔是來自pp great的...

小林家的LC grill pan是在老爺家長年被冷落後由我們收養的 (舊文按此)
已經用過不下十次，格格紋有但不明顯，我初時以為是自己技術差
最近再細心研究，我這款grill pan的設計，根本就比較難烘出清晰格格紋 ><
又無理由為此開倉買過個…

在家吃的好處是，吃的節奏可以由自己決定
吃完主菜有點累，兩條懶虫去梳化攤到夠，我才動手弄甜品

{APPLE CRUMBLE}
對，沒驚喜就是普普通通的apple crumble
鬆脆的crumbs，充滿肉桂香的蘋果，yum yum!
不過美中不足是搓crumb時太差勁，搓得太細太散，不次應該早少少收手 =P

大滿足的小林家平安夜大餐!

大滿足也包括了以下的 (耷低頭，舉手…）
沒包裝的代表已經在用了，電話到手好難忍住不用嘛
而相機則是應付突如其來的演唱會而提早收到，至於有包裝的，keke…
之後還有另外一份，小林家傳統是boxing day才可以拆，同樣地，keke...

（這種大小比例，我未拆已經猜到了，我不開估你們也會知道是啥吧？）



完成平安夜的晚餐，第二天聖誕節起床，休息一會又要準備6299家的聚會
還好形式是每家負責一道，我們就煮了快靚正的 {芝士肉醬焗薯角}

其餘時間我就在忙這個 !!! {CHRISTMAS LOG CAKE}
之前好擔心，平時焗蛋糕十次有九次都變成地獄蛋糕的我，有無些微可能可以做到?
…可以可以可以! 完成一刻超級無敵開心，覺得自己好叻叻!

雖然裡面的蛋卷捲得麻麻地，不過無斷開又有frosting遮住，都叫合格啦?

來個近鏡～有樹紋，有雪，有石仔，有野菇
我到現在還是很懷念它，因為…可一不可再…

boxing day我邀請了幾位好朋友兼bloggers來家開派對
housewarming cum boxing day party，小林二家第一次曝光 =]
心急想看小林二家的話，可以在這些相片裡止止渴先 =P

以前小林一家好少招呼客人，酒杯呀櫈呀都要再添置
（左下角就是第二轉的gingerbread men）

最早到達的客人 - littleball & littleball媽
littleball一身紅白相間，好可愛的聖誕寶寶！
還要擺好YO! pose給我拍照，謝謝波哥合作

我在籌備小林二家期間，littleball媽給我很多實用意見，謝謝littleball媽～

客人中還有另一位寶寶 - bbb
不過美女bbb臉上刮了道痕，又忙著喝媽媽奶，下次再亮相啦。
小林二家有幸有兩位初生寶寶到訪，好開心!
謝謝兩位媽媽不辭勞苦帶他們來做娛樂節目 =]

強行弄醒BBs，玩完影完相，喝過奶奶，掃完風，換完屎片，哄睡
大人終於可以開餐啦!

這裡是第二輪的，第一輪的因為太興奮拍得不好看，用文字告訴大家有什麼吃吧

1/ CREAM OF MUSHROOM 蘑菇濃湯
2/ SMOKED SALMON SALAD 煙三文魚沙律
3/ FRENCH BURGUNDY SNAILS 焗釀法國蝸牛
4/ STUFFED PORTOPELLO MUSHROOM 黑松露芝士煙肉釀蘑菇
5/ HONEY MUSTARD CHICKEN WINGS 芥末蜜糖醬烤雞翼
6/ HONEY GLAZED ROAST HAM 焗煙火腿
7/ RAVIOLI IN CREAM SAUCE 白汁意大利雲吞
8/ BOLOGNESE WITH POTATO WEDGES 芝士肉醬焗薯角
9/ CHRISTMAS LOG CAKE 聖誕樹頭蛋糕

嘩! 原來有九道菜，不數數還不知道!
不過端菜後才發覺很多味道都重複，e.g. 菇，honey mustard…
下次要小心細心用心設計，唔!

大部分都是提前準備好洗洗切切醃醃
臨場請bubu幫手入焗爐或翻熱，雖然有些菜式有小失手
但我還是很感謝親愛的bubu，因為小林二家的廚房是為我度身訂造的
bubu在裡頭工作，不是要烏低身就是會撞到頭 >3<

多謝幾位+BBs賞面光臨! 十分高興的BOXING DAY!
最後的交換禮物環節在一輪哭聲 (來自bbb)、無聲 (來自littleball)中結束
(連交換方法都好頹…我忘記了要準備…)
希望各位都盡興而回，還有小林二家你們覺得還好嗎?



年尾沒大假剩的可憐虫，要上班了…

除夕前一天邀請了伴娘跟一位姊妹來housewarming
人少少，afternoon tea最好 =]
在家辦下午茶第二次了，努力嘗試不同茶點組合，唯獨SCONE每次都要在場!

另外再開文分享啦～

除夕夜，沒特別聚會的話小林家的傳統是打邊爐。
今年特別少少，由港式變日式，{sukiyaki} • 壽喜燒
特地去city super買食材，有日本絹豆腐＋麻豆腐，美國豚肉片，韓國本菇…
特地去日本城買個最細小最便宜的電磁爐 (因為借不到6299家的唯有去買…)

全為了襯托今年除夕壽喜燒夜主角 － MARMITE 22CM ANTIQUE ROSE
剛剛聖誕節禮物之一，keke...
原本那邊廂還在搥心口沒有買risotto 24cm
這邊廂就收到一個大小適中的媽咪鍋
謝謝聖誕老bu >3< sukiyaki得很開心～

是不是煮很多?
希望2013年煮得更多，愈煮愈進步 =]

2012年小小數算

(1jan2013: 除夕夜打打下就收工，放工又趕住買餸玩sukiyaki
元旦日晨早流流就埋電腦會被炳，最後等到英超開場我就自由啦
打左又刪除好折墮架嘛，粗粗地睇埋佢 XD)

(2jan2013:一場英超都唔夠時間我寫，所以2013開工日再繼續
已經唔係打字慢又唔係咬文嚼字，唔知點解咁慢...)

在這個2012年最後一天兼最寒冷一天
冷冰冰的十根手指頭在公司電腦鍵盤魂不附體地工作 (所以不自覺的回到這裡來...)
好想眨一下眼就到午飯時間，afternoon off~!
然後跟bubu去日式超市買食材，今晚sukiyaki
替剛剛收到的聖誕禮物開光  (賣個關子 =p)

其實我自小都沒有在年終時做總結的習慣 (讓我想起公司的恐怖yr end...)
不過人大了(老了)，慢慢開始留意生活上的細節，周遭的人和事
最簡單莫過於以前總會被「那個」殺個措手不及
現在早上起床感到身體有異樣，就會知道應該是今天
最後上洗手間時發覺屬實就會沾沾自喜 (多無厘頭兼不雅的例子 ._.||| )
哎呀就是想說，身體微小變化都留意到了
這是以前完全不會也認為不需要在意的事

講起又想提另一例子，就是眼紋天天都多 (哭)
要提早實行用中女牌estee lauder的計劃，嗚

太久沒寫就會得意忘形划得太遠...
就是以前仗年輕，一年過去又一年
現在時間不等人，好好生活每一天
既然努力活了一整年，好好記錄吧。

2012年的bubu︰bubu帶我去多了香港平時不常去的地方。我們未有小孩，也沒有養寵物，更不是上山下海的類型，所以假期不是宅在家就大多磨商場。我常常都嚷著要去這去那，bubu不是推說路線迂迴就是不好泊車。然而相隔一段時間之後，有天bubu就會突然說這個週末就去這去哪 =]

還有就是家務分配得宜。經過兩年磨合，大家完全了解對方自動波願意做跟寧死都做不來的家務事。與其激氣激心，不如省口氣專心做自己在行的，河水不犯井水。當然，我那與生俱來的女人基因，依然會不時嘮叨。

這一年我也真覺得bubu更成熟了，相比之下我愈來愈像小女孩般日夜撒嬌跟賴皮 =P

2012年的身體︰托賴，身體還可以，小病是福。討厭位 － 每次我病，bubu不一定病；bubu病，我一定會病! 兩個人一起病倒後就更糟，其中一個好了點，又會被另一個傳染回頭，循環不息，唉。

另外，體重亦因為搬家而下降至結婚前的水平 (!)。驚奇位－ 搬完家不久就去棉婚小旅行，超擔心會回磅有突，因為之後要做兩場姊妹…結果沒有胖回來不特止，兩個多月了，冬天尤其吃得多，依然老樣子。不用羨慕我，我只是遺傳了媽媽的小骨架。大家過了發育期N年，應該很明白身型這回事，或多或少先天就有限制。

2012年的朋友︰這年頭，聚會不是為派帖就是出席婚禮當聚頭。三年前開始準備婚禮時很孤單，之後很多準備結婚的朋友都來問我意見，甚至試過被踢爆︰「原來你就係bubibu! 」尷尬不己，不過倒是很高興能幫得上小小忙。朋友們婚後更同聲同氣，不再看到我分享太太生活時她們看似很悶的臉 =P

講起孤單，孤單讓我結識到你們。云云bloggers中，不知怎的就是跟你、你、你（自己對號入座）特別的熟絡起來，熟絡到似是多年相識的知己好友。我有想過，有天當大家不再寫blog，或是各自結婚後友誼會否淡去，我現在的答案是，你們會是我一輩子的好朋友，我人生的新一頁跟餘生，都有你們伴我過。

2012年的旅行︰繼續是summer getaway跟結婚紀念小旅行。去過泰國曼谷跟日本關西，本來打算去的英國沒有去。最掛念曼谷的spa和奈良的鹿鹿。還有很多想說，但因為未寫完2011年的旅行暫時不能說 （其實還有2010年的…）

2012年的手作︰找回電腦內的相片記錄，發覺一整年下來才出產了十一個項目，愧對買了的tools & supplies。不過下半年為搬家忙瘋了，那是可諒解的事對嗎?而且在小林二家我好歹也安頓它們在一個大櫃子裡，起碼不用像以前小林一家各散東西的，原諒我吧 > <（大櫃子依然容納不下所有的，所以又打算賣掉部分工具了...）

2012年的LE CREUSET︰剛過去的聖誕節，bubu不斷搖頭嘆息，一年前的聖誕節不該送我第一個LC，以致招來一名廚藝不精卻狂買廚具的瘋婦 ._. 可是小林先生你在剛過去的聖誕節，也是送你太太LC啊，還不止一個，今時今日廚房一片粉紅海，其實是你促成的…

不過老實說我也的確認為自己買過頭了，很多不需要的也敗在顏色、開倉、和一班毒婦手中。上半年未搬家情況尚可，確定小林二家後就失控的在買，加上大阪OUTLET和十一月崇光開賣chiffon pink…不過我敢說，只要這世界再沒有粉紅色的LC，我不會繼續瘋下去 XD

2012年的煮食︰因著以上一點，我的廚藝可以說是大躍進! 2012年小林家最實用收穫! 中西日甜都有很多新嘗試，日式較有把握，甜品最有興趣，多謝一眾在網絡上分享食譜及心得的bloggers，還有LC cooking class的kitty老師。bubu會讚也會怨，讚我一次比一次進步，怨我次次都先餵相機食 ＝p 本年度最大成就是為boxing day party製作了christmas log cake，完成一刻覺得自己是天才，切蛋糕一刻超級失落。

2012年的家︰搬家了，全年有一半時間為此忙到發瘋。小林二家說不上寬敞或豪裝，卻是我和bubu努力換來較合適的一個家。今次小林二家全程由我統籌，所以當我聽到bubu搬進來後說的一句︰我好鍾意新屋，多謝老婆 － 為此我樂上了好一陣子 =] 每天回家，坐在沙發，看著我們的一片小小天地，太幸福了，就像是生完BB後看著她可愛的臉，渾然忘了進產房時有多shit。

2012年，起伏高低總會有，甚至發生過很嚴重的事，總結我依然覺得是美好的，因為當中有bubu和家人伴我一起渡過。雖然有好些事未有完成，都歸究自己的惰性太重 (不用提，當然包括這裡) 。希望2013年也是充滿變化的一年，不致變成一條死氣沉沉的鹹魚 =p 期待繼續跟大家分享我的生活本子 =]

感性完，繼續執相寫紙婚小旅行，沒完沒了...

台北四天紙婚小旅行 • DAY3 • 85樓的紙婚飯

7 NOV 2011 雨
北投 > HELLO KITTY SWEETS > 誠品 > 台北101
離開北投之後，我地返西門町買鴨肉扁同楊桃冰當lunch (楊桃冰原來好難飲!)
同埋返酒店執返個樣~

忠孝復興站內一幅好長好可愛的牆畫! 好可愛的畫風! 唔捨得走!

基本上就係介紹台北旅遊景點s
我地特登請途人幫我地影台北101，點解? 睇落去就會知

其實呢個下午係去hello kitty sweets朝聖 =]



好可愛呀! 所有甜點都有哈囉吉吉個貓樣 =]
不過好明顯我對hello kitty的熱情已經減退左好多，雖然黎到係好興奮
但係我完全唔著緊，完全無諗過要預先訂檯! 爭d慘食閉門羹...

左下角果件cake，原本係諗住無得坐低食買走都好啦...
點知又好好彩有人no show，即刻可以坐低食 =]
因為有min charge，所以要叫多一個餐一杯飲品
味道就...都係俾相機食啫 =p

無疑d fixtures, deco好靚，仲要全男班waiters
(唔知佢地日日著粉紅色kitty圍裙返工有咩感覺?)
不過我感覺麻麻，由此我就知我已經無以前咁迷hello kitty啦 =]
anyway，多謝bubu陪我坐左好耐仲幫我清晒d唔好食的甜品 =p



紙婚正日晚上，當然要維持小林家傳統，食餐飯慶祝~
黎到信義區，其中一幢大廈外牆︰
(which又提醒我已經係一年前+的事...)

食飯之前，去全台北最大間 (幢) 的誠品逛逛



一年前香港都仲未有誠品，所以誠品係屬於「景點」類別 =p
台灣本土出好多手作書，我亦好唔客氣咁拎左一疊坐底慢慢揭...



好啦好啦去食飯啦~其實今日全日都落住雨，大雨起上黎有d狼狽 ><
後面就係餐廳所在 - 台北101
好似話果時zara岩岩進駐台灣，所以係台北101外牆賣廣告...

我地揀左位於85樓 (!) 的「隨意鳥地方高空觀景餐廳」(個名係有d gap...)
搭升降機時耳膜漲卜卜~

拿~今晚就係食呢個景啦! 又真係幾靚的，望到好遠好遠，都算係萬家燈火~

不過好景不常，我地唔知成日都係咁定係今日天氣唔好
耐唔耐會有厚雲 / 霧 / 閃電，外面景色好似熄機無晒畫面咁 (左)
過一陣又會開機有返畫面 (右)...

大家見到的呢碗湯同包，將會係焗住唯一俾大家睇到的dish
一黎部相機唔多生性影得麻麻地，二黎食物好一般，無乜心機介紹俾大家睇...
(真的! 並唔係因為唔記得) 成晚真係靠食景飽肚架~



話晒慶祝紙婚，我唔會唔做野的~
事前email 溝通過，餐廳會有complementary cake
成晚我最appreciate就係waiter幫我地影左張角度好靚的相 (下)
亦好感恩影相一刻，阿雲好識做咁飄開左 =]

之前已經分享左紙婚手作仔 (詳情按此)
因為餐廳講到明個com cake係頹野 (事實又真係好頹下)
蛋糕一到我就加埋支1仔上去，成件事即刻唔同晒!

仲有上面幅相果個nov7，其實成個trip都有不時拎出黎影相呢 =]
仲整左個相框送俾bubu，想睇可以去返手作仔篇blog~

雖然餐飯麻麻地，希望bubu唔介意，著眼我其他的準備同享受呢一日啦 =]
happy paper anniversary bubu >3<

落返地面之後，我就明白點解剛才如在雲霧中...你睇下! 見唔到頂!



而且仲好鬼大雨，令一心想去影LOVE的我地
好似癲左咁唔擔遮衝埋去，又無得合照><

就係咁，紙婚日係濕漉漉的情況下完結。

---------------------------------------------------------------------------------------

相關閱讀︰
台北四天紙婚小旅行 • DAY1 • HKG > TPE台北四天紙婚小旅行 • DAY1 • 淡水＋美麗華百樂園＋士林夜市
台北四天紙婚小旅行 • DAY2 • 濛濛的九份
台北四天紙婚小旅行 • DAY2 • 漫遊東區再乾杯
台北四天紙婚小旅行 • DAY3 • 去北投泡個熱呼呼溫泉

聖誕樹，你遲到!

又到聖誕，又到聖誕...係這個普天同慶的月份
台北紙婚小旅行暫且擱下...講講聖誕樹先!

以前[小林一家]太豆腐膶，只能買果種座檯式一體化的應應節

現在[小林二家]勉強有一個位置可以放座地的，我就興高采烈去淘樹!

可憐樹仔經歷集運爆倉不收件、賣家分兩個運單no.不通知等等
期間我等到把幾火，曾經想落日本城買多棵$98...

題外話 - 淘寶 vs 日本城
話說有人嚇我話香港買聖誕樹好貴，最少幾舊水，於是我就疊埋心水淘寶...
然後有日行過日本城，發現聖誕樹都唔貴，四尺$98同樹仔差唔多樣
至於樹仔，原價RMB65，加埋國內運費，仲有集運計體積的運費
我已經唔想計樹仔身價值幾多...

呢次都算係我淘得最蠢最失敗最唔好彩一次 ><
anyway，最後都係平平安安到左小林家 =]

不過，樹仔唔同日本城或者細個屋企果棵，佢係松針聖誕樹
「松葉」係一支支針咁，唔係一條條
感覺好似像真d，而且無咁易甩「葉」，仲係兩段式，唔駛佔咁多儲物空間

為左樹仔，今年買左好多dingdingdumdum過佢
無錢買lane crawford, city super幾十蚊一個ornaments
平平地周圍執，有franc franc, ikea, jusco $12, 花園街, 淘寶
平野唔一定唔好，左下購自花園街六彩橢圓波，我覺得係best buy =]
另外中間12蚊店粉紅/粉藍兩條波都好喜歡 =]

我已經好努力咁有金又有銀...其實心底裡諗過全粉波都唔錯!

bubu幫我砌樹仔，我就負責掛吊飾，掛得不亦樂乎!
玩得咁開心係因為娘家好多年無擺聖誕樹啦，奶奶又從來唔駛我幫手
樹仔係第一棵任我擺佈的聖誕樹，而且全部都係我喜歡的dingdingdumdum!



登登～亮燈啦!
bubu雖然呃我聖誕樹好貴，不過聖誕燈佢無講錯，香港真係賣得好貴!
淘寶一串3米只係RMB12...
我原本淘左一串以為夠圍樹仔，原來唔夠，好彩另外淘果個wreath
原本揀左「不帶燈」，佢俾左個「帶燈」我
於是我就慢慢係wreath度拆串燈落黎，補落樹仔度，靚仔晒!

e...呢張相影的時候都未完工，後來再加多條「銀野」兜多個圈
再搵花紙包多幾個紙盒扮禮物 (無錯，是假的...)，遮住樹仔隻鐵腳~

同場加映 - christmas wreath!
淘的時候有度過下，但永遠都係想像唔到有幾大...原來係勁大!
希望無嚇親鄰居，同埋唔好俾人X...

提早祝大家有個快樂聖誕! (好似講到成個christmas都唔會浦頭咁...)
接落黎就係好好準備foodies for partiesss!
好緊張，新廚房要生生性性幫幫手 =p