[十二週四天] 產前檢查 • 私家 • 3

9 JUL 2013 • WEEK12 DAY4 • 葉承楷醫生 • CRL: 6.47cm

本來上晝先做完OSCAR照超聲波，產檢應該約過另一日，可以分開見多次嘛~
不過bubu好好，次次產檢都請假陪我去
為左方便佢請假，就約埋同一日，仲可以攝時間拍下拖 =]

今次都係睇翹康葉醫生，診所比上次多人，以為要等好耐
點知又係坐唔夠15mins已叫名入去
同葉醫生講朝早做左OSCAR，佢問我咁仲照唔照U/S?
(下? 唔照做咩好...)
葉醫生話有孕婦覺得U/S對胎兒有害，會減少照U/S次數
但葉醫生話無問題，唔照又唔會收平D...梗係見下木木啦 =]

岩岩先見完，係無咁興奮的...
不過木木好明顯係訓醒覺，郁黎郁去，仲玩左幾下蜈蚣彈!
氹得木木爸非常開心 =]

有一張相capture到木木舉高對腳啜手指，好得意呀!
無諗過木木係我肚裡面已經有咁多動作!
(而我完全感覺唔到...)



木木的CRL照葉醫生量度有6.47cm，依然比預產期大一日
雖然我無keep到日日有奶有蛋又成日食零食
但木木都好乖咁索晒長大中 =]

然後到問問題時間︰
肚肚痕爆 > 搽多幾次
持續跌磅 > 以前未有U/S先用體重做指標，只要BB size正常就唔需要擔心

翹康係 [十週] 之後每次都要驗尿check 尿糖+尿蛋白
但姑娘話 [十二週] 都仲算早期懷孕
所以等照完USG先去放水 =P

again，一個鐘內走得~