不害羞的怕羞草

說好的小林二家介紹呢...?
一直打算會blog下個pink kitchen，但keep住入粉貨的情況下
成日都同自己講「等埋呢件果件入宮先一次過寫」well...

死物無腳唔識走，終有一日我會blog佢 (講到好似打佢咁)
但活生生的唔blog就無架啦~
講緊係小林家年初係花墟買的一盆怕羞草

讀小學時要搭校車，等校車的路邊有好多浦公英 & 怕羞草
最鐘意就係搵腳係咁掃 (小朋友嘛~唔好學)，掃到怕羞草摺埋晒浦公英種子又揚起晒
好彩的話上校車前仲可以掃多轉 =p

所以當小林二家有位置可以種花種草時，第一時間決定要種怕羞草!
呢個係岩岩買返黎的樣子，一盆亂草~



其實由細到大都唔種開植物，剩係識日日淋水，有一排阿草好似就死就死咁...
但自從搬左佢去廁所之後，就係咁標高，估唔到阿草喜好咁獨特
(其實只因廁所有隻窗仔長期通風，有太陽又唔曬正，最適合怕羞草生長)

不特止，我咁大個女先知，原來怕羞草會開花!
(可能細個只係掛住掃掃掃無留意過...)



首先佢會生個綠色菠蘿仔出黎，過一兩日變紫色菠蘿仔(上)
然後就會開朵紫色花花 (下)!

(背景的LC唔關事的，佢地見天氣好出黎曬太陽...)



不過朝早見佢開花，放工放去就謝左架啦~
無耐第二株又會密謀開花咁...
唔知阿草有無能耐生到頂住天花板呢? =p

過兩日湊返個LC花盆返黎，我就開始學種香草! 自給自足!