感謝trick eye museum邀請小林家到她們位於太平山頂的特麗愛3D美術館遊玩 =]
坦白講當我收到邀請時,第一印象係乜個名咁老套架...
去人家網頁望多兩望,先知原來佢就係來自韓國弘大嘅trick eye museum!
trick eye,即係呃你對眼啦~
館內展品係使用源於法國的Trompe-l’oeil (錯視法) 視覺藝術,係一種利用錯視法將2D圖變為3D立體圖畫的藝術技巧,而特麗愛3D美術館就以輕鬆有趣的形式俾大家體驗
木木出世以來都未去過山頂,木木媽想帶木木搭纜車體驗下,然而木木媽完全忽略左「遊客」呢一點,去到花園道山頂纜車站,見到個蛇餅時,有一下想縮沙 (!)
無啦...最後都照排隊,亦比想像中快可以上到車,上車時俾個內地哥哥仔搶前霸左個位之後,感謝有外國哥哥仔好好心讓左個位俾我同木木坐。木木第一次搭纜車,表現得好好奇呢 =]
特麗愛3D美術館係山頂廣場,落左纜車要去對面果建築物先啱呀
我地呢日有啲甩甩碌碌咁,連門口都無影張相就好心急咁入左去了
一入館就見到一幅好靚的牆畫,呢度叫做秘密花園
初初我地係見野就坐下企下影下咁,傻更更唔知點玩好
之後就留意到原來每個展品附近都有圖片解說,話你知點影先呈現到最好效果,地下亦有標示教埋你企係邊度影,影靚相無難度!
木木話:我要跳啦!
腳震震......一不小心就會跌入萬丈深淵!
就算木木咁細個都知道要行邊度,仲好認真咁伸開雙手平衡
呢對翼唔知係咪弘大總店都有呢?好似見去親韓國旅行的朋友都有影類似
呢個我認為係女仔必影位! 靚!
剛剛果啲係靚,但講好玩就一定係「現場九唔搭八,返屋企扭一扭」就會勁好笑果種
我都有趴地㗎,但木木喺隔離就爬到踟跦俠咁違反晒地心吸力,QC後出唔到街...
i'm a ballerina! 開頭影完睇preview,硬係覺得爭啲爭啲
再望下先知原來館方好細心咁擺放左幾級樓梯,分別俾男人/女人/小孩企上去影相,我之前原來企左喺「男人」果格,唔怪之得啦!
無諗過可以騎到咁大隻公雞,哈哈
呢張相正正就係錯視法的最佳演繹! 明明大份過我同木木(好多)的木木爸,係精心設計好的空間入面,變得比我地細小! 好神奇,無論摔摔眼幾多次都睇唔明!
木木望住木木爸個樣好搞笑! 木木爸套衫仲同背景果位人兄襯到絕...
呢個位可能木木媽我玩會像真d,起碼對腳唔會掂到地先!
最好玩就係大型裝置,通常都唔止一種玩法
除左可以「爭d跌落去」之外,仲可以俾象象拉返上去添!
一邊廂爸爸就跌就跌咁,另一邊廂我同木木就好悠閒咁係度aloha =]
呢個場景相信大家都唔會陌生,始終咁近距離影,影到晒d掩眼位
木木問︰點解爸爸得返個頭嘅?
每件展品都好易明點去玩同影,唯獨係呢張,我返黎處理照片時先恍然大悟!
原來玩緊hanuman yoga! 勁呀木木哈哈!
木木媽我覺得呢個展品最抵死好玩,表情配合成件事加晒分!
我唔想跌落去做熊熊點心呀...媽呀...
木木終於搵到屬於佢的展品! 貓貓推BB車,木木一定覺得好奇怪 =]
佢仲自己去搵貓貓玩selfie!
最後一部分嚟到「探索香港」,大BB爬左上去會展度,木木爸你快d爬上去救佢呀!
除左維港景,仲有得同天壇大佛一齊打坐
當你見到呢位靚仔的時候,就代表特麗愛3D美術館之旅已完結啦 =]
我地玩得好開心呀! 唔同一般美術館,呢度嘅展品係可以坐可以企可以觸摸,同時亦需要參加者同展品互動先可以令展品變得完整 =]
呢日唔多人,可能同天氣有關 (大霧到任何維港景都睇唔到)
所以可以慢慢影,唔駛點排又唔會有其他人入鏡,反而係木木成日係度攪攪陣行黎行去,破壞左張相應該呈現的效果 XD 不過唔緊要啦,大人小朋友都玩得好開心,盡興其中就夠啦 =]
如果會去的話,不妨去佢地網頁望下有無門票優惠做緊
例如依家做緊5月母親節買2送1/逢星期三$50,抵好多㗎~
特麗愛3D美術館 (Trick Eye Museum)
網址:http://trickeye.com/hongkong/
地址:山頂廣場三樓
好似好好玩!
ReplyDelete好玩呀~有時會有D意想不到的效果!
Delete好正喎,木木爸同木木媽表情好鬼正
ReplyDelete木木有張O嘴望住木木爸,睇黎佢都好投入呀 XD
對佢地黎講,有咁多色彩繽紛又誇張的場景,一定大感興趣!
Delete你地一家三口都影得好生鬼啊, 入晒戲啊~~!!!XD
ReplyDelete唔投入D無效果呀! 要玩就投入玩!
Delete個館好正呀,不過我覺得你哋投入嘅表情重正
ReplyDelete都係因為無乜人望住先夠膽亂黎 =P
Delete