韓流掘起，本來對韓食無乜特別興趣的我，呢幾個月都日嘈夜嘈要食韓國菜
但食過一兩次後，bubu話我次次都食唔到辣，食一啖留九啖俾佢焚化，就唔再睬我...
好彩屋企人之前幫我慶祝生日，又有機會俾我呃到去食韓國菜!
韓松位於柯士甸道，尖沙咀韓國餐廳一帶 (韓國街)，驟眼睇都好多韓國人幫襯呀~
韓松主打韓燒，應該無之前我成日嗌韓式炒粉絲又唔食得辣呢個問題啦~
餐具紙套打開原來就係餐墊，仲劃好位置教你擺筷子匙羹碗，有心思!
韓啤 & 韓飲，幾次韓食經驗集結，覺得韓國果汁飲品好細罐，味道偏甜偏假
下次有得揀會飲返可樂!
套餐附送的六小碟涼拌菜，泡菜唔少得，菠菜芽菜都好愛~
未韓燒前介紹下熱盤，韓式炒粉絲
我係粉絲怪，所以平時明知好辣都要照叫粉絲食...
呢個唔辣的，好岩我~
燘牛肋骨，my all time fav in korean cuisine!
由梨汁而來的甜味太吸引!而且我好鐘意將薯仔紅蘿蔔刨得圓咕錄 =p
之後我自己有整過呢道菜，一路刨一路係咁同佢地講對唔住，好似好無衣食咁...
海鮮蔥花餅，呢類麵粉蛋製成的薄餅係小朋友最愛
加入海鮮配料同辣醬就變得好惹味，大人都愛~
唔記得有無影漏呢~ 唔理啦，主角要出場!
呢個爐同鐵板設計幾好，鐵板斜斜地，肥油沿缺口流落爐頭塊鐵片，肥油唔見晒!
套餐有牛舌，五花腩等，其中bubu叫我留肚食呢個王牛排
我當時仲心諗，得果兩舊邊夠六個人食呀...
點知負責燒肉的侍應姨姨一燒~原來攤開咁大塊!
薄片得黎保存到肉汁，真係好好味!
至於其他...由於侍應姨姨成日過黎搶住燒，一燒好大家又搶住夾
再影相就無得食架啦...
少食韓燒的我已經收貨，我地坐二樓，檯與檯之間鬆動，抽風系統亦可以
服務一般，媽媽唔介意自己燒，鍾意慢慢食，已經同侍應講左
但佢地始終耐唔耐就行埋黎自把自為幫我地燒晒佢...
係韓國食燒烤都係d '亞珠媽' 幫我地燒晒d 食物~~
ReplyDelete她們的服待實在太好~
[版主回覆06/17/2013 17:04:07]原來係咁，但呢度似係香港師奶多d =p
我唔鍾意呢間>.<食過兩次都麻麻地，d 阿朱媽好似成日想趕人走咁。(不過可能係我地食得慢，每餐飯起碼要食3個鐘!)
ReplyDelete[版主回覆06/17/2013 17:06:17]我媽媽都勁唔滿意，仲要已經係交帶左唔駛幫手都係唔理，我都覺得係想趕人走多~
個炆牛肋骨睇落都入晒味, 正呀!! 自己煮難唔難呀?
ReplyDelete[版主回覆06/17/2013 17:08:05]自己煮唔難，同紅酒炆都係差唔多，不過玩認真就要刨到d蘿蔔一個個圓波波咁，浪費人力+時間+食物...
次次入黎你blog都見到啲咁好味既野食, 真係睇到我好肚餓
ReplyDelete韓燒我都鐘意自己慢慢燒多啲......
[版主回覆06/20/2013 13:04:09]無辦法啦，自己煮果d唔係好出得街，咪寫出街食飯多 =p
想趕人走? 成日幫你燒~ 哈哈~
ReplyDelete[版主回覆06/24/2013 11:13:34]如果果d真係阿豬媽我都信佢地係想幫手燒ge，香港師奶我就覺得一定係想我地快d走囉 XD
燒牛肋骨, 正呀!!
ReplyDelete[版主回覆06/24/2013 11:16:15]好~~~正~~~不過耐唔耐一次好啦，食完即刻喉嚨痛 =P
我好鐘意食韓菜, 在家都有整, 套餐係乜價錢呀?
ReplyDelete[版主回覆07/01/2013 00:42:37]梨聽得多，原來有用埋奇異果，多謝教學！
[Little Ting Ting回覆06/25/2013 22:54:32]一般來講會用打碎的奇異果.洋蔥, 蒜泥,梨子, 薑, 豉油去醃. 做出來真係好好味架.
[版主回覆06/25/2013 22:29:01]因為係我生日，所以我無理到…有影到一張相六人餐就千四左右
btw，屋企點樣可以醃到d肉咁韓feel？
尖沙咀都有好多間韓國店，你呢間都唔錯呢~~ 正﹗
ReplyDelete[版主回覆07/01/2013 00:42:05]尖沙咀有平有貴，有機會想試下其他呢～
bubibu:
ReplyDelete~生日快樂.
~韓國菜好刺激, 又好味. 由其是啲食物係面前燒至熟. 見到都開心.
[版主回覆07/01/2013 00:43:09]thx vicky！你果邊有無韓燒店呀？
睇到流晒口水!!!^0^
ReplyDelete[版主回覆07/01/2013 19:49:58]呢d咁熱氣既你都係暫時少食為妙啦～媽媽～