Baby has working arm joints, and her cartilage and bones are forming.
Her vital organs are fully developed and they're starting to function.
Her fingernails and hair are starting to appear, too.
Plus, she's swallowing and kicking in there. (Can you believe it?!)
-----------------------------------------------------------------------------------------------------
21－27 JUN 2013 • WEEK10 • weight︰87 lbs • tummy︰27.5"
(西梅…依家係我POO POO的好朋友，無佢就無POO POO…)
懷孕四十週，[十週] 已經走過整個懷孕期四份之一
如果係結婚，呢個時候應該book左場地攝影化妝，仲開始左DIY
對於懷孕，一無所知，但可能因為身體易攰
已經無左好似以前籌備婚禮果種魄力
不過話說回頭，1st trimester係一段好需要小心的時期
係媽媽會已經聽到唔少「BB走左」的壞消息
所以我但求食得訓得笑得過每一日，已經係對木木最大貢獻
而且今年私院床位無舊年龍年咁緊張，又無左雙非孕婦
我睇兩個掛唔同醫院單的醫生都叫我慢慢考慮唔駛急
又未知木木係仔仔定囡囡，好多野都未買得
暫時做得最落力的咪就係參加唔同品牌媽媽會...
可能就係因為無咩好做，個人就容易亂諗
對上一次產檢已經係兩星期之前，當時木木只係一粒豆
下一次產檢要等多個幾星期，中間隔左三個星期
而又因為無乜害喜，加上我逐少逐少跌磅
我就成日諗「木木究竟仲係唔係度?」，感覺好唔真實
每次同木木契媽們講都鬧到我九彩
同bubu講，初頭佢都唔理我
但 [十週] 佢睇到我一路輕落去，個肚又好似扁返
都陪我驚埋一份，日日摸我個肚搵木木，仲問駛唔駛即刻book個醫生照照
結果我要安慰返佢轉頭 =p
雖然擔心，但我心底裡相信木木有長大的
如果係俾木木吸收晒都係一件好事丫!
[ZITS]
之前講到荷爾蒙導致嚴重爆瘡，估唔到一兩星期之後
係無乜搽野情況下好得好快，已經謝晒平伏晒，好驚喜
只係唔可以搽美白退印…
...聽人講生囡皮膚好?
[TUMMY ITCHY]
肚肚通常朝早扁扁，越夜越突
不過煩惱的唔係見唔見肚，而係好X痕呀!
我知唔可以R，但真係忍唔到，唯有隔住件衫磨下磨下…
但都已經俾我R損左，一點一點咁，唉 ><
其實我 [七週] 已經開始搽防妊娠紋產品
究竟係用緊呢隻唔岩我，定我皮膚真係乾得咁緊要?
市面上其實好多防妊娠紋產品講到幾勁幾勁都係假
不如聽媽媽會意見，買枝純橄欖油試下情況有無好轉
愈來愈少妊娠反應，應該係一件可喜可賀的事!
當然，「攰」依然係每週主打，我依家又好眼訓啦…
