小林家的快樂聖誕*2011

○● merry christmas ●○

抱歉我在聖誕過後才祝大家聖誕快樂 (啊，fb page有喎!)
你也知道，一輪狂歡過後，若然未執屋就埋電腦檯，會被「啤」的 =p

小林家今年的平安夜一如既往的去吃聖‧誕‧大‧餐去年中地雷，太地道的italian country christmas原來會吃不慣
今年不知道bubu會帶我去哪?
wherever，因為bubu今年平安夜編不到day-off
要他拖著疲乏身驅去迫，哪裡都沒所謂啦。

原來是從中環搬去the one的harlan's!



上個月去同一幢的「迎」飲宴，已經覺得the one這幾層的餐廳景觀不錯
bubu肯定是超級早訂位子才有window seats，令我們的大餐加上維港景做side dish =]

記得早幾天的平安夜很冷嘛?
當晚，只有一玻璃之隔的balcony，竟然都有開放做christmas eve dinner!
看得出坐外面的情侶已經是有備而來，著羽絨戴冷帽
但這樣子，食物放出面十秒已經極速降溫啦...

bubu說這頓大餐是慰勞我今年很乖，很努力工作i.e. 沒有失驚無神嗌唔撈要做返少奶奶 XD

交換禮物環節留特回到家才進行
自結婚以來，bubu終於在我循循善誘下不再買hello kitty
改以實用性為主導來選購禮物

今年，我收到一個 LE CREUSET !!!
令眾多有米靚太為之傾慕的le creuset !!!
我都可以進軍成為「有米」靚太之一分子啦 =]
拿，此米不同彼米，我的是「有米飯可以煮」，大家是「有米買N個LC」XD

LE CREUSET ROUND FRENCH OVEN 24CM - ANTIQUE ROSEantique rose antique rose呀!
上個月紙婚小旅行搭CX，flight shopping有LC賣，我跟bubu說
如果真的開始買LC，一定要買antique rose，無antique rose寧願不買
原來那次之後bubu就牢記在心上，謝謝老公!

忍不住再大叫︰antique rose antique rose呀! 哈哈哈!
除了LC大禮物，其實還有during feast & boxing day present啦，也是超級實用的說，like!

bubu送我的是大驚喜 (因為聖誕前買了一件blue heroes皮褸，bubu講過當聖誕禮物)
至於我送bubu的，則是他今年開始常常掛在嘴邊的iPad2 =]
知道啦知道啦 =p

還知道你想一開即用，多得ios5有icloud
趁你不為意的時候把iphone的sync過去ipad了 =]
(因為我還未研究到一個itunes library如何sync兩部phone而不會亂，大家知道嘛?)

一按home button就看到一個貌美如花的聖誕老婆啦! 哇卡卡!


還好今年因為bubu平安夜要工作
令我有充分時間準備handmade christmas card，比上年的滿意得多!
另開文再分享呀下 =p

---------------------------------------

相關閱讀︰小林家的新婚聖誕

[紙婚小旅行] 個人化及主題化

其實blogpost title應該承上篇，叫「忙...忙什麼?」
很忙，很忙，但其實不知道自己在忙什麼
可能天氣涼了，人變得懶洋洋，不願動
加上親朋好友bloggers們相繼接連在年尾旺季結婚
單是出席不幫忙都已經很忙!
...講講下，其實都算有原因丫 =]

------------------------------------------------------------------

紙婚小旅行的照片還在整理當中 (應該說是被扔在一旁)
所以先來點周邊的 =]

拍拖時期去的旅行，都沒有特別為慶祝某重要日子而去
結婚後的第一趟 - honeymoon，因為時間都用在婚禮上而沒有好好預備

今次作為具紀念性的紙婚小旅行，如果純粹一個行李兩個人三四件衫就上機去
好像不夠貼題...於是擠了點時間，手作了幾件小物帶去 =]
[個人化旅遊書]

其實這種小書也不是第一次準備了
早幾年去沙巴，因為那時沙巴旅遊書少兼廢，所以自己上網找資料自製旅遊書
而今次去台北，先不要念我「台北旅遊書多到你睇唔晒啦」之類的...

自製台北旅遊書的主要原因是︰不想像第一次去的樣子 =]當大家去台北去到吃生菜的地步，我和bubu勉強說是只去過一次
就是前年去台中拍攝婚照，四天三夜最後一天返台北順道上機
所以今次勉強說是第二次，或者正正式式第一次 =p

去台北這個港人熱點，如果出出入入要拿著那本「閃令令」，覺得好丟臉...
所以簡單的把旅行資料如航班、酒店及行程規劃輯成小書帶在身邊很輕巧，參考時亦非常直接 (因為沒有不想去的地點嘛)
不過，我的小小旅遊書是沒地圖的 XD
放心啦，到埗會出電話卡無限上網，那就會有GOOGLE MAP =]

[主題化行李牌]這其實是毫無實際作用的一件小物 (沒名沒姓沒地址的luggage tag...)
只是希望旅程一開始的時候可以貫徹紙婚小旅行主題剛巧又購入了有關 [飛機‧雲] 的stamp set，一時手癢就弄了出來
跟旅遊書及其他小物一樣，colour theme 忠心跟隨婚禮的 >> pink + brown =]
至於飛機的watercolouring還未到家，要多多練習

[主題化拍照道具]
選擇台北為紙婚小旅行地點沒有特別原因，只因時間「筆直」都配合苦惱...如何把「紙婚」跟「小旅行」連貫在一起呢?
我預備了一個自製的msg board，好像拍婚紗照時用的道具一樣
在台北各處，尤其在紙婚當天用來拍照「我們在那裡見證我們的紙婚」，我很喜歡自己的idea =]
(雖然不是pink/brown，仍愛瞎了紙花片的顏色，pastel pastel~!)



[主題化蛋糕牌/相框]
「慶祝飯」對於我倆生活來說是很重要的部分
如果人在香港的話，紙婚那天大抵會找上一家很好的餐廳fine dining
就算人在台北，我們亦安排了紙婚當晚去一個很好的地方慶祝 =]
之前經e-mail和餐廳聯絡，不厭其煩的告訴人家我們是慶祝紙婚
結果R到一個complimentary celebration cake (香港人嘛...)
free cake，好極有限，所以我弄了一個「1」的蛋糕牌
到時加插在蛋糕上，變成獨一無二，完全為慶祝我倆結婚一週年的celebration cake!

相框是送bubu的紙婚禮物。
籌備婚禮時未開始沈迷scrapbooking，當時的DIY也未涉足到婚照的範疇
趁尚算新婚甜蜜中，用結婚時套上結婚指環的照片做一個相框，請彼此記住一年前的承諾
應該會是一份尚未被嫌棄的禮物吧? XD



對於這次紙婚小旅行的準備，覺得很滿意呢 =]

忙...忙SHOPPING =P

很多天沒BLOG了，因為忙住SHOPPING =p

天文台一句「今年冬天將會很寒冷」，人人有藉口添置寒衣
未開始凍，我已經入了三件uniqlo heattech，一件皮褸， 一件斗蓬，一件zip-up hoodieOMG !

家居服也「陰滋陰滋」的增量中因為有人嫌我從娘家帶來的太過「咸薑」「呢度穿果度爛」和「著到成個阿婆咁」(咩喎，屋企衫係咁架啦 ! 你話係咪啦 ?)
如果有客到，我大可以不換衫繼續以homewear示人，因為通通都新簇簇 !
還打算淘一轉寶，主打「搖粒絨」波點睡衣，可愛到可以開PJ party =]

講起家居服，不得不提我的家居「鞋」
買下買下，就變成這樣子...

通通是POLKA DOTS ! (粉紅色那是不用說的)
platform︰煮食用。
因為要遷就洗衣機，廚房工作台要有一定高度，剛剛就是比我合適的高了點...
毛毛flip-flop︰早上用。
剛起床，腳掌踏在地板上會令人清醒過來，不要這樣，要keep住sleepy =p
毛毛鞋︰寒冬用。
冬天女孩子手腳冰冷，最好再加對襪子!

-----------------------------------------------------------------------

十一月SOGO+YATA，今次不算大出血，只在supermarket 補倉
SOGO還好，沙田一田實在太恐怖
上次五月仍可以勉強推車仔，今次連購物籃都不敢拿之餘
排隊check out竟然要由收銀位排至肉櫃，再u-turn入隔離aisle，隊尾在...收銀位 !

之前99給我們用的舊電飯煲壞掉了，趁SOGO減價買一個新的
本來打算買個萬能西施飯煲，但發覺要萬能的就要買容量大e.g. 1L以上
基於慳位+慳錢份上，買了象印0.5L快思邏輯



(有無聰明太太可以教我， 點解叫西施煲?
媽媽都唔識答我，因為娘家咁多年都係用傳統綠色果d...
「快思邏輯」同「西施」又係唔係refer to同一樣野?)

-----------------------------------------------------------------------

美國傳統在感恩節過後，就是聖誕購物旺季的開始 !
(...咪住咪住，美國減價關你咩事?)
今次關呀，因為朋友的朋友會回港過聖誕，所以會搭單買scrapbooking東東什麼pink tuesday，black friday，cyber monday，都是大減價的理由
買到傻了 ._.所以有些之前買下的，還有屯積的，想找個渠道放售...fb還是這裡好?

-----------------------------------------------------------------------

發覺原來上年這個時候，也是在瘋狂的買 (按此閱讀︰婚後仍停不了... )
唉，年尾 !

TOY STORY LAND 率先試玩!

DISNEYLAND最新的TOY STORY LAND聽日 (18nov) 就會正式開幕啦!!!

娘家有人打迪迪尼工，所以佢未開幕時我已經去踩過下泥地
開左之後都最少去左十幾廿次，密到bubu問我可唔可以隔耐d先再去 XD
鬼咩，細細個果時唔知邊個送左盒disney casette帶過我，日日洗腦
加埋果時睇disney princess movies睇到有公主病 (bubu望到呢句一定大力點頭認同)
連之後入大學做intern臨grad搵工都係望住迪迪尼發夢
我又點會唔愛佢呢...

叉開左話題添 =p
其實今次試玩都唔輪到我地去架，你咪話，嫁左之後係娘家地位真係急降
(又鬼叫你呢半個月忙到返唔到去食一餐飯...(咁呢排個個weekend都要去飲咁滯嘛...))
都係因為未來嫂子已經去過，媽媽話讓下d後生
我地先可以係候補名單升上坐正咋陰功 ><

2nov星期三，準時放工即撇飛半個鐘頭車仆倒入迪迪尼!



果晚TOY STORY LAND八點先開
我地七點左右就入場，可以他他條條行下shops睇埋煙花
之後就要戴返條手帶先可以入TOY STORY LAND
如果唔係個個睇完煙花就會借d意跟埋入land架啦~



果晚係cast member family night，一個cast member可以帶兩個親友
個entry pack好good架，除左有入park免費飛，入land手帶，仲有幾張tickets︰
1) 三枝雪條，唔駛問梗係揀最貴果款，就係米奇頭雪糕批啦~
2) 三個著燈badges，呢d限量版買都買唔到，超愛!
3) 一張可以換相既coupon，即係平時幾廿蚊一張買完好肉痛返去又攝埋一二邊果d...

除左以上，個cast member仲可以參加lucky draw，抽中會有部ipad2!
又會無啦啦有檔賣souvenirs，一舊水五隻毛毛公仔，個個好似唔駛錢咁湧埋去
好明顯係人地賣剩蔗先益班員工親友啦 XD
迫到買到一大袋好似好叻咁，但其實之後見到d人一抽二袋咁玩不知幾狼狽
難為我件針織新衫仲俾佢地勾爛左少少 ><
(你見我咁講，即代表我都有入去迫啦...不過我迫左三十秒就回復清醒迫返出黎...)



講左咁耐，其實都未行到去TOY STORY LAND既範圍...
呢張相影得好好呀! 你知嘛，我同bubu影相唔叻，好少拎埋腳架四圍去
通常我唔開口搵人幫手都唔會有正常合照 (自拍拍到塊面成個波果d我唔叫正常...)
仲要聰明絕頂的bubu明白我想點擺pose喎
所以呢張影得咁合拍真係好難得!



終於都到啦!!! hi woody!!! 你好巨型呀!!!
woody隻boot同我差唔多高!

其實個LAND超級細，基本上入左去之後得一條大路，直望可以望到最尾果度...
不過細還細，d佈局好有心思，唔會話行完呢度要行多陣先有野睇 (梗係啦，咁細...)
係movie裡面，玩具做細既；係呢度，佢地做大既!好似調返轉我地係andy個後花園，做woody既玩具咁 =]
(有woody但係無buzz light year同三眼仔喎 XD
因為巴斯生係TOMORROW LAND果邊射緊鐳射槍嘛)
周圍都係放大左好多倍既積木、搖搖、玩具盒
真係會有「俾叮噹個電筒縮細左」的感覺!


(夜晚實在影唔到靚景俾大家睇，唯有去官網借...)

land裡面有三個玩得既attractions，因為有人見到勁果d attraction腳都軟埋
(係邊個就唔講啦，不過我同娘家既人玩跳樓機都面不改容囉 XD)
所以我地先向最可愛既入手 - 轉轉彈弓狗 (SLINKY DOG SPIN) 
呢個attraction要由高空睇先見到可愛之處 =]
彈弓狗圍住d骨頭係咁轉圈，永遠都係個頭追住條尾，哈哈!
右邊slinky dog玩具包裝盒，就係排隊既地方
thumbs up for imagineers! you guys are so creative!



刺激度︰1/5最快既果圈都唔覺得好快，岩晒小朋友玩~
我地一截彈弓坐三個人，唔夠人坐會有空位
於是最細份既我就俾隻狗撞黎撞去，好鬼痛 ><



之後我地向第二個attration進發
 玩具兵團跳降傘 (TOY SOLDIER PARACHUT DROP)bubu已經開始面有難色，不過仍然係我地半推半就之下跟左我地入去排隊 XD
未玩之前扮下降傘兵先

呢個attraction有六個降落傘，每個降落傘坐六個人，bubu唔駛講一定係坐中間 XD
經屋企人教路，我地坐左係景觀最開揚果個
升到最頂時睇到晒TOY STORY LAND全景
仲偷望到隔離施緊工既新LAND!

刺激度︰2/5
我自己覺得好小兒科，好似中童版跳樓機咁
(因為都有返三層樓咁上下高，對小童黎講就好似高左少少)
上到頂會chok幾下先落，再上返頂一兩次先慢返少返
離心力都無乜，不過隔離果位話有，仲鬼殺咁嘈 XD



之後見人多，我地去左醫肚先
平時去DISNEYLAND，雖然free entry抵左，都要慳住食慳住買，因為所有野都好x貴
不過我地今次可以用豪食黎形容!
未開始玩之前已經隊左兩枝drink，兩條栗米加一隻熱狗，埋單只係卅蚊!
中場醫肚去左banquet hall，叫左一個雜扒餐、一個拉麵餐加支可樂
你又估下呢度幾多錢埋單?
個拉麵平時要$65，果晚只係$19.5!
個雜扒平時要$90，果晚只係$30! i.e. 70% off !!!

你睇我興奮到要同張發票影相就知啦!
果晚所有F&B都係三折! 買野都係咁上下折頭，真係食得開懷 =]

食飽就要返去挑戰最終極果個attraction (希望唔會嘔返晒頭先食果d啦)
沖天遙控車 RC RACER!
最細膽果個一早表明打死都唔會玩，咁我都唔會咁殘忍逼迫佢既
我都唔想未到結婚一週年就...哈哈!
所以只係得我同屋企人入去排隊玩
 (無錯，雖然係private event，不過都好多人要排下隊)

呢個影相位，架「模型車」係我未來嫂子整架! 一定要影影影~



刺激度︰5/5!
本來我未排隊之前驚都無驚過，諗住都係勁OP個海盜船少少者!
點知排緊隊果時bubu打電話俾我，話佢見到有個女仔喊住走返出黎!
問同我一齊排緊隊果位，佢話無乜野就唔好玩多次...
下!
咁講我先開始識驚，不過又唔可以縮沙，咁樣衰一定俾bubu笑到面黃，唯有頂硬上...

坐左係尾二果行，唔洗守尾門已經暗呼好彩
一開波頭四下就衝到兩邊最高點，差唔多90度! 以為死梗啦...
點知玩玩下又覺得唔係咁驚，離心力係有兼大
不過真係覺得同海盜船差唔多
玩多次都仲應該ok，三次就免啦...

如果你唔嚇得，其實個LAND都有好多影相位，度度都係靚位 =]
多謝屋企人幫我地影左好多合照呢~

行到最尾仲見到阿rex! 成口都係繩...



當晚都有得同woody & jessie影相
可惜我地玩晒所有野想去排隊的時候就cut左人龍lu
唔緊要，我地自己影 =] 呢個位，外型好似一個倒瀉左的玩具桶咁架~

八點入LAND，玩到十一點幾先捨得走呢~
拜拜啦woody，可能我christmas又入過黎探你都唔定?
(bubu︰下，你岩岩先去完咋喎)

-----------------------------------------------------------------------

有無發覺呢個blogpost個tone唔同左?
因為呢排刨緊一個top blog，人地用口語化寫下下都好到肉
於是我又試下咁囉...
好明顯比平時寫得快，因為我手寫我心嘛，我d文采其實麻麻地!
大家睇邊種會順眼d?

第一次遇到fitting model黨

前天下班去尖沙咀取回東西，戴著earphones在彌敦道走著走著
忽然有人從後的拍了我膊頭一下即時想法︰「頂，唔係撞到熟人呀嘛...」
(註︰純返工無街去的日子，我是超級頹樣 - 油頭垢臉戴黑框著爛鞋。)

轉身一看，一個陌生女人

帶著半鹹半淡的廣東話，指著我的黑色zip-up問︰
「稍姐，禾想暈呢，你係唔係著細碼架呢...」
「禾唔係賣sam (衫) 果d人黎架...」

雖然bubu一天到晚都話我蠢
不過我尚可立刻聯想到這該是騙人的
唯有不理她繼續向前急步走

細碼...雖然我胖了很多，很多
但一看上去好明顯不會是中碼大碼啦! (大碼可以...小童大碼 XD)
這種開場白也真夠爛...

在fb提及這件事，blogger karen話每逢去尖沙咀都會遇到
真的嗎? 我才第一次呢...
究竟如果「落搭」的話之後會發生什麼事?
只怪平時少看警訊...

[nov7] 小林先生夫人的一週年紙婚紀念

今天是2011年11月7日，望望上面的BLOG BANNER，也就是
小林先生 & 小林太太之一週年紙婚紀念日!

恭喜兩位平平安安無穿無爛地渡過了首年新婚生活
可喜可賀!

婚前一年，NOV5-8 我們飛往台中拍攝旗艦婚照
婚後一年，NOV5-8 我們飛往台北慶祝紙婚紀念
which means 我們現正身處台北囉!

慶祝紙婚紀念，沒有選擇去很浪漫的地方，或者來個大旅行
因為婚前婚後同一段日子去同一個國家為著同一件事情(結婚)而覺得很有趣...
(瞎! 其實是因為太窮，有特價cx機票兼且覺得上次停台北一天買得太少!)

－－－－－－－－－－－－－－－－－－－－－－－－－－－－

一年，結婚已經一年啦。快樂時光過得快，雖然小林家已經住得很慣，也很習慣旁邊有個人一起睡
但「新婚」的感覺仍然強烈 =]
始終各自各的生活了廿多年，一起住才一年光景，磨擦少不免
也因為我倆都孩子氣，鬥嘴、吵架不到三五七天精彩上演
(我們更會向對方父母投訴...「你個女好反訓呀」「你個仔蝦我呀」XD)
不過氣消了第二天就會沒事 =] 暫時這是我們的夫婦之道，不要學，哈哈!

bubu，謝謝你過往一年的愛鍚+包容對於你這位當了一年的丈夫...
喜歡你的小淘氣卻又討厭你常常捉弄我 ><
欣賞你極度主動做家務，希望你繼續努力，最好包辦全屋家務 ＝p
享受你為我準備的晚餐，不過我想學做好太太，所以把你的胃交給我吧。
最後，如果你可以收一下你的超臭脾氣就好了，感謝你 =]

結婚一週年，叫做「紙婚」意思指婚姻初期像紙張般脆弱，可幸我們的一紙婚書絲毫不損 =]
要繼續一起努力建立婚姻厚度，迎接明年的「棉婚」啊!

－－－－－－－－－－－－－－－－－－－－－－－－－－－－

其實這一年來，不停有bloggersss給我「溫馨提示」
叫我快點繼續寫7nov2010...
有時做人呢，不要把話說得太滿，是誰在這兒誇下海口
說結婚一週年前會寫完7nov2010 PLUS honeymoon?
唉...是我低估了身份轉變後的懶惰指數 ><
回來再見 & 繼續blogging!

婚前/蜜月前貼心準備 - brazilian by STRIP

[話題有少少敏感，如果是害羞的小女孩就緊記不要看，不過我認為這裡沒有 XD]

大家都很努力的準備結婚當天清早至晚宴散席的事情
那散席後呢?
新婚兩口子拖著疲乏的身軀回到家/酒店房
終於擁有真正二人共處的時間和空間
以自身經驗來說，一般都是懶理打仗般的房間，極速卸妝倒頭就睡
不過，始終作為新婚初夜，亦為古時所謂洞房花燭夜
有想過準備小小驚喜給hubby嗎?
去年我結婚的時候，
除了有準備到比平時「性感少少」的lingerie外
還有...

去年有一家從新加坡來港開業的店
裡面的一個treatment令我很感興趣，叫做
*BRAZILIAN WAXING*

brazilian是bikini waxing的其中一種
其他的有american & french style
而當中brazilian是最徹底那種 >>> ALL OFF!
半條pubic hair也不放過地用wax連根拔起(從文字已經可以感受到會有多痛吧...? 怕痛可以不看下去，但八卦妹就請看下去...)

香港我猜應該未普及吧?
至少身邊從來沒朋友跟我說會去做brazilian (或者難於啟齒?)
在外國這一種waxing出現很久了 (可能因為鬼婆比較hairy =p)
有人為hygiene, 有人為aestheticism, 有人為sexual appeal
我當時有一半是為了honeymoon日日著bikini時完全無後顧之憂 =]


那家店叫做strip，自詡為ministry of waxing
新加坡人開的，技術來自紐約，已經在很多其他城市落戶
去年暑假進駐中環擺花街，新開張有大優惠
我trial一次已落疊開戶...
之後她生意好到在同街開分店!
(生意真的有那麼好嗎? 每次都只見得鬼妹光顧...)
(照片中"browhaus"不是賣衣服的bauhaus啊! 是附設在strip的brow shaping service)


我猜大家不會只想看門口的照片吧 XD
不過做waxing的時候那有閒手拍照呢
於是在報紙上cap了有關圖片來解釋比較易明白

她們有個HSQmantra (HYGIENE / SPEED / QUALITY)
每次treatment都用一個全新sealed hygiene pack
裡面有for dipping wax的小木棒，除菊的antiseptic gel...



至於最重要的wax我覺得好夠fun!
左邊的是hard wax，主要對付硬毛髮 eg pubic hair, armpit hair
不要看它「屎色」核核突突，會飄來朱古力的味道!
後來又推出了strawberry wax，粉紅色的，for sensitive skin & fine hairs

右邊紫色的是soft wax，主要用在長軟毛髮的位置 eg 手手腳腳

上文提過bikini waxing分幾種，主要在於「wax幾多」，strip都有提供
如果很怕痛，可以只做bikini line，即是swimsuit覆蓋不了的範圍才wax
有一種差不多是all off，不過前面會留一個三角形柱形甚至心形也可以的形狀!
至於brazilian不用說就是最後一個 "XXXX All Off + Bottom"
看圖就是一棵草也不剩啊...


話brazilian完全不痛一定是騙你的，所以treatment room裡面會有squeeze dolls讓你想大叫時改為掐死它們 (當然大叫都無問題，therapists都見慣不怪...)我見過有小啡熊的後腿被扯掉 (!!!)
這隻小兔子是開業沒多久我第一次光顧時拍的，不知道它現在可好...


wax procedures和坊間的差不多
不過strip就標榜[SPEED]，brazilian只需15mins (但so far我未試過...)
therapist首先會再用antiseptic lotion抹要wax的位置



然後用小木棒舀起長期keep warm的choc wax，厚厚地抹在wax的位置上
(這時候就會聞到陣陣古古力味，好想食...)
有時一次不夠的，therapist會用新的小木棒再舀
NEVER DOUBLE DIP亦是她們的另一堅持，好欣賞



最後到最緊張一刻..."OOOSH!"起wax要視乎therapist手勢，要快狠準
所以make appointment時一定要book熟手therapist, ie 鬼婆
試過有一次，因為太遲約而被安排由港女therapist做waxing
手勢差兼慢動作，兩個鐘都未搞掂痛到我喊起上黎! ps 我好易喊的
第二日即刻打去port到個女仔暈呀! (一鬧人就自動轉channel...)

除了therapist手勢，不同位置分別頗大啊~
以我來說 (超怕痛的玻璃人)，
手手腳腳用softwax+wax paper就不大，armpit少少痛
brazailian亦視乎部位，愈senitive的部位當然愈痛...

waxing後有很多do's and dont's
不可以沖熱水涼，不可以曬到，要多做peeling...
你可能會問為何不做laser / IPL?
因為我的手腳毛不多且幼，自己shave / wax都可以啦。
armpit想做laser的，不過我又很喜歡用小夾子逐條掹!
(拿拿拿...不單止我，BE forum原來有不少人都用這方法!)

---------------------------------------------------------------------------

只是純粹想讓大家知道有這麼的一種waxing =]
希望大家不要覺得我是變態blogger ><
至於八卦妹可以再留言問 XD

p.s. 除了brazilian，還有 BOYZILIAN, means hubby都可以去啊...

上美容院の哀歌

上美容院護膚，才只不過約兩年光景，就已經換過四家美容院，夠哀了吧?
開始只因訂婚了，實在有需要「搞搞佢」
自小我已經不懂打扮保養，鄰座同學日夜怒痴雙眼皮膠紙的時候
我可以求其梳下頭，帶著滿臉豆豆兼一派悠然自得的樣子去上學...

雖然是比較遲鈍，但我都大概知道連鎖式經營的美容院有多可怕所以當時主打娘家附近幾家獨立式經營的小美容院每間都用「試做價」做一次facial，試幾家後決定在美容院A落戶開course
可惜好景不常，婚前幾個月美容院A忽然不幹，易手給美容院B原址繼續營業!
那時我還有十次八次facial在美容院A
美容院B說可以繼續做完美容院A的才決定跟不跟他們的
十次八次金額不小啊，無奈地乖乖就範
幸好之後覺得手勢還可以，就跟美容院B開course了。

婚後搬離娘家去另一區住，雖說每星期總有一次回娘家
但總覺得很不方便，不喜歡做完facial後「癲婆look」乘車回家 ><
那時還有大概三、四次，心想完course後一定要轉美容院!美容院B當然也嗅到我豎尾巴了，最後一兩次facial 後「哦」了我很久很久...
又幸好年輕美容師不算太難纏，堅定不移下全身而回!

婚後不能懶，要繼續keep!
剛巧未來嫂子介紹她光顧的一家，是她朋友開的，一來比較放心
二來美容院在我家的步行範圍內
於是就順理成章的在美容院C落戶開course...
再次好景不常，當我做到第四、五次treatment
皮膚變得滑不溜手、吹彈可破之時 (假的，不過真的好多了)
美容院C又又又忽然不幹，原因是舖租太貴...
結果找到美容院D接手，我餘下的treatment又又又再次被過戶 ><

不過今次沒上次般順利，美容院D本來就有兩家分店 (一聽到有分店就好擔心)
是「玩格仔」的那種美容院!!!

－－－－－－－－－－－－－－－－－－－－－－－－－－－－－－－

好啦，以下落黎果d又係要口語化先可以表達到美容院D有幾咁黑人憎!

話說美容院C拍晒心口咁promise
話美容院D一定會幫舊客做埋剩低既facial，之後先考慮join唔join佢地都得咁好啦，我咪放心照平時咁book囉
做facial果日佢地仲有打黎remind booking，好似好細心咁
上到去，話要填過晒d表，OK明白無問題
但係要人地填結左婚未屋企有幾多人收入幾多 < 有咁既需要咩?
係咪想知我搵得多就sell果d「白金魚子醬xx療程」剩係得個名矜貴既package?

填完資料諗住可以入房啦，未得，要去角落頭坐低
話可以consume舊單，不過係要做佢地既treatment (！)
一打開本clear file就揭左去一版每次千千聲既treatment，話照價扣返舊單
我個balance得返千幾蚊，咁咪做得一次?

到我出聲問先話其他都揀得，其實揭黎揭去都係果d價錢，再貴d都仲有
終於揭到一版叫做basic treatment，即係最基本果d保濕、美白、舒緩
睇下個價錢 > $680, $780, $880 (！) 我心裡面已經鬧左十次「痴線架?」
ok fine，就揀最平果個$680
佢地見我揀呢個之後就改口，話唔係照扣balance
而係將我舊單果四次treatment (= 千幾蚊) 變成四個格仔 (！)
然後話$680一個格仔唔夠扣，要扣兩格到呢個時候我已經好嬲好嬲，反口覆舌，見頭先條橋sell唔到就轉橋一定賺盡你為止
唔想再同佢拗，扣兩格就兩格
點知佢地仲夠膽死繼續sell咩乜鬼中藥療程
話個個新客上親黎都要做呢個treatment「清底」
如果唔係以後做咩treatment乜都吸收唔到喎 (！)
我唯有將我本來已經黑既面口再enhance下︰你聽唔到我已經揀左啦咩?

終於入到房，唔駛換robe因為treatment根本唔包肩頸按摩
係咁意捽下塊面就開始針清，一路清就一路探我做邊行搵幾多錢
兼係咁話我塊面有幾爛，上手做得有幾差...
繼而繼續sell果個中藥療程，仲話依家轉都仲得，做完先計 (！)
針得痛不特止仲要求其針下個鼻頭就話針完之後我都無expect會有d咩額外野，諗住倒埋模就走
點知佢搽完一層薄到似有還無既gel mask上面之後
話個basic treatment係唔包倒模 (！)
再話佢地公司既模粉比其他好 (模粉可以點好法呢?)，叫我俾錢加 (！)

到呢個時候已經係極嬲，佢地見我板起塊面，可能知道無可能再係我身上搶到錢就出返去
我咪話gel mask好薄既? 唔駛5mins已經乾左，但係佢地係出面掛住吹水
好耐之後先入黎搞埋d手尾，當然期間繼續講萬能中藥療程...
我都算好脾氣架啦，忍到依家都未破口大鬧
因為我已經下定決心唔會再去，剩返d balance亦由得佢，唔想做潑婦
但佢地仲問會唔會開package，仲話問過management (你自己咪係囉，扮!)
如果開package，最多頭先果個原本扣你兩格既依家扣你一格算啦(多謝晒喎) (！)
雖則黑晒面，我都有少少禮貌咁話覺得唔太適合
然後佢地就話係因為我唔做果個爛鬼中藥療程所以做咩treatment都無效果 (！)

嬲到震，今次堅扯火!
終於忍唔住口鬧返佢地轉頭，然後開門走人
落到街都仲好激動...
繼而即刻打電話俾未來嫂子，叫佢千祈唔好make appointment

事後仲要俾我知道，原來美容院C臨走前係有留低舊客treatment所需要既料同工具架!
即係美容院D話因為無上手既料而做唔返上手既treatment > 又係講大話!

－－－－－－－－－－－－－－－－－－－－－－－－－－－－－－－

點解我可以咁豪氣剩返果幾百蚊都唔要呢?
其實係因為美容院C轉手既時候，不但止要美容院D做埋我地未做完既
同時間亦將balance既金額過返數俾我地所以去美容院D做既全部都係係bonus，唔去都no loss =]

真係勁憎勁憎呢種美容院!
做生意既手法太差劣，做facial明明應該係一個relaxation黎架嘛!
所以一開頭我話只會搵個體戶做就係咁既原因...

anyway，之後當然無再去美容院D啦!
美容院D亦都無打俾我，可能佢地根本唔想接上手舊客迫我走掛?
依家只係想美容院C既美容師出年嫁完之後，快D搵地方開返
我唔想再跟第五間啦，因為C真係做得好好 =]

－－－－－－－－－－－－－－－－－－－－

勁長篇大論，你睇到呢到真係感謝你 >3<

[扮]闊太的高茶生活︰Lobby Lounge, Intercontinental hk

有天bubu跟我說︰「老婆，我想約你去街」
對於每天在同一天花板下生活的我倆
忽然提出這樣的要求，聽下去有點奇怪卻又覺得好sweet =]

行街睇戲食飯已經是普通不過的週末生活節目
既然老公特地約老婆去街，就去高茶吧，反正九月之茶還未喝過 =p

經過婚後密密出動高茶，其實很多家都已經試過
intercontinental一直是想試不敢試的，因為op食評話麻麻地，朋友又不推介
不過聽聞洲際最近有新chef，可能情況不同?

afternoon tea 2:30pm 開始，我們大約 2:00pm 到達
才只不過有大約10人的「小小小人龍」，2:15pm 已經可以入座

tea set有分兩種，一種飲茶另一種飲香檳，價錢當然大有分別 =p

intercontinental其實有兩間outlets供應afternoon tea
一間是lobby lounge，另一間是lobby落一層的harboursidelobby lounge只可以walk-in，harbourside可以訂檯
那為何我們會去lobby lounge排隊?這是因為harbourside低lobby lounge一層，望出去的景觀不同啊。
harbouside跟星光大道同層，景色會被外面的遊人&欄杆干擾
而lobby lounge高一層，景色就會是下面照片所顯示的啊！整條維港線盡收眼簾 =]
加上lobby lounge坐得比較舒服又有live band呢。

here comes our afternoon tea set =]
是否覺得這款高茶架好熟面口? 話說the one有間叫" harlan's"的餐廳
用的也是這個架，而tea set價錢一半不到，哈哈
harlan's高茶時間非常受歡迎，次次打去book都沒位子
有一次忍不住問要早多少才會book到，hostess竟然說︰「一個月度啦」
是我...是我有份推動這種文化 T﹏T

ok back to our INTERCONTINENTAL tea set除了主架，還有上圖架前的兩小杯 pina cotta
另有一籃scones，除常見的plain & raisin之外，還有raspberry
大小適中，剛上的時候外小脆內軟熟，quite good！

scones的搭檔 - cream & jam竟然被尊費地放在tea set最高層，有點不慣啊。

server有特地交帶最左的是earl grey jelly本身不太好earl grey，不過變成jelly狀，甜味比例重，甜甜的earl grey好有趣
我覺得嘛，高茶總要有個gimmick，才會令人留下深刻印象 & 想翻尋味啊！
似乎intercon & mo都深明此道 =] 
(click here: [扮]闊太的高茶生活︰Cafe Causette, MO)

其實十次有五次的高茶評價都是僅過得去、甚至可以用麻麻地形容
例如sandwiches/savories，餡料一般都無大問題
但往往麵包/酥皮容易因為pre-made放太久而變得好淋好濕

但這裡mini sandwiches令我們十分十分驚喜！！！

(由左至右)
碎蛋 - 你可能會話碎蛋用料cheap，但碎蛋冶是我的至愛！而且on top有一小撮caviar，大大加分！
咖哩 - 初時從外表猜不出來，吃下去才知道，夠fun！味道亦很配合tea set，不會過份「印度」
煙三文魚 - 它是雙層的耶！放進口中有「口感」得多，不致於「咬兩啖就無左」
火腿 - 火腿沒有太咸/有筋，對我來說已經合格，而且麵包是我喜歡的那種

除此以外，麵包夠新鮮多種類已經要讚好！

最後是pastries，這裡標榜是parisian style，所以會見到eclair，opera etc
既然sandwiches做得那麼好，令我信心pastries也不會太差...
結果...當然是another surprise !!!

(由左至右，由上至下)
raspberry cheesecake - 本身不好raspberry但好cheesecake，有矛盾但這件ok!
raspberry只是liquid狀的附在外層，沒有那種討人厭的raspberry粒粒阻礙軟滑的cheesecake質感
vanilla pie - superlike! 半圓形的dome，裡面是看得見雲尼拿籽的mousse，有少少似吃雪糕的感覺
lemon tart - 檸檬撻也是我另一最愛，不過略嫌on top的黑色粒粒破壞口感
sth like opera - sth like是因為這件最heavy的留待最後少對付，結果半融在口，未能試真，但應該不賴
eclair - 釀的是coffee cream，正! on top更有金箔...


高茶的時候看到人家點薯條來吃
那個香味令人難以抵擋
加上又看到人家點的iced tea
冰粒是用回該飲料做的...
應該在不久將來我們會再來 =]

我心目中的高茶排行榜要更新排名啦！
intercontinental已經和four seasons齊名！！！
(如果intercon有我最愛的peppermint tea就更好啦=p)

-------------------------------------------------------------------------

Lobby Lounge, Intercontinental Hong Kong
Intercontinental Tea Set
For Two $ 428 (weekdays) / $488 (weekends & PH)

相關閱讀︰
[扮]闊太的高茶生活︰Crabtree & Evelyn The Tearoom[扮]闊太的高茶生活︰The Chocolate Library, Ritz-Carlton[扮]闊太的高茶生活︰The Lobby, Peninsula

[扮]闊太的高茶生活︰Sky Lounge, Sheraton

[扮]闊太的高茶生活︰The Lounge, Four Seasons

[扮]闊太的高茶生活︰Cafe Landmark, Landmark

[扮]闊太的高茶生活︰The Place, Langham Place

[扮]闊太的高茶生活︰Cafe Causette, MO

[扮]闊太的高茶生活：Le Salon De The de Joel Robuchon, Landmark