哇卡卡! 之前和bubu行街, 見過F Cup Cookie, 當時bubu還極力游說我買來試試, 我話︰「百幾蚊買盒唔好食又肯定無料到既餅, 唔制~」
可是最近見到BLOG友圓圓話朋友試過幾好, 於是從代理買一大箱回來分裝, 因為臨近expiry date, 價錢好吸引, 於是我又貪得意的入兩盒朱古力味試試, 滿足一下bubu...just kidding =]
[F Cup是很夢幻的一件事, 所以要加effect!]
人家如果有D呀E呀, 或許真的有機會升F Cup, 至於我...就當然沒可能啦! 因為我連最基本的都...哈哈! 不過又話說回來, 三個月前重新 (上一次是去台灣拍婚照前) 開始穿矯型內衣, 可能今次比較有恆心, 一星期五天, 每天上班八小時, 好像比上次見效哩, super happy! 我會繼續努力~!
其實我最近食量愈來愈大, weekend跟bubu出去, 大家吃的分量一樣不特止, 我還要碟碟清, 真是OMG! 所以我想順道把F Cup Cookie當代餐哩, 因為吃下一條然後不停喝水就會有飽肚感, 希望待在公司的八小時內可以做到零﹒零食~!
一盒14包, 每天早晚各一包, 一盒可吃一星期
昨晚量度了體重&三圍, 19JUL正式開始!
兩個星期後檢視結果, 如果有效的話可能會婚前兩個月再開始...
19JUL︰今早吃掉第一包, 感覺...似自己用朱古力粉焗的蛋糕, 焗壞了那種, 哈哈! 不過都OK的, 吃完立即灌好多好多水, 不一會真的有飽飽滯滯的感覺, 好有趣。 而且之後有便意, 但我不知道那關不關事...
[reference material: copied from 圓圓 blog]
成份:原味豆乳味小麥粉<含麩質的穀頪>、巧古力、人造黃油、調整豆槳粉、脫脂奶粉、液狀豆腐、酥油、淀粉、大豆胚軸粉、野葛、甜味劑、膨脹劑等、乳化劑、香精、色素<胡蘿葡素>
朱古力味小麥粉<含麩質的穀頪>、巧古力、人造黃油、調整豆槳粉、液狀豆腐、酥油、脫脂奶粉、可可粉、淀粉、干燥蛋白、大豆胚軸粉、野葛、甜味劑、膨脹劑等、乳化劑、香精、色素<胡蘿葡素>
天然成份組成，日本及馬來西亞衛生局己批准及確實此產品屬於植物性質，對人體無害，可安心食用，只要依照正確指示食用，可避免任何副作用。
關於“野葛根”:-生長于泰國北部及緬甸落葉樹林-含有豐富的大豆異黃酮，其營養比一般大豆多４０倍-含有豐富的雌激素-有助舒緩女性週期不適，減壓及延緩老化
野葛根裏含有的雌激素可以促進乳房血液迴圈，刺激乳腺發育，進而使得乳房的纖維細胞及膠原蛋白合成增加，使乳房更加豐滿，堅挺而有彈性，乳暈紅潤。此外，它能使乳房周圍的皮膚柔軟細緻，無論內服外用都有療效。
食用份量:- 每天食用2枚，並飲用大量開水，Cookie於吸取水分後會膨脹，讓你有飽肚感覺。- 一般依照說明食用3星期便見效。- 產品絕無藥物依賴性，建議顧客食用2個月以上，當達到理想效果時，即可停用
注意事項:
- 天然成分組成，屬於植物性質，可以安全食用。
- 懷孕或哺乳中的女性請勿食用。
- 如果發現對產品的食物成分產生任何敏感反應，請停止食用。
- 請於保質期限之前食用完畢。開封後請儘快食用，以保持餅乾的鮮度。
- 請勿將餅乾置於高溫多濕或日光直射的地方,以避免變形或變質。
http://fcup.jp
男女兩家, 世上最麻煩的人種 - 女人, 已經「暫時」settle所有禮服安排啦!
首先搞定的, 竟然不是新娘, 而是新娘媽媽!
媽媽其實早於今年一月已經買好&改好禮服...
對! 是買。
見過我真人就會知道, 我身型有多嬌小, 而媽媽比我再矮幾吋...
所以我媽媽是超級細粒!
媽媽說坊間外租的晚裝都太閃太誇張, 禮服太誇張的話會把她淹沒, 變成衫著人, 而且禮服雖說可以改, 然而改得太多的話, 一來裙腳會很重, 二來可能扭曲了禮服原來的cutting & design, 所以要買喎...
而且媽媽也老早就鎖定了買晚裝的地方, 是她的朋友堆中的「外母奶奶去飲晚裝專門店」, 有朋友做辦, 媽媽都比較放心。她自己先SHOP了N次, 再帶去我幫幫眼, 最後買走三件晚裝 (比新娘子更crazy...), 今年一月度身改衫後就寄存店內, 至婚禮前才取衫。
席前晚裝
這件是「買錯了」的晚裝...因為衰衝動的媽媽後來見到一件差不多款的深紫色短袖, 見異思遷, 還說這件將來可以改短去飲著...哈哈, 女人要買東西的時候, 總有無盡理由, NO OBJECTION!
看上去晚裝非常簡單, 背心V領, 腰位打摺, 全身最閃的地方也只在側腰位...
敬酒+送客晚裝
同樣地簡單, 棗紅色吊帶暗閃雪紡, 只有胸前三行小閃石...
覺得如何? 意見PLEASE...
我自己就覺得太過低調, 我問過媽媽N次, 媽媽都話無問題, 簡簡單單, 夠大方得體就OK...直至最近我把未來奶奶confirmed的晚裝照給她看, 就開始動搖, 說找天要去看看她口中「太誇張」的晚裝...口不對心...
至於未來奶奶, 一直未出手, 一出手就兩小時搞定!
上星期天約了bubu和她媽媽去尖沙咀婚紗街, 因為我在In Wedding多出一件衫, 就先帶她去那裡看看。
我也是第一次睇外租的媽咪衫, 才知道原來媽咪衫來來去去都是幾個款, 最多旗袍款, 心口有薄紗, 然後前叉左右叉後叉叉, 再不是就是深紫絲絨直身閃石款...
99說In Wedding的太閃, 閃到人都暈, 有一件喜歡的卻是白色, 又怕她奶奶不喜歡, 最後有兩件差不多款的金色旗袍都OK, 不過我怕一試就要confirm轉款, 所以轉場再看多幾間才決定。
第二站隔楝大廈的紫水晶, 聽說這家多媽咪衫, 上去到一個客都無...睇相簿...clip起幾件...幾位店員姨姨 (果然是主打媽咪衫的店...) 拿實物出來, 有幾件原本看照片是粉燈色, 實物根本就是粉紅色, 然後99就皺著眉就不喜歡...話似伴娘色...
第三站也是附近的Red Wedding, 上次和媽媽去睇新娘衫, 店員逗得媽媽非常高興, 所以我猜99也可能會受落。也是先看相簿...clip起幾件...又叫店員介紹...OK喎! 有一件free fitting quota, 可以一試!
(A) 粉紅色前叉旗袍
其實overall也是99所謂的「伴娘色」= 粉紅色, 不過還好有金色刺繡點綴, 而且blingbling相對較少, 但企領位有一粒大閃石, 好靚!
轉幾個圈, 99已經覺得可以租, 所以其餘入選的可以繼續試...
(B) 綠色吊帶晚裝
基本上布簾一拉開我已經皺起眉頭...
普普通通啦, 99不太襯藍/綠/紫etc = 冷色系
(C) 粉橙色層層紗旗袍
上身跟(A)差不多, 下身就... #$%^#$%!#?意外地99竟然話靚! 話好特別...
99又唔係個子高挑型, fitting已經著左兩吋高跟鞋,
現場見已經有少少拖地 while 應該直身到地剛剛好...
我覺得下身層層紗好累贅, 唔知想點!
好似入面著左條紗裙, 撐爆左出面件旗袍咁!
而且揀得旗袍款...唔係就係想展現傳統女性美咩? 咁樣會唔會fusion左少少?
我完全唔明點解99會覺得呢件靚...
我唔係想講99著得靚唔靚, 而係條裙本身唔靚!
果晚返到屋企我俾相媽媽睇, 媽媽都話第一件旗袍 (A) 靚好多!
(我激動到用左口語化寫blog添...)
(D) 銀色a-line旗袍
比較modern & stylish, 領口設計特別, 裙腳少少a-line, 衫身用銀線+彩片, 加上銀布底, 現場看效果眩目! 大家一致讚好, 又可以confirm!
其實99打算租兩套, (D)是要定的, 考慮要 (A) 還是 (C) (我聽到時也呆了, 竟然會考慮層層紗...), 而sales姐姐竟然又好人到讓99 hold住 ACD三件, 過陣子才confirm都ok! 之後當然要講價, 原本$880/套, 講價後$800/套, 包三套首飾 (租兩套衫包三套首飾...), 99還順便在red wedding買girdle, $280。
之後聽bubu講, 話99好有可能揀 (C) 層層紗...
99最後揀 (A) 還是 (C), 當然輪不到我話事, 不過原來99都是口不對心一族, 本來話要低調點, 不要搶新人鏡, 不要太誇張, 要行動方便, 一試衫就興奮得將所有講過的都忘記...
我都覺得99著金紅橙等暖色系比較合適, 但其實佢無問過我晚裝著咩色衫, 完全無考慮過會唔會撞色呢個問題, 好彩我件席件晚裝係桃紅色而唔係粉紅色...
99知道我地個麻雀房係要上樓梯, 佢有好多麻雀腳一定要招呼, 而且佢自己都話到時要上上落落個stage, 最緊要唔好咁重咁累贅, 咁依家條層層裙又唔累贅唔誇張啦咩...
又話唔想咁伴娘, 姊妹, 咁佢又覺唔覺得其實咁樣層層紗法, 係會有d似新娘 rathan than 伴娘姊妹, 咁咪仲唔好...
大家覺得呢? 定係我反應太大?
我又激動到用左口語添! 唔爭在啦...
我一向都覺得99係唔麻煩型, 唔太熱情又唔太冷漠, 平日相處得好好, 一路以黎都唔係點過問我地結婚既野, 直至最近去搞媽咪衫, 同埋之後發生既一兩件事, 我先開始發覺, 原來99係結婚上都唔係無所謂, 只係臨結婚前三個月先開始有要求, 要呢樣要果樣! 我唔介意長輩有要求, 我亦會努力配合, 但唔該唔好一年幾以黎都唔講, 依家先黎講! 你估我呢幾個月會好得閒咩?
呼~ 發洩完啦, 事情一樣要做沒改變, 寫出來總好過屈住屈住又不能對bubu講太多...
之前跟幾位BLOG友夾份買的 [風琴式簽名冊] 到手啦!
以價錢來說質素都OK啊~!
封面是厚紙皮, 但奇怪地會有幾種紋理...
有三種,
粉紅色是光滑啞面
紅 / 藍 / 黑色有點像不織布面
黃 / 綠色是woven光面
如果要DIY的話, 粉紅色較容易書寫畫晝, 紅 / 藍 / 黑色比較似Prints的出品, 黃 / 綠色的woven紋較特別, 但我不喜歡它反光。
除了紋理有別, 藍色和綠色的實物跟網圖色差都頗大啊! 藍色變了深寶藍色, 綠色變了草青色, 其他的黑, 紅, 黃, 粉紅都OK, 紫色今次沒有買。
如果想買的姊妹要留意啦~
不過還好內頁紙質比我想像中厚 (因為淘寶網評說紙太薄), 有駁口位都無可厚非, 封底封面尚算對稱, 都是那句話...十幾蚊, OK啦!
在此要特別多謝一位很愛錫我的BLOG友, 多謝你的不介意&關心, 還有初見面收到的見面禮物, 非常十分超級地喜歡, 多謝你 =]
快點開工做 wedding guest book!
相關閱讀︰筍崗...小出血大滿足! (上)
上大陸買結婚用品, 的確是小出血大滿足~
付出幾百元, 就可以KO大大小小十來二十多項 item, 超爽!
發覺個個去完深圳/廣州掃結婚用品的事後都要po個大合照
我當然也要來個「買完隨俗」...
以下共值三百三大元左右, 共重有轆手拉行李袋 x1 + 背囊 x1
感謝篇
first of all, 我想感謝一眾blog過「北上筍崗」的你、你、還有你!
若不是有你們的詳盡報告, 將每個價錢都列得一清二楚,
我哪會知道每個item的標價, 應該價? 哪需每間遂件格價?
all the gratitute to you~ mu....ah!
所以呢, 人人為我我為人人, 我一樣會回饋各blogger...
不是為了要鬥叻鬥買得平, 不是為了show off bargaining power (for example only, i never fall into this type...), 而且真心的希望幫助到後來者, 告訴大家我搜集到的資料 or 碰到的釘子, 令大家可以省點時間, 行少點冤枉路, 知道自己寫的有人看用得著就已經心滿意足 =]
情深說話講完, 轉channel!
格價篇
因為逐家店格價太花時間, 我又面皮薄不敢問太多, 還好從去年一直以來我都有copy低相關blog post, 然後出發前在香港花少少時間做功課, item by item 的抄下各家各戶的買入價, 計算 max / min / mode (留意不是計mean的)
max / min
max 可以讓你知道應該付出金錢的上限, 多過max的話你可能被當水魚了, min 可以讓你知道議價的空間。不過要留意 max / min 可能有其他因素影響, 例如訂造特別款 / 高品質 / 有人太有錢不講價(max) 超級大數量 / quality極差 / 有熟人介紹(min), 所以max / min大概知道就可以, 參考價值一般~
mode = 各購入價中出現次數最多的一個價格 (中學數學有教的~)
為不拉個average就知道平均價 (mean) 嘛?
nonono...如果計mean, 會一併把高/低價算進來, 會拉高/拉低真正「正常價」的
反之用mode的話, 你才會知道大部分人都用哪個價格購入該物件, 以這個標準去買, 最少你一定不會買貴, 講價叻的話可以再挑戰新低價 =]
好mathematical呀呵? 但經我親身體驗, 證明workable的!
大家可試試, 不過要data夠多才會準, data少的話請用median (中間數)
至於現場格價, 除非時間非常充裕又不怕問, 的確可以逐家逐件問, 然後去每一家買之前記下最平的item。不過我個人認為這樣太time-consuming啦, 另外我不知道人家店員會否肯讓你問十幾二十次「呢個幾多錢」, 然後施施然離開...
假如集中火力在一家買, 買得金額愈大, bargaining power愈高, 除了可以講價, 又可以R禮物, 都可以拉上補下的~ (當然, 如果一件item上落over二三十蚊, 那就另作別論...)
...不如我乾脆把我做的分析列出來吧!
各位要乖, 自用就好, 不要copy去自己的blog上啦。搜集資料時間︰apr09 ~ jun10, 來源blog數目︰~20-25個, 貨幣︰人民幣
利是封(大)︰0.25 ~ 0.5/pc (mode: 0.25 / 0.3)
利是封(中)︰0.16 ~ 0.3/pc (mode: 0.16)
利是封(小)︰0.08 ~ 0.15/pc (mode: 0.13)
利是封貼紙︰2 ~ 3/sheet (mode: 3)
禮金/包羅萬有/開門利是封︰3 ~ 4/pc (mode: 3)
囍字貼︰3 ~ 15/pc << 大小款式太多, mode不準確
囍字拉花︰2 ~ 5/pc (mode: 5) << 有分紙質膠質
上頭套裝︰10 ~ 25/set (mode: 10) << 有分平版貴版
上頭睡衣︰25 ~ 55/set (mode: 40)
拖鞋︰10 ~ 15/pair (mode: 10)
對聯︰7 ~ 12 (mode: 10)
衣食碗筷︰35, 55, 63/set << data不夠多
斟茶茶具︰40 ~88/set (median: 60) << 個個不同價錢, 用median找中間數
紙杯︰3 ~ 5/50pcs (mode: 3/5) << 有分大細size
跪墊︰28 ~ 38/pair (mode: 28)
出門紅傘︰15 ~ 18/pc (mode: 15/16)
花炮(大)︰3 ~ 3.5/pc (mode: 3.5)
花炮(小)︰2 ~ 3/pc (mode: 2.5)
花瓣︰2 ~4.5/pack (mode: 3)
大陸牌子簽名筆︰3.5 ~ 4/pc (mode: 3.5)
啤牌︰2 ~ 3.5/set (mode: 3)
還有一些data太少沒有做analysis, for your information吧。
心型汽球︰0.1, 0.18, 0.2/pc << 通常100個一包
車頭拉紗︰12/roll
絲花︰5-10/束T字扣︰1/pc
金銀絲帶︰4/roll
花藝膠紙︰4.5/roll
浮水蠟燭︰0.6/pc
攔門繡球︰15, 18/pc << 有分紗質布質
有些item上落幅較大, 因為用料質數的確有別
e.g.上頭套裝, 上頭睡衣, 茶具碗筷, 對聯
其他的如利是封, 花炮, 拉花, 紙杯等等, 間間一樣貨色, 所以價格應該沒差太多
鵬鵬vs立興篇
(純粹個人意見啦~)
以我追「筍崗post」有一年以上的身份來看, 我發覺以前絕大部人都只會去筍崗的鵬鵬精品, 到近幾個月變成多人去隔離百合隆的立興商行。這是可能以前有人只去過鵬鵬, 回來報告後大家都只懂跟著去 (上大陸買野要小心嘛~), 或許之後有人發現新大陸, 大家才知道可以有其他選擇, 就可以作比較...
未出發前, 心理上我已經覺得去立興買可能較著數, 而事實上, 當我實地視察後, 我和媽媽都認為去立興買比較好~
鵬鵬在市場二樓最盡頭的轉角位, 舖面細, 暗暗地, 只可以企到幾個人, 我最緊張的利是封和茶具選擇特別少, 反而賣車頭拉紗, 車頭蝴蝶, 絲帶拉蝴蝶結的很多, 可能要問老闆逐樣執。當時舖面只有兩個男人, 其中一個連問價都答不上話, 人手很缺哩。我和媽媽都喜歡自己「揀揀下」, 所以不太喜歡鵬鵬的格局...
鵬鵬精品
地址︰羅湖區寶安北路3號文具玩具批發市場2065檔 (電梯上一層左巷直行到尾)
電話︰86-755-82445448
(好多紅A膠桶...)
相反立興是地下一樓的單邊長形攤檔, 比較光猛, 可以同時5-6pair埋檔口都okay。它好在把所有款的囍字貼高高的貼起, 一目了然, 要邊款指邊款。利是封和茶具的選擇多, 貴的平的都有, 其他貨品種類的也很齊全, 不介意是否最抵價的應該可以執齊。
(好像年宵攤檔...)
我記得有人講過話去立興買要找老闆老闆娘, 價錢較好傾, 不過當天待那邊這麼久, 都只見幾個男仔看檔, 可能老闆老闆娘鎮守新分店吧?
那班男仔其實都ok, 做事好爽手, 你只需要動口不動手, 你要的東西很快就出現在眼前, 任揀唔嬲~ serve我那位哥哥仔都幾好人(蝦), 有價講, 又肯送禮物。
立興商行
地址(1)︰羅湖區寶安北路2號百合隆批發市場一樓大廳102號舖
地址(2)︰羅湖區筍崗倉庫工藝禮品城一樓A027號舖
地址(3)︰羅湖區南湖路2007號國貿廣場二期二樓夢樂園婚庋城213號舖電話︰86-755-25929240
電郵︰guoxingzhi07@163.com
QQ︰313363814
價格篇
除非特別註明, 否則都是立興的價錢
利是封類一共買了56小包3大包利是!
我好喜歡這個圓型喜鵲圖案! 打算用作工作人員+新娘利是~
另一家有粉紅色封燙粉紅色字的, 不過後來立興送多了就沒去買啦。
其實我只買了右下角金色長型一款, 其他都是立興送我的...長型燙金利是封︰一包六個 rmb2 = 0.33@, 講價後 rmb1.8 = 0.3@
共買了6包, 立興送4包, i.e. 0.18@
四大長老+未來嫲嫲見人就派利是, 數量多又要夠囍慶感, 用正正方方紅噹噹~正方型燙紅利是封︰一包五十個 rmb10 = 0.2@, 講價後 rmb9 = 0.18@
共買了300個, 立興送3小包18個+上圖喜鵲款5小包30個, i.e. 0.155@
回禮利是封, 我最後放棄了DIY, 因為DIY單是利是封已經hkd0.7-1@, 還未計stamp ink + embossing poweder + 人工時間的成本, while 我要造起碼300+...
囍帖如無意外會用粉紅色珍珠紙, 所以回禮利是封也一樣
我這款是比較貴的, 因為我和媽媽都不喜歡大大個凸起的紅囍字燙在小小的利是封上, 就是比例不對嘛~! 既然已經放棄DIY, 就讓我買好一點的款式啦...
有龍鳳圓囍字做background好像比較grand
金色平面囍字, 左右有繡球比較可愛, 下面公仔另有西式公仔款, 不過又龍又鳳又囍, wg&tux會格格不入啊! 所以用這對可愛的中式公仔~
我剛剛提過那種凸燙字回禮利是封︰一包十二個 rmb1 = 0.08@
我的回禮燙金利是封︰原價一包五十個 rmb8 = 0.16@, 講價後 rmb7 = 0.14@
300個差價也只 rmb18, 容許我吧...
(左起) 包羅萬有x2 (男家過大禮, 女家回禮用), 禮金大利是x1, 開門利是x1︰
原價rmb2.5@, 講價後rmb2@
囍字貼及佈置類
囍字貼已經有兩對, 所以沒有買很多...那你知道要貼多少個貼哪裡嗎?
立興教我, 男女家一樣, 門口一個, 斟茶位一個, 另女家新娘房一個, 其他就悉隨尊便, 例如玻璃窗, 車門破璃 etc
(左上) 心型絨面剪紙囍字貼︰(大) rmb8 (小) rmb5
(右上) 圓型絨面剪紙囍字貼︰(大) rmb8
(左中) 金邊紅心囍字︰(大) rmb6 (小) rmb4
(左中) 正方型紅心囍字透明貼︰送的, 所以不知道價錢
最下兩格是在另一家店買的
(左下) 剪紙囍字透明貼, 有三大一中兩小+幾個心心︰rmb3@, 講價後 rmb2.5@
類似款式在立興買要 rmb8@!
(右下) 近年新興的牆貼 wall sticker! 買少少玩下先︰rmb5@
囍字拉手有分膠質 (rmb5@) & 紙質 (rmb2@), 立興話紙質好易爛~
膠質囍字拉花︰原價 rmb5@, 講價後 rmb4@
儀式類
跪墊已經有兩對, 絹布攔門花球已有, 上頭睡衣及紅傘不合心水所以無買, 另外子孫桶, 龍鳳燭&賀維巾未必需要所以無買
攔門上頭套裝有分平民版 (rmb10@) 和貴族版 (rmb20@) =]
主要分別在平民版用膠鏡&紅剪, 貴族版用紅刺繡布包鏡框&金剪
見有人講過還有分中產版, 那我就不清楚了
上頭套裝(平民版)︰rmb10@ x2
男女家對聯有分甩金粉版 (rmb7@), 好少少版 (rmb10@) & 絨布版 (~rmb7x/pair), 事前可問清楚四大長老有否要求特定對聯字句, 因為對聯wording好像有幾個combination的上頭套裝男女家對聯(好少少版)︰rmb10@ x2
茶具碗筷類
茶具其實兩套最perfect, 男女家各一套不用搬來搬去嘛。
碗筷我本來不打算買, 但立興說是衣食碗筷, 過大禮&上頭用, 亦不算很貴, 連茶具一併買, 有價講兼送筷子兩對 =]
茶具有幾款, rmb55的有我買的這款, 另一款白多紅少的剪紙款, 還有一款傳統紅紅綠綠圓圈囍字款。另外有更平的三十多元, 立興說是質素較差, 茶壺形狀比較slim
剪紙雙魚碗碟套裝︰rmb38, 講價後 rmb35
剪紙雙魚茶具套裝︰rmb55, 送筷子兩對 (原價 rmb8)
紙杯有分大小size, 大的 rmb5@, 小的 rmb3@, 會不會有姊妹不知道紙杯用來做什麼...? 就是一位長輩要飲新娘新郎兩位茶, 一對長輩就飲四杯, 如果你早上敬茶時間很趕, 或者晚宴太多長輩要敬, 就會來不及洗杯啦, 於是會用紙杯, 那當然紙杯拍照沒那麼好看, 不過也沒辦法啦~
各取所需啦, 不過我和媽媽都覺得細size太細杯, 不夠大體...紙杯(大)一條五十個︰rmb5@, 講價後 rmb4@
雜項類花炮有三款, 分別在大小和彈出來的是什麼, 彈出來的分金條囍字 (rmb4@), 彩條囍字 (rmb3.5@), 彩條only (rmb2@)
我其實註冊和晚宴的地方都不準用花炮, 所以我只買少少出門入門用
花炮︰彩條囍字 原價 rmb3.5@, 講價後 rmb3@ / 彩條only rmb2@
花瓣 一包120瓣︰送的 (原價 rmb3@)
啤牌有分三種, 價錢我不記得了, 連我買的這種是最貴還是中價都不記得! 我原本已有九副, 買多三副當湊夠一打好了。
啤牌︰原價 rmb3.5@, 講價後 rmb3.3@
另外我未有買的上頭睡衣, 男的只有深紅色一款, 女的有三款
上頭睡衣︰(男) rmb55 (女) rmb55, 45, 30
以下的都在其他店買
在百合隆入口右邊第一家買了羽毛, 因為顏色看上去比立興的好. 但價錢一樣。羽毛︰rmb7@
同一家店也買了車頭拉紗, 紗有兩種密度, 疏的大概 rmb 8-12, 密的大概 rmb12-20, 我知道自己買得不算平, 不過算啦, 另外千萬不要去鵬鵬買, 鵬鵬賣 rmb28!!!
拉紗(密)︰rmb18@, 講價後 rmb16@
絲花兩邊市場都有, 鵬鵬旁邊就有一家, 我都大概問過, 價錢差不多, 我買的這家在百合隆二樓電梯左邊第二間絲花店, 對面有回禮小禮物的檔攤
(上至下)粉橙色大玫瑰 rmb10@ x2
桃紅色小茶花/牡丹? rmb8@
黃/白小花 rmb4@
白色小玫瑰 rmb8@
薰衣草 rmb8@
總共 rmb48, 講價後 rmb45 (講到口水乾先平少少...)
這些也是在其他地方買的雙面膠紙︰四卷 rmb2
熱溶槍用膠條︰rmb0.5@
welcome木字︰9.9@
另外我特別想講簽名筆。
立興也有賣簽名筆, 不過是大陸牌子「中柏」, 其他的大部分賣的都是這個牌子, 大約 rmb3-4@, 我自己很堅持用uni牌, 所以要去其他店舖找, 可是大部分都沒有, 有的都起碼 rmb6-7@, 最後我找到一家原價 rmb6@, 講價後 rmb5@, while香港賣11-12@
p.s. 不知道內地人是否對簽名筆有別的叫法, 很多店主都不明白我要買什麼 ><
還有記得講「三菱牌」, 不要拋英文講「uni牌」...
回來再check with我的格價簿, 其實我買的不算最貴又不算最抵, 中規中矩啦, 開初還有氣有力講價, 後來已經筋疲力盡 (企足兩小時), 都懶得講lu, 大家一定要比我更精明喔!
bubibu提提你篇
部分tips已寫在上文, 還有些overall的再提提大家
- 手拉行李袋/篋, 車仔, 大環保袋, 扇, 格價簿 << 不用我解釋, 這些是一定的了
- 如果你想順道去買傢俬/家品, 其實沿馬路再向前望已經見到好百年, 家之福等好地方,一兩個街口就到, 如果想去東門造窗簾, 可以在門口巴士站搭69號去
- 無論筍崗還是百合隆, 地址上寫一樓是指地下那層, 二樓是扶手電梯上一層, 所以別去錯樓層。立興是在帝豪酒店旁邊的第一幢, 百合隆地下近入口處左邊, 鵬鵬是第二幢, 筍崗電梯上一層左邊直入到尾
- 另外立興同層附近有三家, 都在近入口處右邊, 鵬鵬再上一層三樓電梯左邊有一家明發, 其他的就不太記得了
- 可以的話早去早回, 愈早去愈少人, 茶具碗筷都多幾套可以揀, 而且我記得有人分享過, 說太晚去到有些item想買都沒貨賣!
- 文具 e.g. 雙面膠紙, 簽名筆, 熱溶膠條, 可以在百合隆一樓買 (i.e.和立興同一層), 超級多文具店
- 講價心得︰每種貨品確認要買的時候先講價, 平少少都好, 他們總會說「最後計個靚價俾你」我會話「你依家計左個靚價俾我先買得落架」然後到最尾total sum再講價!
- 如果自覺講價能力麻麻, 可以心裡盤算定一些平item, 數量又不多的, 先不要開口話買, 留待最後屈人送, 或者隨手拿起一兩包利是封就話「送啦!」
這些都是送的~
長型利是封 x4, 正方形利是封 x8, 囍字貼紙 x6, 筷子兩對, 花瓣一包, 共省了大約rmb30~!!!
- 花炮要check封口是否完整, 我其中一枝小花炮, 回港後可能太興奮, 想預早慶祝我結婚, 爆到七彩...
- 一套數十元的茶具碗筷, 別期望質量會很好, 不過也要小心檢查, 有否裂痕, 缺口, 不平滑等等
超長篇BLOG, 我又做長氣bu啦...
承蒙各位不嫌棄由頭看到這一句, 希望幫到大家啦 =]
[這是bubibu的用心寫作, 嚴禁任何形式的抄襲, eg 搬字過紙, 改少少等等...請尊重我也尊重自己, 勿做令人討厭的copycat啊。]
