身高體重
體重︰11.8kg，依然係有D肉地型 =]
身高︰睡褲短左，有高到! 83cm
牙齒︰11隻，左下右下小臼齒 + 右下側門牙 @23
13隻，左上右上犬齒 @24
飲飲食食
- 以前乜生果都唔食的木木，終於肯食下蘋果、梨、提子，其他依然係掂下都想嘔咁，不過已經欣慰佢有進步
- 非常喜歡飲中湯，特別係魚湯，魚肉亦特別鍾意食，另外木木係飯桶，好鍾意扒白飯 @.@
- 木木媽繼續努力研究小食類，最近整過的yogurt cake & super healthy muffin，木木好鍾意，係媽媽繼續不務正餐的動力來源 =P
- 牙齒數目陸續增加中，似乎多左願意嘗試新食物呢，而接近兩歲，我地都少左用保溫壺帶正餐俾木木係街食，通常早少少係屋企打個底先，出去食西餐就俾餐包，PASTA，中餐就叫個靚仔+bb餸 or 清淡餸+去油
自理/活動能力
---------------------------------------
大家成日話木木同爸爸好似樣，拿我絕對唔係唔抵得架下，不過...真係似咩?
我覺得有時我同木木都好似樣喎 (阿囡咪埋對眼都有可能似既...)
自己做事情系列1 - 女人購物
自己做事情系列2 - 女人試鞋
暫時木木砌lego鍾意向上發展
扮靚靚去開聖誕P
木木(媽)的favourite plush toy - duffy & shelliemay，係手偶黎架~
唔知大家有無為意，木木右邊咀角其實有粒癦，唔知係唔係為食癦呢
天氣涼涼地，最岩去公園玩，碌下碌下又一日
好欣賞木木長期保持大肚dum同周身肉肉 =]
大家小朋友會唔會影親相就唔望鏡頭? 木木有好多懶刻意 (其實係不屑)的照片
以前表妹未識行時，木木好怕表妹當佢係柱咁抓實
依家表妹識行就唔同講法了，木木會比較願意同表妹一齊玩，仲會好照顧佢 =]
yummy yogult
木木︰下次再見囉，唔知媽媽仲會唔會寫落去呢?
- 除左波鞋，連slip-on佢都自己諗到辦法除啦，著就後踭果度要幫一幫
- 著襪除襪，著褲除褲，著衫除衫，呢D木木都會願意自己做，不過仍需大人幫一幫，木木媽呢方面係比較心軟，無好早就開始train佢自己做
- 關於戒片，木木媽的宗旨係迫都迫唔黎，反抗反效果，所以自之前成功又失敗一役，木木媽都只係換片時不停鼓勵木木下次可以係potty去，不過木木暫時係寧願係potty前企係度痾都唔想坐落去呢，木木爸呢方面受99壓力而俾壓力我，我都只能夠話等天氣暖D再試+俾D時間木木
- 木木終於識跑啦! 識跑的小朋友原來好恐怖的，眨下眼已跑到老遠，眨多下眼影都唔見埋!
- 有見木木第一小臼齒已經出齊，一定要正正經經用牙膏刷牙啦 (之前就咁用牙刷濕熟水刷)，木木初初都好抗拒牙膏，不過氹下氹下依家已接受到，可以企定定刷完，但溂口就仲未識
- 顏色認到 white, black, blue, pink, yellow, purple, brown, grey, orange, green, 有日姐姐顯示佢教導有方的成果，木木識得講burgundy...睇黎姐姐仲急進過我喎!
- 有次pillow talk時木木話要電話唱歌 (木木婆婆會播歌但無俾佢睇)，我話不如媽媽唱啦，跟住木木竟然講「木木唔明白，點解電話唔唱」我果下都幾shock，無諗過佢呢個月齡會問「點解」仲要上文下理make sense (如果只係好common請話我知)
- 木木俾我地um得多，開始反擊! 例如爸爸放工返黎想即刻埋位食飯，木木會同佢講「換左衫先啦!」又或是有時想用濕紙巾幫佢抹下手就食飯，佢會要求要洗左手先! 以後真係要行得正企得正啦。
- 喜愛閱讀的木木，佢已認得大部分的家中藏書，求其講個書名佢可以去拎岩本書，或者拎本書問書名佢都講得出
- TROUBLE 2之咩都要自己做，有時果種「堅持」同「不妥協就大叫」真係想令人打鑊佢(笑)
- 呢期最頭痛係唔認錯，唔肯講sorry，問邊個唔岩佢會指住隔離空氣 / 反屈媽媽唔岩。再鬧多兩句，就會爆喊攬住木木媽隻腳求饒，變招之快...我的戰術係唔理佢，到咁上下時間就會講道理，令佢肯承認自己錯誤先攬返佢
- 「痴媽症」持續中，木木爸表示木木經常反轉木肚唔係人，媽媽一出現就當其他人完全無到，仲經常扭抱，施展大脾功箝實我... .
- 講句子好流暢，之前係諗一個phrase講一個，依家係諗好晒成句講出黎
- 講野亦make sense, 不過有時大人講的說話由小朋友把口講出黎，會有爆笑效果
- 問佢點解，幫佢講埋「因為」，有時佢已可以接住講到原因
- 兩歲前開始問點解，然後依家成日問點解，問題少女時代來了!
- 識得叫自己全名，成日讀錯的其中一個字亦讀岩了
- 識得叫木木媽&木木爸中文全名 (只係教左一次，唔知點解佢咁記得呢。)
- 姐姐話木木同佢對話會用英文，我自己試過用全英文同木木對答，佢可以答到一個動詞，或者YES/NO/OKAY，識得講here/there，試過最長的句子係話"this is for mama"
- 有D歌佢聽慣聽熟但唔識歌詞，佢會自己用單音唱 e.g. 喵喵喵喵喵喵喵
- 識唱的歌︰
- twinkle twinkle little star
- baa baa black sheep
- ABC song
- 排排坐
- 何家公雞何家猜
- 氹氹轉
- we wish you a merry christmas
- jingle bell
- happy birthday to you
- 5 little monkey jumping on the bed (近期最愛)
---------------------------------------
大家成日話木木同爸爸好似樣，拿我絕對唔係唔抵得架下，不過...真係似咩?
我覺得有時我同木木都好似樣喎 (阿囡咪埋對眼都有可能似既...)
自己做事情系列1 - 女人購物
自己做事情系列2 - 女人試鞋
暫時木木砌lego鍾意向上發展
扮靚靚去開聖誕P
木木(媽)的favourite plush toy - duffy & shelliemay，係手偶黎架~
唔知大家有無為意，木木右邊咀角其實有粒癦，唔知係唔係為食癦呢
天氣涼涼地，最岩去公園玩，碌下碌下又一日
好欣賞木木長期保持大肚dum同周身肉肉 =]
大家小朋友會唔會影親相就唔望鏡頭? 木木有好多懶刻意 (其實係不屑)的照片
以前表妹未識行時，木木好怕表妹當佢係柱咁抓實
依家表妹識行就唔同講法了，木木會比較願意同表妹一齊玩，仲會好照顧佢 =]
yummy yogult
木木︰下次再見囉，唔知媽媽仲會唔會寫落去呢?
木木︰我二十四個月大啦!
