Nasal Bone: Present
Nuchal Translucency: 0.09mm
上胎陀木木時都已經有nifty / T21呢一類非入侵性 / 無創性檢查，但果時通常係高齡孕婦 / 政府OSCAR check到高危先會考慮做，因為當年收費都頗高昂...
時至今日，唔知點解多左好多人去做，媽媽會裡面講緊係超過一半會去做，regardless of OSCAR結果。我諗主要係因為呢類檢查普及左，化驗室收費降低，可以比OSCAR更準確同知道埋其他染色體有無異常，仲可以提前知道性別，好多準父母都願意付出呢筆錢去買個安心。
現時媽媽界主流有三大檢查 - NIFTY / T21 / PANORAMA，至於有咩分別...(木木媽不復當年得閒，如果有閒情逸致會補上...)
至於木木媽我點解會做，考慮到自己雖然未到高齡，不過體質的確不復當年，而且經歷過朋友照結構時先發現問題，正所謂年紀大心血少，都係選擇用金錢換取安心。三種檢查之中NIFTY最平，檢查嘅項目亦最少，不過欠奉嘅少數檢查項目都係好冷門嘅危疾，所以我揀左NIFTY。
至於揀邊位醫生做，咁岩2017年年頭唔知點解化驗所減價，變相醫生都相對收平返，回落左1-2K左右，平至$2800都有，平均價就四五千左右。但要留意有部分醫生做NIFTY時會另外收產檢費用，要問清楚。我揀果位係劉子建醫生，媽媽界都知道係婦產科權威，佢有個package offer，NIFTY+中期結構 $8000，無額外產檢費用，做NIFTY時仲會包早期結構。
當日去到診所人唔算多，磅重填資料，姑娘解釋埋NIFTY之後，等左陣就可以入去。劉醫生好nice，係咁易傾左陣就去照USG。上網睇話劉醫生講得好快跟唔到，我覺得還可以，佢會口upup咁自己喺度講唔同嘅身體器官&部位，因為劉醫生部機好清 (2D)，而且個螢幕好大，我都睇得明，睇唔明就問，例如有個位用左doppler唔知係咩，劉醫生都會答，話係臍帶insertion。印象中除左最重要嘅頸皮厚度同鼻骨、手腳骨、手指腳指，仲有睇肚臍、臍帶、大腦、心臟等等，劉醫生睇晒話無問題，我已經好放心。
上胎喺呢個階段無照得咁詳細，所以見到林林先得果一隻手指尾咁長，就已經發展得咁齊全，除左覺得生命好奇妙之外，就係滿滿嘅感動。驗到有左同第一次產檢都無喊，反而今次感動到眼濕濕呢。
做完呢個早期結構，就跟姑娘入房抽血 (for NIFTY)，呢兩年我由好怕抽血，到變成好麻目 (但仍然唔敢望)，但姑娘堅係手勢好，唔痛的。
最後俾錢兼約實中期照結構日子，我二十週嘅時候劉醫生唔喺香港，要delay到二十一週先做到。
至於報告，姑娘話需時5-7個工作天，電話+電郵通知，最後第四個工作天就收到啦 =]
劉醫生嘅價目表 (for anyone's reference)
No comments:
Post a Comment