鷺梁津早餐 > 新沙洞 > 明洞 > 高速巴士客運站地下街 > newcore outlet
真係真係開始shopping - 明洞...咪住!
之前係新沙洞太多甜野到肚，好想食返啲鹹野，見到two two炸雞，叫返盒外賣行住食
明洞化妝品天堂，我嘅認知係好多講國語的售貨員，好多sample派，好多面膜賣。
不過化妝品我地無乜興趣，反而去左ABC Mart睇波鞋! 奉命幫木木爸搵波鞋，我同契媽f亦想睇下有無靚色pump (木木爸話韓國買pump平過香港)，結果我遇上呢一對celebration，白+粉組合，就係你啦!
除左兩邊店舖，中間都有好多走鬼檔，咩都有，行過見到呢檔童裝超可愛! 唔知之後會唔會遇到，雖然都偏貴，但仍先買為上著! (結果之後南大門無!)
周圍都係我的韓國老公 - 宋仲基 (唉寫左出黎今晚木木爸實扭我耳仔)
除左新沙洞BELIF，明洞primera都係我嘅目標，格完價之後覺得lotte online shop買抵啲，所以空手而回 (可惜之後上網訂貨時，五月限定嘅baby sun cushion已經無貨 T.T)
嚟到旅程一半，我已經無乜錢剩 (!)
就去左明洞大使館換錢所果頭唱錢，安心繼續買...
離開明洞，下站高速巴士客運站地下街，正正喺高速巴士客運站8號出口，係一眾韓國精朋友一致推薦嘅買平衫地方。一去到已經完全進入turbo shopping mode，相機收埋，銀包拎出嚟，所以無乜影相 XD
呢度啲衫的確比新沙洞平，通常10000won左右，平至5000won都有，貴盡都係20000won樓下，九成都係女人衫，男人衫同小朋友衫佔好少，有好幾檔「萬元袋」(即一萬韓圜一個袋)，仲有成檔都係賣襪果種，行到尾會有少少家品傢俬店同小食店，個格局似葵涌廣場咁
成個首爾都係玩緊 pantone colour of the year, i.e. 粉紅粉藍，件件都岩心水咁滯，最後買左三件衫三條裙一條闊褲，買左好多對襪，好可愛的! 又好著 =]
原本我地係預左之後夜食馬場洞韓牛，但實在行得太耐戰利品太重，最後我地放棄左韓牛 (嗚嗚嗚)，返去民宿附近開24小時果啲小店(又!)，食左雪濃湯，又幾好味喎，起碼唔辣先 =P
呀，去完地下街之後其實我地過左隔離個newcore outlet行左個圈
因為果度有modern house，香港modern house成日行，諗住韓國modern house會更多靚野，點知好失望呢，「買唔落手，唔想抬，返香港買好過」< 竟然係呢種諗法...
仲要行埋聽日，今晚絕對要兩孖休足時間先掂檔...
