[繼續可愛] 熊貓CUPCAKE

3mar
繼上年參加團購，學習製作熊貓方包
那家靠熊貓上位的烘焙教室，
最近食髓知味，重推熊貓方包之餘
新加熊貓CUPCAKE團購課程，立即以光速報名啦。
(搶手到隔幾秒reload已經多班滿額...)

就因為太搶手兼要夾期，最後只搶到星期六早上十點的班
上堂那天「清晨」，兩個油頭垢面頻頻放蚊的女人飄入新界火炭工業區...

現在去上堂學整餅，十家有十家都會預先準備每人一份原材料
原本是正常兼正確的事，但像今次簡化到CUPCAKE部分用預拌粉湊當
都幾搵笨...(唔係幾，都真係好搵笨下)

所以CUPCAKE部分的做法是︰
油+蛋拌勻，加進預伴粉混合，入唧袋，唧入紙杯，入焗爐，完!(連預伴粉內含什麼都不知道，唉)



只是預拌粉部分比較討厭，熊貓造型部分其實仍然好玩 =]
每人派一舊已加黑炭粉的曲奇粉團 (左上)，用麵幹滾壓成一片之後
大圓模做眼仔 (圓形再拉長變熊貓眼)，小圓模做耳仔 (上中)，入焗爐~

等待期間，人家又趁得閒賣餅，我倆又趁墟買一件分享(左下)
(原來上次已經試過這件 "four seasons mille feuille"，豬左)
然後CUPCAKE，眼仔 & 耳仔都相繼出爐啦 (右上下) =]



我原本以為有齊眼仔耳仔就可以開始砌熊貓，原來還有一個變更可愛的重要步驟!


原本焗好的曲奇眼仔耳仔，有少少像一塊未擦乾淨的黑板 (大家請回帶到中學時代...)
但沾油再沾滿oreo粉之後，就會有毛茸茸的感覺，kawaii ne~

好忙呀好忙呀 =]



就算有更可愛的眼仔耳仔，都總要有個頭先!
CUPCAKE粉漿原本只到紙杯八成，焗起亦只升起少少
但熊貓頭這麼大一個，就知道用了多少忌廉...
另外要成功弄一個圓碌碌的熊貓頭亦非易事，又刮又補來來回回很多遍 =]



有個圓碌碌頭之後終於可以到最好玩一環 - 砌熊貓頭!
(1) 將毛茸茸眼仔耳仔貼上忌廉頭，加一小點忌廉做眼珠
(2) 貼上粉紅色古古力心心做鼻哥
(3) 自己用古古力唧出"W"嘴



熊貓CUPCAKE BB出世啦!



來個近鏡 =] 有時手震震，orea碎會從眼仔掉下，就變成「墨屎」，哈哈!



是日非常忽忙 (其實每次學整餅都滾水渌腳手忙腳亂...)
才出世沒多久就要入盒訓覺豬啦~
之後bubu來接我，拿拿臨回家入雪櫃
因為導師話︰忌廉頂多捱到1-2hrs...嘩! 唔好呀 ><



我很欣賞我每次學整餅之後，bubu都不會問我會否交功課
因為我肯定不會! for ONE-TIME fun only =P

之後又參加了另一個 "熊貓xx" 團購啦! 繼續熊貓系列 =]

相關閱讀︰
[超可愛] 熊貓方包