今年皮膚時好時壞, 有時上美容院後覺得比沒做facial更差, 所以打算買部小巧的家用美容機自己動手護膚!
經過一輪研究 (詳見 [導出...導入...導出...導入...]), 最後買了HANDYBIO 和 FACE CRiE, 而且已經用了好一段日子, 是時候發個試用文分享一下~
HANDYBIO
我是用團購價買入的, 跟機附送棉花一盒 + 潔膚精華一支 + 各款導入精華sample。
HANDYBIO用鈕電, 平時不用拆電, 導頭用完用紙巾一抹就OKAY, 非常方便。
使用亦很簡單, 按左邊開關, 再按右邊選擇強弱, 下面鐵片是導電位置, 一定要有皮膚接觸, 否則做多多都沒用。
我會隔三日做一次, 每次「開壇」如下︰
倒少許蒸餾水在小膠碗裡, 把專用棉花放入弄濕, 搾去多餘水份至不滴水為準, 把濕棉花套在銀色導頭上, 先做deep cleansing 五分鍾, 洗面過水, 再做導入 (美白/ 保濕/ 暗瘡/ 緊緻) 五分鐘, DONE!
FACE CRiE
至於FACE CRiE, 只有導出功能, 沒有HANDYBIO的導入功能, 我買是因為當時還未決定會否買HANDYBIO ($$$), 而且剛好見到有人從日本代購, 價錢比團購更低, 太吸引...
我的型號是NC-550, 第一代。我通常在兩次HANDYBIO之間間歇用, 也試過太忙沒時間做HANDYBIO會做FACE CRiE頂替一下 (3 mins only!)
FACE CRiE跟HANDYBIO的操作差不多一樣, 「入/切」是開關, 強度則只有四級。
不同的是, FACE CRiE不需要專用精華&棉花, 只需要用不含油份的化妝水就OKAY了。我用的是 Clinique Clarifying Moisture Lotion2, 棉花不可以用「麗的類」, 我用的是韓國的ION PUFF (棉花上也真的有「-」的壓花, 像是專for離子機的樣子...), 棉花厚得來壓得實, 不容易起絲。
同場加映︰MY FACE CRiE & POKERON 捲/直髮器 [ALL PINK~!]
然後是嘔心的部分, 公開我的使用效果...
(我的膚質是混合性, T位油, 兩頰乾, 多暗粒&黑頭)
HANDYBIO 頭四次結果 (超污糟!!!), 左二那次是忘了先讓棉花吸蒸餾水, 效果明顯稍遜。
FACE CRiE 頭四次結果 (愈來愈污糟!!!)
以上皆是做臉+頸的效果, 如果單單做瞼部, 顏色會較淡, 代表懶隋的我平時根本沒照顧頸部。我以前化妝後會臉頸會明顯的出現兩截色, 現在用機後情況有改善~
雖說是嘔心核突恐佈, 可是見到臉上的化妝品殘餘物, 老泥, 黑頭 etc 都被吸出來就覺得好有滿足感... (愈污糟愈有!)
我拿HANDYBIO (左) & FACE CRiE (右) 導出效果最強的兩片來比較, 覺得HANDYBIO略勝一籌~
實物其實照片更啡啡黃黃, 為了更清楚顯示導出效果 & 我的臉有多骯髒, 我把照片contrast 調高...
‧
‧
‧
‧
‧
‧
‧
‧
‧
‧
別說我不提醒你, 真的超核突&嘔心, 確定要看嗎...?
‧
‧
‧
‧
‧
‧
‧
‧
‧
‧
‧
‧
‧
‧
‧
‧
‧
‧
‧
‧
‧
‧
圖為第三次使用HANDYBIO之效果...
好恐佈呀!!!
=.= 真係有點dirty~~~!!! 姊妹...勤力點吧.!!!! ( 其實自己懶到出汁.. ) 我睇完你以上既介紹...搞到我都想買部玩下...!!! 但係handybio太貴...唔知face crie 幾多$$$??
ReplyDelete[版主回覆12/13/2009 20:45:00]我都唔知FACE CRIE依家幾多錢, 因為多左型號&來源地...我呢部就$420, 如果買舊版的話$500以下比較合理, 新型號果D就唔太清楚~
真係超恐怖呀......不過見到d污糟野吸晒出黎一定好有滿足感啦.......
ReplyDelete攪到我都想買番部玩下.......不過$2,xxx又真係貴左d喎.....你0係邊度團購架??
[版主回覆12/13/2009 20:48:00]愈污糟愈開心...好變態! 我JOIN果個團購只係搞左一次咋, 之後都無啦...
wow...好勁wow....我都要去留心睇多次你的導出導入post先得
ReplyDelete[版主回覆12/13/2009 20:47:00]哈哈~ 唔係好恐佈咩...
Wakaka~~~真係咁得人驚??你買幾錢呀??我未諗到邊個好d所以都係唔買住~~
ReplyDelete[版主回覆12/13/2009 20:47:00]HANDYBIO剩機$1680, 至於我部HANDYBIO用團購價買入所以不能作準~ FACE CRIE我搵人代買就$420~
我今日都用左喇...哈哈...
ReplyDelete我 ADD 左你啦, 你都 ADD 埋我先喇 THANKS!
[版主回覆12/14/2009 01:59:00]我都ADD左你啦~
我買了 Face Crie 的第二代呀，可是我用了兩個月了，但完全沒有黃，一點效果也看不到，我的皮膚理應是勁污糟的，是否我的方法錯了呢？另外想問你的韓國化妝棉可以在那裡買到？
ReplyDelete[版主回覆12/23/2009 23:00:00]...完全無黃...? 可能係化妝棉問題, 你係唔係用「麗的」果D? 麗的果隻質地係唔WORK... 我買果隻ION PUFF係卓悅有得買, 不過我都係見過一次, 唔係間間有~!
我都有買喎, 但冇咁dirty, 會唔會我用錯方法呀
ReplyDelete[版主回覆02/04/2010 23:54:00]可能你乾淨過我好多呢~ 你點樣用呀? 可能係棉花問題架~
你好, 我係路過的sis. 想問下: 你用左handybio之後系未真係好得啊? 好想睇下我的暗瘖印&凹凸洞可吾可以用佢搞掂啦?!多謝回覆..
ReplyDelete[版主回覆03/11/2010 09:35:00]你好丫~ 我so far用左幾個月, 唔知關唔關部機事啦, 我以前生好多暗瘡, 起碼有兩三粒長期係塊面度, 依家係耐唔耐自己食得太熱氣先有一粒, 所以我覺得部機可以幫到清潔深層皮膚, 但係去印同凹凸洞就唔敢講, 去印應該係關美白事, 而凹凸洞部機我估幫唔到d咩, 因為佢主打係深層清潔~
請問o係邊到代買FACE CRIE嫁?
ReplyDelete[版主回覆06/01/2010 14:19:00]我果部係見到beauty exchange有人去日本買多左, 放俾我架, 你可以上yahoo auction/blog睇下有無人賣, 或者beauty exchange有無團購~
請問你有無得買呀 FACE CRIE or 好介紹給我呢, 而又清潔到皮膚呢?
ReplyDelete[版主回覆06/29/2010 16:05:00]我部face crie都係搵人幫我係日本買的, 好似我下面咁講, 可以去yahoo auction/blog睇下有無人賣, 或者beauty exchange有無團購
handybio香港有專門店, tst果間會搬去佐敦恆豐中心, 另外cwb都有分店
機除左呢兩部都仲有其他的, e.g. la mente都好多人用, 不過都係好貴, 如果唔用機的話, 其實勤力d做deep cleansing mask都有用的~
我去過幾間卓悅搵都冇ION PUFF...你0係邊間買ga?
ReplyDelete[版主回覆08/08/2010 16:08:00]我係cwb渣甸坊附近果間卓悅買架~
正POST! 我2家諗緊, LAMENTE/HANDYBIO/日立好 ? 有冇意見呀. 但LAMENTE同日立比較, 日立好似冇咁PRO. 因為佢話用TONER就得, 都唔g佢係咪真係離子機來的....感覺好像handybio pro d.有冇試過用handybio支導出+日立機做導出?
ReplyDelete[版主回覆08/29/2010 13:01:00]三隻唔同價位, 功能有差異, 好難咁樣比ge~ LAMENTE當然好啦, 導出導入都average, 不過我自己就用唔到咁多function, 同埋HK無代理, supplies唔穩陣, 亦都貴 HANDYBIO同日立導出, 當然係HANDYBIO好啦, 我就無試過用HANDYBIO ESSENCE用日立做導出, 因為ESSENCE唔平架, 咁梗係用返HANDYBIO唔好浪費啦, 日立我就用CLINIQUE的 有咩唔明隨便問我丫 =]
我有點想買handy, 然後用toner做導出. 5g得唔得. btw, handy 的導入如何 ? 有些人說mama地.
ReplyDelete[版主回覆08/29/2010 21:47:00]handybio 要留意一定要用離子化既 products
handybio 導入, 無試過lamente無得比較, 導入我用保濕多, 我覺得都ok呀...
其實你可以去ands 約 free trial 試下先決定都得架~
yes, i know i can 約 free trial and do it tmr. 聽你講,hitachi 的清潔力咁強, 竟拍得住handybio. 令我諗緊值不值買handybio tim.......你認為係咪唔好買handy呀? thx^^
ReplyDelete[版主回覆08/30/2010 22:31:00]hitachi 導出係ok的, 如果想平d又唔需要導入功能, 其實真係可以買hitachi...
又其實hitachi除左出face crie, 佢仲有出另外一hada crie, 有導出導入架喎, 有無諗過果部?
係wor. 仲有呢.handy d ba話過, 只要用佢地部機每week做清潔, 係不用再做去角質同深層清kit lor. 咁想問你, 你覺唔覺得, 用完handy or hitachi之後, 係咪已enough, 不用再do 去角質同深層清kit??thz~
ReplyDelete[版主回覆08/30/2010 22:33:00]唔...如果做得夠密, 都應該可以, 因為做完deep cleansing果一part已經覺得比未做乾淨好多, 不過我自己就一樣會fu深層清潔mask~
做完 deep cleansing 果一 part 已經覺得比未做乾淨好多 , 不過我自己就一樣會 fu 深層清潔 mask~---> 呢個是否 apply 到 hitachi 部機 ?? 我好 actively 諗緊好冇用 hitachi 代替 jor handy ar. 請俾多 d 意見呀 . 謝謝你 ^^
ReplyDeletehada 果部 , 人地話佢導出 mama 地 wor.
[版主回覆08/31/2010 09:19:00]hitachi就無咁強烈覺得乾淨左好多既感覺... hada果部我本來想買, 不過見handybio唔係貴好多就轉左買handybio =]
我今日去試jor lar~ 不過, 佢不停咁加d精華(at least total加了5-6 pumps!!)去做導出/入, 如果真係用都好貴. @_@''' 佢話一樽30ml , 400多元的導出精華, 用2個半月到lor. 好貴... hitachi就無咁強烈覺得乾淨左好多既感覺... --->5通...真係要破費買handy?! 不過, 我覺得handy d product真係gei好. 因為我做完後臉冇紅了許多!! 最衰真係好貴....
ReplyDelete[版主回覆08/31/2010 23:45:00]5-6 pump算少啦...initial都3 pump啦, 之後加一兩次, 我每次total大概8-9pump! 所以成日做機d essence真係用得好快架, 不過我覺得佢個deep cleansing essence真係有用, 而且比起佢其他essence, deep cleansing已經係最平果支,,,
同埋, 你話 hitachi就無咁強烈覺得乾淨左好多既感覺... ---> 有冇try過 hitachi + handybio的導出精華 ? 如冇可以試下~~ 我諗緊會否因handy的精華勁呢.
ReplyDelete[版主回覆09/01/2010 12:27:00]雖然大家都係離子機, 但係其實唔sure mechanism係唔係完全一樣, 就咁睇導頭兩隻都用唔同物料...而且因為essence貴, 更加唔會用handybio essence係hitachi度啦~
i mean 3 pumps + 5-6 pump,i dun say clearly tim.,,, 之後加一兩次, 我每次total大概8-9pump!---> sale said it can be used for 2-3 times. i thk it should be ur case also
ReplyDelete[版主回覆09/01/2010 12:24:00]咁應該係咁啦...ba都有話睇皮膚吸到幾多先決定落幾多pump, 如果皮膚好可以落少d呀~
你re得我很快. ^^ 係咩 ?? 買野冇九折??等我打去問問先！！冇理由ＷＯＲ..... BUBIBU, 我等緊一個朋友仔 的LAMENTE返來試機...睇下邊一部好D AR??
ReplyDelete[版主回覆09/06/2010 12:32:00]係呀, 2010年開始無9折, 舊年都仲有...
我諗緊好唔好立刻買了那部450 handy 先至諗買不買lamente. . 你認為如何呢 ? 但如果lamente works on me, 咁我買handy都係silly 咁....
ReplyDelete[版主回覆09/06/2010 12:55:00]如果買左handybio就無謂買lamente啦, 既然你試過handybio覺得ok, 依家又有一部平貨, 咁點解唔就咁買handybio就算?
靚女, 我啱啱响網上找到, handybio導入/出精華有特价--- 75折!!!!買唔買 ? 一齊呀? ^^
ReplyDelete[版主回覆09/17/2010 09:42:00]網上? 可唔可以俾link我睇下呀?
forget say, it is up to 30/9 only
ReplyDelete[版主回覆09/17/2010 09:41:00]thanks for letting me know =]
BUBIBU, today i got the machine. My brother said he wanna use it also. So, i thk i will buy quite many products ffm handy. maybe near 3000dollars myself.
ReplyDelete[版主回覆09/18/2010 12:16:00]OK!
ION PUFF...係? http://www.sasa.com.hk/SasaWeb/tch/product/viewProductDetail.jspa?itemno=103878502001
ReplyDelete[版主回覆10/07/2010 09:01:00]係呀~
我已經買了兩款化妝棉也不合，做完塊嘢白雪雪乜污糟也無，我好想買你隻ion puff，sasa無呀,係cwb渣甸坊附近果間卓悅=香港銅鑼灣恩平道52號地庫及54號地下?請問九龍有無?做不到效果好灰心了，求你話我知，十分感激！
ReplyDelete[版主回覆10/08/2010 00:29:00]唔好灰心~ 會唔會你皮膚真係好乾淨無污糟呀? 你話我知你試左邊兩隻棉? 用麗的果D唔得架~ 卓悅果D係好衰呀, 有D野係唔係間間都有, 要次次行開街一見到有就望下囉~ 如果我行開見到通知你丫?
我買的是卓悅綠色盒lilybell平面，另一包sasa是ultra ready cottons plus是雙面有一面是一點點另一面像蜂巢狀，但甩毛，兩隻也不合，我上網search，Ｄ人話sasa attirer puff,eture,sisma,kose grandaine,ultra ready cotton plus(waison)既化妝棉都得，ion puff你見到有就通知我丫，謝謝你
ReplyDelete[版主回覆10/08/2010 12:15:00]呢兩隻我都未試過, 總之係要一d壓得實既棉, 咁講sasa應該ok, 網上d人都話ok...會唔會係你用錯方法?
I've noticed this product but don't have any friends using it. so do you recommend ppl to buy it? are you still using? Thx
ReplyDelete[版主回覆12/13/2010 22:57:00]which one you are referring to? hitachi or face crie?
oh it's the handybio I've seen in shop before, but am also interested in knowing which machine is better? Thx :)
ReplyDelete[版主回覆12/13/2010 23:31:00]如果捨得俾一定係HANDYBIO, DEEP CLEANSING好好, 而且有得導入, 雖然唔係好強, 但我覺得係比自己用手上好~