[好物] 預備上學了喔? 可調整高度的桌椅組

由木木歲半開始就四處物色一套合適的小童桌椅
希望木木可以習慣下坐定定睇書

睇過IKEA & 實惠，價錢親民


之後轉睇日本野...一個字靚!



但呢D都係無得調較高度
依家坐會吊腳，第時坐會寒背，於是就轉搵可調整高度的

價錢會貴一倍，但用足幾年，除返開都抵

而身邊幾個用家朋友都係幫襯一間香港代理日本小童書桌組合的店舖
準備幫襯之際，又諗到其實可以去日本 (2015年兩次) 自己托返黎
再唔係可以網購完船運返黎...

不過諗左半年都未決定好，諗到年尾時香港果間做減價
既然自己托會辛苦木木爸，船運同香港減左價唔差太遠
而香港買有保養，就係咁木木媽終於下定決心落單
但要等大半個月先有貨

就係呢套︰



期間木木媽手多多上網周圍click，發現有另一款同我揀左的款差唔多
size細少少，櫈有粉紅色揀，最重要係香港都有入呢款
熟知木木媽性格的你，一定知道我會轉軑 =P
好彩訂左果套未取貨，新訂果套依然有折，實在太好了 =]


仲要有現貨，可以係木木生日前到店自取
順勢成為木木的兩歲生日大禮物 =]

安裝實在太簡單容易，一支八角匙就搞掂 
木木媽自己一個三扒兩撥就砌好! 完全唔需要木木爸幫手



呢套書桌組合，書檯可以有三個高度可調較，櫈就有兩個高度配合，仲有個櫃桶仔




之前果套檯面有紅藍筆筒各一，呢套就無
木木媽鍾意simple & neat，非常合我心意

木木一見到先係有少少呆 (無啦啦多左咁大舊野係屋企)
後來就好雀躍咁試坐啦!



木木邀請左佢一眾bear bear朋友仔黎試坐 =]





希望呢套書桌組合可以成為你學習的好buddy =]

2016 • 猴年大吉

小林家祝大家猴年大吉，身體健康，萬事如意 =]
祝小朋友快高長大，學業進步!
祝靚媽們青春常駐，愈湊愈瘦!
祝型爸們事業有成，愈搵愈多!

今個農曆新年辦年貨主要靠淘寶，搵晚放工去一田掃左轉賀禮，有日往返office期間經過美心東海堂買乜糕物糕咁，其餘的桔桔、碌柚葉、瓜子等由99提供，連利是封同全盒都係最後一刻由櫃桶底搵返出黎...

屋企無買開桔，落街摸下人地盆桔 =P

今年淘左少少揮春材料包同木木玩親子揮春，最方便係佢已經裁切好晒仲有背膠，一撕出黎就貼得，岩晒木木呢個年紀 =]



材料包入面有幅完成圖俾你睇原本設計係點，木木媽儘量俾木木自由發揮，幫下手話佢知桔葉要貼係邊咁

 




終於趕係新年前起晒貨 =]




賀年corner亦快快手砌好左，今年繼續用小林家利是封 =]

每年木木婆婆都會浸好界好砌好成盆水仙托黎俾我，今年盆水仙整得好靚呀! 
可惜之前寒流襲港，天氣太凍，應該年初一都開唔切花 ><

多謝sasa姐姐的peppa pig揮春，木木好喜歡仲自己貼係房門度



但如果你以為佢今年幫到手就錯了，絕對係搞搞震無幫拖之小朋友 =]

年初一
訓醒第一封利是來自爸爸媽媽，今年用左DUFFY利是封，係木木最近的好朋友! 開心得佢 =] 之前已教左三句俾佢傍身，分別係「新年快樂」「身體健康」「恭喜恭喜」加埋拜年手勢，希望你幫輕下媽媽 XD

TODAY'S LOOK!

去左木木婆婆屋企拜年，今年表妹大個左識行識爭野玩，同木木多左互動呢
之後去左同木木太婆飲茶

茶樓出面有個小公園，兩表姊妹玩得好開心



木木媽始終心繫上年件新年衫，實在太靚，今年先最岩著，無理由唔著

反正對黑白紅pump fury係新的就OK啦 =]



最近多左同表妹一齊玩，木木媽留意到木木無再好似以前咁ignore表妹，仲成日想拖住表妹行，so sweet!

媽媽叫佢照顧表妹真係有聽話做到，好似表妹玩玩下甩左隻鞋，我地叫佢幫表妹著返，雖然最後要大人出手，但木木有盡佢最大能力，仲試左好多次，自己搞唔掂仲拉表妹黎我地度著，好生性!

再去木木姨婆屋企同女家親戚團拜，姨婆每年都買棵大桃花，係指定拍照背景來的...

今年木木同木木媽都有新鞋著! 木木的已介紹了，木木媽的是'Air Jordan 4 Retro 'Dark Obsidian/Vivid Pink'，木木爸為左襯我地的顏色無著新鞋，不過佢襯左我的PINK，又襯左木木一齊著Pump Fury，總之就係襯啦! 

木木媽仲同木木著母女皮褲 =]




最後返去木木嫲嫲屋企同男家親戚團拜

一日走四場其實都好攰下! 講緊已經係木木爸車我地點對點上落車...
是夜木木落床唔駛五分鐘就訓左，全日不停「被要求」講賀年說話一定用左佢好多energy啦 =]

----------------------------------

年初二 TODAY'S LOOK
繼續拜年，去木木姑婆家團拜

油塘拜年後無下場，木木爸提議去將軍澳d公園行下...將軍澳我地好少去，聽聞將軍澳幾個公園的規劃同設施都好好，一於去explore下!

木木︰咦，表妹仲未訓醒喎，點算好呢?



咁我食住餅餅等佢啦 XD

再同婆婆玩陣先! 

木木︰表妹你終於訓醒啦? 我地一齊去玩囉 ~
表妹︰(我隻手就黎俾表姐扯斷...)

次次「擺」好左位，總有一個會sir左落去先!

木木媽是日最愛! 
呢個農曆新年的相部分係用新相機影的
希望keep住團火多D帶大相機出街用幫木木影多D靚相 =]

喪跑後要小狗式抖抖 =P

----------------------------------

年初三 (空白)
因為木木同木木爸相繼發燒病左，邊度都唔駛去，留家休息
唔單止佢兩個，我媽媽、哥哥、嫂嫂、侄女都病晒，之後初五我爸爸都開始發燒
剩返我一個無被打敗...ROAR! 千祈唔可以病!

日日在家休養，有個小朋友悶到發慌，有個爸爸忍唔住開左盒大玩具俾木木玩! 係上次去東京托返黎的麵包超人麵包店!

同我地去麵包超人館食的包包係一模一樣的，好好玩呀! 
木木請我食左好多次包包仲有得外賣...

新一年木木媽嘗試用簡單快捷方法去處理d相，唔駛下下等返到屋企深夜開電腦搞，希望可以update得快少少，唔好咁OUT啦 =P
(今次初十一就出到post，個人黎講係堅勁架啦...)