認真，同時兼顧工作&餵人奶真係人都癲!
講下我每朝睜開眼至離開家門的程序︰
(05xx - 06xx) 如果木木早左好多醒，我地會塞返個奶咀拍兩拍等佢訓返
0700 鬧鐘響，起身刷牙洗面飲水戴nipple shield
0715 拍醒木木 (好殘忍)，幫佢清潔面+口腔同換片
0730 埋身餵奶，歎奶木要食around 30 mins...
0800 泵清雙胸，期間食埋早飯
0830 換衫返工 (「打扮」呢部分自動省略左)
0845 裙拉褲甩咁出門口
你可能會問...
點解換片唔交俾工人做 - 因為想木木剛訓醒的時候係由媽媽照顧佢
點解要戴nipple shield? - 因為一邊餵木木另一邊會漏奶，漏漏下都唔少架~
點解唔邊埋邊泵慳時間 - 因為八卦木會唔專心食奶掛住望個「吱吱」聲的泵
(不過後來因時間關係已進化成可邊餵邊泵)
呢度就係我返工用的泵奶用品，另外仲有手袋，日日都走難咁
- 水 (搭車都要勁灌水)
- 鈣思寶
- 飯盒 (泵完得返三個字時間食)
- fridge-to-go 冰袋
- 雙電泵 (spectra 9+)
- 喇叭奶樽四套 (用密實袋免污染)
後來奶泵電池愈來愈渣，衰到要帶埋舊叉電返工...
初初返工又唔可以一下子隔太耐泵驚塞
所以頭兩星期係公司泵三次(1030, 1330, 1630) 每次30 mins
之後工作開始上返手變得好忙，轉泵兩次，每次30 mins
放工將兩樽奶放入冰袋，1800部隊即閃，一袋二袋咁碌返屋企
返到屋企同木木玩一陣就埋身
等到木木訓著左，就要拿拿臨去沖涼
沖完涼就泵奶，泵完奶0000前上床就寢
半夜起身再泵多一次奶，泵完恰兩三粒鐘又另一日...
一到假期，就回歸全埋身！
在職奶媽除左要擔心奶量，亦要承受來自上司&同事的壓力
坐我隔離同事係一位叔叔，佢太太十幾年前已經餵人奶，所以佢好體諒兼遷就
但部門其他同事，我知佢地會私底下八卦同討論，但我都唔理得咁多
最過份當然係我老細，recall返大家佢係我大肚時的所作所為
當我已經泵左三個幾月的某日，佢質問我仲想泵到幾時
(當時我不畏強權地回覆︰世衛建議，兩歲!)
話泵左三個幾月乜都夠，又話我阻礙公司運作
仲話我佔用工作時間，叫我補返俾公司，mean爆!!!
所以我由初初係自己房泵，改為搵房泵，到最後大無畏到披住餵奶巾係位泵
free埋對手出黎繼續工作，無野好講啦?
不過年尾做appraisal時佢依然堅持我唔可以同時兼顧，呢種思想真不要得
為左木木可以100%全人奶，要放棄的實在太多太多
睡眠 明明戒左夜奶，我都仲係過緊餵夜奶的生活
時間 原本已經無乜私人時間，泵埋奶更無
肥肉 一日三飯無得瘦身
娛樂 只有臨訓泵奶時得閒睇下電視，但都係釣住魚咁睇
媽媽是無所不能的，激發起的小宇宙令人吃驚!
除左早晚埋身 (木木仲要係歎奶型，啜到實一實唔肯放口)
日泵五次 (返工前 / LUNCH / 放工前 / 臨訓前 / 半夜兩三點)
半夜果次真係好攞命架，離開暖笠笠的被窩同舒適的冷氣房
捱住眼訓出廳泵，成日驚自己中眼訓會倒瀉奶
但又唔得太精神，如果唔係訓唔返仲大鑊
太懶訓起唔到身當然時有發生，有時四點幾五點先醒
唔泵會谷爆兼漏奶，泵的話陣間木木起身又唔夠佢埋身食...
係咪剩睇字都覺得好煩?
但既然泵得出，泵多一次就夠木木全人奶，木木又食得好
媽媽會頂硬上!
DAY 67 / Mar 23 / 產假最後一天
大約有廿包冰奶，每包約100-120ml
DAY 103 / APR 28 / 復工後約一個月
上層已經唔夠位擺，原本左邊的製冰格同急凍品要移除
數量增至約50包，每包容量增至約150ml
當時我星期一至四每日的泵奶都會做雪奶俾木木第二日飲
一到星期五，所有泵奶都會做冰奶，週末變身埋身奶媽 =]
每個星期儲幾包又未需要用住，冰奶，就係咁儲返黎架啦~
DAY 125 / MAY 20 / 復工後約兩個月
上層已經打爆左! 而初初開始儲的冰奶亦陸續接近到期
自問唔算富媽，當時每日泵奶量係木木需求量上下徘徊
為確保有一定數量的冰奶存貨，兼要騰出空間儲存新冰奶
木木開始每日有一餐有部分用冰奶，維持大約三個月直至開始引入固體
每日需求量減少，就無再飲冰奶，過期冰奶就用黎沖滑滑人奶浴
DAY213 / AUG 16 / 木木七個月大
連下層都打爆埋...放木木的食物泥磚都要就住就住
當木木可以用固體代到一餐之後 (7m+)，我就毅然減泵半夜果次
終於可連續訓到四個鐘以上啦!
我的泵奶生涯都尚算平平安安，無乜點浪費過
印象中都係得一次暖左奶木木唔食
暖奶者 (木木爸) 鼓起勇氣溝美綠粉灌左五安人奶落肚!
(雪奶/冰奶好"so"架，所以真係要鼓起勇氣)
另一次最杰撻撻就係木木六個零月大時
返工期間lunch time泵奶，開始左一分鐘之後個泵停左! 無反應!
晴天霹靂! 唯有出動最後武器 - 雙手，揸到手殘都只得平時一半
好驚個胸塞 / 乳線炎呀!
晏晝用返spare手泵，都係唔夠雙電泵泵得清
我呢種在職奶媽，無泵真係好徬徨
放工拿拿聲搵一眾前奶媽借泵，再拎個壞泵去代理到整
check完話係壞電路板，諗住自己都仲有排泵
無奈地都要um荷包trade部新機，帶住個新泵返屋企時...安樂晒!
medela swing: 借返黎的
spectra 9+: 邊部新邊部壞呢?
仲有一次木木八個零月大時，無緣無故地中左我最害怕的乳腺炎
發燒38度，左胸底又紅又痛，要食足十日抗生素
幸好睇開的家庭醫生支持母乳，可以繼續餵奶，一兩日就無事啦 =]
下篇分享「由無到有...少少奶」
我只係一個窮奶媽，心得講唔上
但對於懷孕中想餵母乳的準媽媽，或者係放棄邊緣爭扎緊的母乳媽媽
希望我的小小經驗可以鼓勵 / 幫助到你呢。
在職奶媽除左要擔心奶量，亦要承受來自上司&同事的壓力
坐我隔離同事係一位叔叔，佢太太十幾年前已經餵人奶，所以佢好體諒兼遷就
但部門其他同事，我知佢地會私底下八卦同討論，但我都唔理得咁多
最過份當然係我老細，recall返大家佢係我大肚時的所作所為
當我已經泵左三個幾月的某日，佢質問我仲想泵到幾時
(當時我不畏強權地回覆︰世衛建議，兩歲!)
話泵左三個幾月乜都夠，又話我阻礙公司運作
仲話我佔用工作時間，叫我補返俾公司，mean爆!!!
所以我由初初係自己房泵，改為搵房泵，到最後大無畏到披住餵奶巾係位泵
free埋對手出黎繼續工作，無野好講啦?
不過年尾做appraisal時佢依然堅持我唔可以同時兼顧，呢種思想真不要得
為左木木可以100%全人奶，要放棄的實在太多太多
睡眠 明明戒左夜奶，我都仲係過緊餵夜奶的生活
時間 原本已經無乜私人時間，泵埋奶更無
肥肉 一日三飯無得瘦身
娛樂 只有臨訓泵奶時得閒睇下電視，但都係釣住魚咁睇
媽媽是無所不能的，激發起的小宇宙令人吃驚!
除左早晚埋身 (木木仲要係歎奶型，啜到實一實唔肯放口)
日泵五次 (返工前 / LUNCH / 放工前 / 臨訓前 / 半夜兩三點)
半夜果次真係好攞命架，離開暖笠笠的被窩同舒適的冷氣房
捱住眼訓出廳泵，成日驚自己中眼訓會倒瀉奶
但又唔得太精神，如果唔係訓唔返仲大鑊
太懶訓起唔到身當然時有發生，有時四點幾五點先醒
唔泵會谷爆兼漏奶，泵的話陣間木木起身又唔夠佢埋身食...
係咪剩睇字都覺得好煩?
但既然泵得出，泵多一次就夠木木全人奶，木木又食得好
媽媽會頂硬上!
DAY 67 / Mar 23 / 產假最後一天
大約有廿包冰奶，每包約100-120ml
DAY 103 / APR 28 / 復工後約一個月
上層已經唔夠位擺，原本左邊的製冰格同急凍品要移除
數量增至約50包，每包容量增至約150ml
當時我星期一至四每日的泵奶都會做雪奶俾木木第二日飲
一到星期五，所有泵奶都會做冰奶，週末變身埋身奶媽 =]
每個星期儲幾包又未需要用住，冰奶，就係咁儲返黎架啦~
DAY 125 / MAY 20 / 復工後約兩個月
上層已經打爆左! 而初初開始儲的冰奶亦陸續接近到期
自問唔算富媽，當時每日泵奶量係木木需求量上下徘徊
為確保有一定數量的冰奶存貨，兼要騰出空間儲存新冰奶
木木開始每日有一餐有部分用冰奶，維持大約三個月直至開始引入固體
每日需求量減少，就無再飲冰奶，過期冰奶就用黎沖滑滑人奶浴
DAY213 / AUG 16 / 木木七個月大
連下層都打爆埋...放木木的食物泥磚都要就住就住
當木木可以用固體代到一餐之後 (7m+)，我就毅然減泵半夜果次
終於可連續訓到四個鐘以上啦!
我的泵奶生涯都尚算平平安安，無乜點浪費過
印象中都係得一次暖左奶木木唔食
暖奶者 (木木爸) 鼓起勇氣溝美綠粉灌左五安人奶落肚!
(雪奶/冰奶好"so"架，所以真係要鼓起勇氣)
另一次最杰撻撻就係木木六個零月大時
返工期間lunch time泵奶，開始左一分鐘之後個泵停左! 無反應!
晴天霹靂! 唯有出動最後武器 - 雙手，揸到手殘都只得平時一半
好驚個胸塞 / 乳線炎呀!
晏晝用返spare手泵，都係唔夠雙電泵泵得清
我呢種在職奶媽，無泵真係好徬徨
放工拿拿聲搵一眾前奶媽借泵，再拎個壞泵去代理到整
check完話係壞電路板，諗住自己都仲有排泵
無奈地都要um荷包trade部新機，帶住個新泵返屋企時...安樂晒!
medela swing: 借返黎的
spectra 9+: 邊部新邊部壞呢?
仲有一次木木八個零月大時，無緣無故地中左我最害怕的乳腺炎
發燒38度，左胸底又紅又痛，要食足十日抗生素
幸好睇開的家庭醫生支持母乳，可以繼續餵奶，一兩日就無事啦 =]
下篇分享「由無到有...少少奶」
我只係一個窮奶媽，心得講唔上
但對於懷孕中想餵母乳的準媽媽，或者係放棄邊緣爭扎緊的母乳媽媽
希望我的小小經驗可以鼓勵 / 幫助到你呢。
