台北四天紙婚小旅行 • DAY2 • 漫逛東區再乾杯

(一年+都真係太過份! 決定快手兼簡短地寫晒先繼續曼谷歎食買，我話嘅!)
(...冒冷汗...)

6 NOV 2011 雨
九份 > 東區 > SOGO > 乾杯

去完九份，我地去左東區，即係三個忠孝XX站果附近，行街食飯直落~
聞名的度小月擔仔麵...同我預期有少少出入
反而買左兩罐肉燥走 =p



去得東區，當然係為左行街shopping無錢剩 (呢七個字太順口...)
內街兩旁好多特色小舖，就算係大牌，裝潢都會花心思d



無心插柳之下，無拿拿見到巴西膠鞋 melissa (果時香港未有專門店，喺dmop consign)
就係咁就無拿拿入左兩對，自此我就好鍾意著melissa啦 =]

仲有唔少得太平洋SOGOsss，目標店舖分散係唔同分館，行少間都唔得

afternoon tea living & tearoom (忠孝館2/F)︰靚靚廚具餐具，煮婦們不能錯過!
上個trip去沖繩的afternoon tea，因為yen貴買得好少，事後後悔而俾bubu訓話 ><
我以為跟住去台北會大買特買啦~點知我印象中好似都係無乜點買，唔記得咩原因...
終於去關西呢次諗住轄出去喪買，但因為近聖誕而無咩岩買 ><
無乜緣分的afternoon tea...

台隆手創館 hands tailung (復興館8/F)︰上個trip去沖繩無tokyo hands，以為呢個originated from tokyo hands的台隆手創館都應該唔差
可能地方唔大，似香港log-on，無乜手作用品賣，有少少失望呢。

SOGO仲有超級kawaii的hello kitty sweets專櫃 =]
忍忍手睇住先，因為之後果日會去hello kitty cafe!

夜晚去左果時好多朋友去完返黎都recommend的乾杯食燒肉
乾杯有好多間，出發前揀定一間近SOGO訂左位先，好彩訂左檯，都真係幾旺下!

乾杯本店
台北市敦化南路一段236巷17號

好平，係咁叫~
仲有食燒肉前一定要食個沙律打底! (然而每次事後繼續係會喉嚨痛 orz...)

其實成晚我都有d忐忑，因為知道乾杯有「親親五花肉」活動
「只要你敢親，我們就敢送!」親吻十秒鐘兼用相機拍下，即可獲得一份有戀愛感覺的五花肉唷!
(戀愛感覺係豬油膏之間滲出黎... ._.||| )

「精打細算」的我想免費拎一份五花肉，但又唔知人地會唔會邀請我地玩...
(重點係從來無問過bubu想唔想...)

最後當然有玩到啦，當眾咀咀呢家野，結婚果日都做唔少，完全無難度唔知醜 =p

牆上面無數咁多咀咀相~



呢一餐唔駛睇價錢係咁落order，都只係二百零蚊港紙埋單咋~ 抵食!
(當然仲有因為碟「親親」同我有張coupon又送左碟啦。)



之後果日就係紙婚紀念日 =] 我事前準備的小道具要出場啦~
希望唔駛stay tuned到出年皮婚啦下 =p
---------------------------------------------------------------------------------------

相關閱讀︰
台北四天紙婚小旅行 • DAY1 • HKG > TPE台北四天紙婚小旅行 • DAY1 • 淡水＋美麗華百樂園＋士林夜市
台北四天紙婚小旅行 • DAY2 • 濛濛的九份

台北四天紙婚小旅行 • DAY2 • 濛濛的九份

6 NOV 2011 雨
九份 > 東區 > 乾杯

第二日早上plan左上九份，要食飽早餐
just sleep的早餐唔係太多選擇，不過勝在夠正常，唔駛驚食完肚仔痛



由西門站搭捷運去台北車站，行過去臺鐵搭火車
原本我出發前已study左要搭邊種車邊班車架
唔記得因咩事有人撩交嗌 (成年前仲記得，bubu你老婆都幾記仇架喎!)
嬲到我扁晒咀，最後連買左咩飛，上左邊架車，目的地去邊都唔知
(仲要無得買我好想試的台鐵便當!!!)
搭搭下開始見唔對路，唯有係火車上問本地人，知道係八堵要落車去另一個月台轉車先可以去到...



未上九份，係台北市中心已經落起毛毛細雨
「落雨」好似已經成為婚後旅行的標記...



anyway, 終於平安到左瑞芳 =]



09年plan台北行程時，睇過話上九份的巴士係車站對出的頂好超級市場度搭
今次去已經唔係lu~係瑞芳車站前站出口轉左行一小段路，經過警察局就見到



你睇~不過聽埋聽埋，都未聽過有朋友去九份時風和日麗天朗氣清...

而且上到九份即刻感覺到凍左+大風左，記得帶件外套啊~
(不過入到去，又因為太迫人而覺得好熱._.)



去九份主要都係為左食 - 開始掃街!

呢檔賣炸蝦球係入去左邊第一檔，一見到成座蝦山已經好想食
但心諗住quota有限睇定d先，最後臨走前都係忍唔住食左...
[唔好食] 完全俾座蝦山呃左!



魚丸伯仔賣魚蛋，初時唔知咩叫「冬粉」，諗住叫左先算...原來即係粉絲 =]
[好食] 呢個魚蛋山就信得過啦，彈牙爽口!



雪糕花生捲唔知實際叫咩名，個名係我作的 =p
佢有d似我地香港既糖蔥餅，一塊圓形白麵皮
上面舖左由一大磚刨出黎的花生糖碎, 重點中間夾住兩球雪糕!
[好好食] 本身九份凍凍地，再食個雪糕捲真係無得頂~



各式台灣腸完全係行過見到口痕要食，不過本來就係我同bubu的共同至愛 =]
[好好食] 台灣腸真係特別好食架，尤其佢地用炭爐烤過果d，腸衣脆卜卜甜耶耶
入面又肥又香...當然佢亦比廚師腸更無益...



賴阿婆芋圓芋圓係九份另一特色小食，知道最出名係阿柑姨芋圓
但係一路行上去都未見 (無諗過要行到國小咁高先到)
途經賴阿婆，記得都ok就坐低左 XD
阿婆其實都好多人幫襯啊 (可能好多都好似我地咁...)，而芋圓亦好QQ
[好食] 之前未食過，食過就愛上，有衝動想買包返去煮!

關於食應該係咁上下，仲有d九份必吃
eg 阿蘭草仔粿，肯定唔鍾意食就無謂試
繼續向上行，見到九份國小就代表到頂啦 (當然亦途經左阿柑姨 ,._.,||| )

天濛濛又落住雨，到此一遊就行返落去lu~



行返落少少分叉路轉左落，又有另一番景象 - 依山而建的茶樓群
(人地茶樓真係茗茶，唔同我地嘈喧巴閉爭位搶點心的茶樓...)
無閒情逸致慢慢茗茶，係外面欣賞佈局建築啦唯有 =]
(咁點解afternoon tea又有?)



行到落最低就係昇平戲院，關於戲院歷史及發展請自行wiki
(咁算係咩遊...記...)
我最緊張就係要去吸印仔 =p



戲院旁邊有間香草舖子，未行到已經俾芳香撲鼻的薰衣草吸左埋去
兩個放棄自己原來工作的台灣女仔，一手一腳搵地方種薰衣草，造手工薰衣草產品...
(左上) 有得試手工皂，試完之後，忍唔住狂索...真係好香!
之後都買左一舊返香港用，洗完手唔乾，襟用唔易散，最重要係好香~

我地仲坐係舖頭出面的小庭園，寫上山前係車站買的「十分幸福」明信片 =]



九份大致上已經行完，沿路行返落入口 (沿途繼續食食食)，搭公車落返瑞芳車站
臨走前係車站呢間店舖可以寄剛才寫的明信片，有特別的郵戳 =]



其實成朝係九份一直都落住雨，時而傾盤大雨，時而毛毛細雨...
但當落左山之後，就鬼死咁好天...



走lu~係呀我地只係去九份
因為時間緊迫，唔夠玩埋平溪線，十分 / 平溪 / 菁桐都無去到
果期仲要「那些年」大熱，無得去放天燈有少少失望
不過唔緊要啦，下次再去...台北之嘛 =]



DAY2下午同夜晚去左邊呢? 成年前真係唔記得...
無晒貨係手 (相片)，要返屋企執貨先有料寫BLOG啦 =p

----------------------------------------------------------------------------------------

相關閱讀︰
台北四天紙婚小旅行 • DAY1 • HKG > TPE台北四天紙婚小旅行 • DAY1 • 淡水＋美麗華百樂園＋士林夜市

[九月開倉] LE CREUSET clearance sale 2012

九月的時候一眾太太都熱烘烘，每日更新BLOG報告入手情況
我嘛...well...you all know me...
不過你們知道我終有一天會BLOG的 =]

第二次挑戰LE CREUSET (愈來愈癲之) 開倉
總共拚了兩回，第一回在開倉首天
適逢週末不用請假，約定跟bubu和一位朋友去拚
原本沒有第二回, 因為討厭的LC
於星期天晚上，在facebook貼出一張預告照...結果魔鬼戰勝天使
跟另一位原本就打算去的朋友去拚星期一上午，然後下午還得繼續上班 T.T

這裡應該只是第一回的，四袋!



第一回的 (圖中的cobalt blue trivet, coastal blue medium bowl, cassis rectangular dish 18cm已經轉讓給朋友了)



第二回的 (看顏色你就明白為何我敵不過要去多次...)

上次我和bubu的最高成就是powder pink跟powder blue的18/20cm
今次我沒用 (其實也不要這樣說自己，是前頭的太厲害了)，什麼好的都找不到
反而bubu找到2個powder blue花花煲!!! 再次大力鼓掌!!!

不過講起這花花煲就有一件傷心事嗚嗚...
有一位女的在我後面點貨，看到我有2個花花問我會不轉讓一個給她
當時還未有拿定主意
後來她才說自己有2個antique rose水殼 (就是開倉頭一分鐘被秒殺那個) 可以交換!!!
我當然話好啦! 不過當時大家還在忙其他的，就說待會再交換
可是當我回頭找她時，她竟然說已經跟別人交換了!!! 十級可惡!
然後我又很惱自己為何當時十下十下，即時交換不就好了嗎? 豬爆!

結果之後自己再去，託人去，都再看不見antique rose水殼啦...無限個揼心 ><
唯有跟自己說那個手柄很阻地方不好不好...

說回這2個花花，其中1個是幫blogger cubie買，藍色+花花=100%bingo!
如果她說不要我會罵她!
另外1個我在會場內考慮了很久很久要不要買...
我想要花花，但就算是靚色如powder blue，始終不是我杯茶
但最後還是因為有少少鬥氣+bubu辛辛苦苦搶到而決定帶回家

思前想後，還是決定轉讓給喜歡藍色花花的人
留空間給將來總有機會遇到的粉紅花花 =]
全新的，有興趣請私留/ fb page msg*



繼續其他的敗物分享 =]
SATIN BLACK round french oven 22cm 
內籠是黑琺瑯 (i.e. 內外全黑)，打算粗用 / 炸物用



CHERRY RED round trivet / COBALT BLUE round trivet

因為第二回入手了DUNE round trivet (在第二回大合照裡，白色煲墊，靚~)

所以決定放棄 cobalt blue 的，極短時間內有人接收...

因為trivet的discount最大所以大家都搶?
我手上曾經出現好幾個cassis trivet，cassis我麻麻
回去才知道cassis trivet超搶手...



上次買不到的ANTIQUE ROSE rice bowl & soup bowl，今次最佳收穫之一!

第一回只有soup bowl，第二回有rice bowl，終於有心滿意足的感覺~
其實同場還有另一靚色lavender的，不過我目標太堅定，只掃antique rose!



今次亦終於買到上次買不到的SATIN PINK spatula crock!
還記得我初初認識LC時
嘴巴說過「我唔會買trivet同crock囉，連呢d都買就太癲啦」

好明顯我要掌自己嘴巴掌到變孖膶腸...
她現已服役於 [小林二家] 廚房，插滿粉紅色廚具，好靚好靚好靚...



一堆小物~
POWDER PINK flower shaped ramekin w lid (左)
大量，大家都買到，非常好 =]

STRAWBERRY PINK mini round cocotte (右)
謝謝同場blogger芝士打電話問我要不要，然後親自送過來 >3<

CHERRY RED heart mug & tray set (上)
我已經不記得哪時哪個架找到的，大概是一進場見大家衝向某一處，我又不甘後人的伸手搶，然後5秒內被清架，回手想多取一個已經無!

最後有misto sprayer，上次已經很想買嘖油壺，但原來要在cashier check out時才買到
今次我決定趁大家掃貨未捨得埋單前，先去cashier買，然後再繼續尋寶
所以我成為了今次開倉第一個顧客 =P



焗盤沒有另外再影相，入手清單
SATIN PINK rectangular dish 18cm
COASTAL BLUE rectangular dish 18cm
LAVENDER rectangular dish 26cm
COASTAL BLUE rectangular dish 26cm
全粉色系~
而且 [小林二家] 換了焗爐，26cm終於可以放得入啦!

上次買的PALE ROSE rectangular dish 26cm，考慮放售中
(bubu話買唔返，但我話太多...umm...)

謝謝行動+錢錢大力支持的bubu，一起併的朋友竹竹&小瑜~

[nov7] 小林先生夫人的兩週年棉婚紀念

呢個時候，應該去緊機場
今晚 (nov6) 夜機，聽朝 (nov7) 凌晨
我地已經身處日本關西
展開我地 (希望以後都可以) 一年一度慶祝結婚週年之小旅行!

尋晚臨訓同bubu pillow talk︰話咁快就兩年啦~
開心快樂時光過得特別快，過多無幾耐我就會話三年、四年、五年...
要一直一直數落去，數到兩鬢斑白，都可認得你
(無辦法，一打呢個成語，我對手自自然然打埋落去 lol)

去年結婚一年叫紙婚，今年結婚兩年叫棉婚
我地好似temple紙巾咁，堅韌左啦! 哇啦啦~
努力邁進出年的皮婚~

唔係我想搞事，結婚週年連一兩句感性說話都唔寫下
而係我真係連靜靜地諗下「結婚兩年」呢個topic的時間都無
之前的搵樓，裝修，搬屋已經去左我半條命
臨搬之前bubu話︰不如anniversary都係去轉日本咯 (之前打算今年唔去旅行慶祝)
well，呢個出發前一個月左右的「不如」，就死多我幾億細胞
我依家得返1%，仲有京都果幾廿條鐵路未搞掂
(可唔可以學下香港，合併晒佢叫「日鐵」咪好囉...)

咁就基於我忙到感謝bubu的文字都無時間打
「不如」大家唔爭在excuse埋我未打完 7nov2010的分享...

(終於都入正題!)

講左兩年的大話，大家都係叫我大話精吧啦，我無恥地欣然接受 =p

寫住咁多先! 放工前趕唔起功課俾老闆就大檸樂! 速逃~~~