首爾站早餐 > zipwire > 南怡島 > 春川炒辣雞 > rail bike > 纛島遊園地野餐 > 樂天超市
落機 (0225) 後的時間都好緊張，如果我地可以一個鐘內入境兼拎埋行李
就可以搭late night bus (0320)
otherwise就要係機場呆個幾鐘去坐頭班AREX機場鐵路 (0520)
但我地起飛時delay左半個鐘，遲左少少land (0240)
入境時唔算快，搞掂已經0310，諗住疊埋心水搭AREX
點知行李已經等緊我地，於是就死衝爛衝去搵ticket counter買巴士票...
counter無人? 咁衝出去巴士站先...但又唔知邊個巴士站先岩!
印象中記得去首爾站係2, 6A，行到去又唔見有seoul station字樣...
最後都係要問韓國大叔，confirm就即刻交低行李衝上車，未坐定已經開車咁滯
點解要咁趕? 因為搭早一班車有得坐低食早餐囉，好重要架 =P
事前上網搵到民宿附近有24小時營業的馬鈴薯排骨湯食
late night bus就係首爾站落車，非常方便
馬鈴薯排骨湯就係車站的另外一邊
용산원조감자탕（龍山元祖馬鈴薯排骨湯）
電話：02-797-1900
地址：서울 용산구 청파로 393（首爾市龍山區靑坡路393）
營業時間：24小時
好地地唔會有韓國少女凌晨四點幾走去食馬鈴薯排骨湯
所以周遭都係韓國大叔...
馬鈴薯排骨湯有分大中細，我地要個中size加餃子
比想像中好食! 排骨已經炆到好淋，用筷子撥下已經離晒骨
而我黎到韓國學懂的第一件事係，韓國無野係唔辣的!
就算menu無寫明係辣，都係辣的!
食完凌晨五點幾
好殘忍咁text host叫醒佢接管我地三大篋行李後就可以行去首爾站搭車
搭完凌晨機後的DAY1清早，並唔係去汗蒸幕訓覺，而係上天下海
plan行程時已經覺得very癲，一個月前上網搶火車車票，仲要搶唔到心儀班次!
首先係首爾站換定火車票先，搭一個站去龍山站，再轉七點正的青春列車(ITX)
龍山站雖然有專門通道 for ITX，但火車票只係一張熱感紙，唔駛入閘的
跟住火車票上車卡號碼(第六卡)企定定等「青春」黎就可以
呢架青春列車特別之處係其中第四至五卡係上下雙層的，大鄉里梗係想坐上層，可惜網上購票係由系統編配座位的，唯有開車前去八卦下
到左加平啦!
如果坐地鐵轉京春線，接近兩個鐘；如果坐青春列車，一個鐘就到
今日首站係本地韓人熱門旅遊點 - 南怡島
加平去碼頭可以搭加平站外嘅的士，大約w3000
至於入島，一般都會坐渡輪，而我地就選擇「飛入去」!
呢座野叫做Zip Wire，係亞洲最大規模嘅wire-riding設施
每位w38000，包南怡島入場費&回程渡輪
zipwire開九點，之前我地諗住搭八點火車，去到zipwire就岩岩開門......好彩我地搶唔到八點，搭左七點火車咋! 點解?
原來...佢開九點，但我地八點幾去到時已經賣緊飛，之後我地九點返去玩時，佢已經賣緊十一點(!) 如果十一點先玩得，可能我地要為趕行程放棄佢了...
未夠鐘，又係自拍時間
zipwire有兩個選擇︰
一係直接飛去南怡島，飛耐少少又無咁刺激
一係飛去旁邊的JARA島再駁艇仔，suppose係又快又刺激...
我地三個無有怕! 揀左exciting course
首先要搭升降機上去80米高的塔頂
坐低聽佢地的韓文講解 (!)
我同契媽b準備出發...冷不防佢失驚無神就打開度閘門飛左我出去!
正常呢d梗係開頭驚驚地後來好enjoy...
而我地係覺得︰「車，咁咋?」XD
早知直接飛過南怡島好過 =P 但不失為一次好好的體驗 =]
之後坐駁船過返南怡島
南怡島主打四季怡人景色，初夏係一片綠杉，好靚
島上仲有餐廳、手信店、單車租賃、兒童設施
PICTURE BOOK LIBRARY!
好想入去睇下，可惜趕住走 T.T
南怡島自稱共和國，有自己貨幣郵票同護照，都幾有趣，實際上都係用韓圜
我地試左島上聞名的紅豆包
仲遇到孔雀開屏! 可惜孔雀女唔show孔雀仔 ><
三條港女玩自拍，絕對唔會有豆丁衝入鏡或者男人斜睥你
大大片草地，一整排杉樹，景靚人更靚(!)
估唔到初夏仲有少少紅葉尾
見到松鼠!
(不過現實中同繪本中的松鼠尾巴有好大出入...)
呢度帶住小朋友spend一日應該無乜問題，另外南怡島曾經係一套韓劇拍攝場地，場景都成為左島上地標，我地無睇過所以無興趣啦。
大約中午我地就坐渡輪返對面碼頭，係碼頭附近求其搵左間食炒辣雞
炒辣雞係一個大鐵板上生炒雞件、年糕、菜、辣醬
我同契媽f唔係好食得辣，都要一路灌水一路係咁食!
最好味係食到尾再加個飯同配料再炒，好好食!
[ 有用連結 ]
仁川機場 <> 首爾站 Late Night Bus 班次
http://www.airport.kr/pa/en/d/3/1/1/index.jsp
KORAIL(青春列車車票預訂)
http://www.letskorail.com/ebizbf/EbizBfTicketSearch.do
ZipWire
http://ziprider.com/rides/nami-island/
