[婚紗展收穫] 唐餅卡 & DYOS

回想年多前, 頭第一二三四次去wedding expo, 心情非常緊張, 如臨大敵 (各路派傳單人馬) 的樣子, 一入場即時投降 (張張leaflet都照單全收), 還要逛到天黑方肯離去, 慌死執輸...

現在啊, 去 wedding expo 已經變得 target-oriented, 對所有派傳單的人視而不見, 聽而不聞, 一支箭入場, 尋找 target booths, tasks completed後即撇sss, 之後還有時間落CWB行轉街~

會展附近沒太多美食可以坐下來慢慢歎, 今天試了一家小店「麵包樹」, 即叫即焗pasta, 味道不錯!

用錫紙盤盛的芝士肉醬天使麵, 好有大家樂大快活吃肉醬意焗豬扒飯的親切感~

今天的入場券要多謝小學同學兼BLOG友準歐師奶, 百忙抽空拿票子給我。

其實除了第一次去expo是真金白銀買票進場 (因為當時貪得意去下, 還未決定結婚...), 之後每次都是靠姊妹C或其他同學仔接濟 (因為我們的discipline和wedding有dd關係, 所以有些同學仔的公司會join expo), 次次打攪人都覺得有點不好意思, 所以今次用入場券排隊換飛 ~~~

至於今次expo...
target booths: DYOS, 奇華餅家
tasks: 換禮物 and/or 買coupon (DYOS), 買唐餅卡 (奇華)
(原來很多BLOG友今次都有 exactly the same target !)
DYOS - Design Your Own Shoes
留意DYOS很久了, 跟跑馬地JJ一樣是訂造新娘鞋的地方
今次終於肯擺booth做優惠, 幸好之前未有衝動去造鞋!

早前登記了DYOS facebook page, expo期間可換領囍字拖鞋一對 (不過好大對 ><)
另外用$200買coupon package, 包括︰

$300 coupon + $100 coupon x 3 + 絨面囍字貼一對 + 囍字拖鞋兩對
因為已換領一對拖鞋, 所以換了要多一張$100 Coupon

不過優惠又不算非常實惠, 要用$200買張$300 coupon, 到頭來只省了$100, 要訂造多過一對, 用$100 coupon才可省更多, 不過反正決定造鞋, 平得幾多得幾多...
出BLOG之日, 已見很多BLOG友有買Coupon, 可以一齊去睇鞋喔~
奇華餅家我本來一張也不打算買, 因為媽媽說用西餅卡換美心唐餅就算
可是朋友報料, 說奇華在六月expo後會加價, 如果之後才又決定買就笨豬!
明知女人善變, 所以再問多一次要不要買...
最後媽媽好像被逼的說要幾張, 為保安全, 我會on top 買多幾張...

排隊都OK, 大約十五分鐘就排到
最後問多一次counter姨姨 (所有賣餅卡的原來都是分店經理!), 發覺過大禮連上頭需要一對龍鳳對餅, 所以我們要買兩張金雅喜換龍鳳對餅, 另加金盈喜給女家長輩及換餅過大禮用︰
金雅喜 (銀色) 原價$62, 八折$49.6, 之後原價加價至$65
金盈喜 (紅色) 原價$48, 八折$38.4, 之後原價加價至$50

趁有機會, 請教賣餅卡姨姨 (分店經理喎~)
1. 龍鳳對餅要七日前預約取貨, 過大禮用完後放入雪櫃, 上頭再拿出來用, 擺一個月都無問題 (過大禮通常在婚前一個月左右)
2. 禮盒內的蛋糕保存期約一星期, 乜酥乜酥兩星期, 合桃酥可放三星期
3. 憑買餅卡收據可去門市領取禮金盒一個, 是送不是借, 姨姨說的。

task completed, 過去探望一下企到腳仔軟的姊妹C&姊妹A (姊妹A最近調職要做expo, 以後又多個人可以帶我進場, 野~), 之後就極速離開會展落CWB。

 (巨型 rose stand, 超靚!)

上星期崇光一田大出血, 剛剛又在expo敗家買鞋, 所以身處CWB依然可以空手而回 =]
晚餐 - 銅鑼灣何洪記

甜品 - Haagen Dazs Royal Dessert Millefeuille aux Frambioses, 面層有酥皮碎碎, 下面有raspberry custard, 好好味 =] 

熱烈追捧日本版哈根大C Royal Dessert, 每一款都好有驚喜! 而且不知用什麼技術令非雪糕的如酥皮, 餅底在開封時依然新鮮~
推介 blueberry cheesecake/ tiramisu/ millefeuille!
cream brulee/ sweet potatoe則麻麻地...


太多錢要花, 錢還是省著點用好。