田園傢俬參考圖

平時逛開淘寶, 看到靚款的田園傢俬都會cap低, 原來不知不覺已經儲了很多呢...

公主床夢寐以求的公主床! 見到這個床的時候禁不住「嘩~」好靚超級靚勁靚!!! 訓一訓會變公主~ (公主病發作...)可惜我家打算放床的位置算到剛剛好, 多一吋都無, 無位做床頭cushion, 床尾更甭說, 床尾板貼牆...

較為feasible的公主床, 沒有床頭尾cushion的。床頭板高, 雕花很複雜, 睡房樓底矮空間少的話不宜做太grand or 望落太大件的款式, 否則容易會有壓迫感。

梳妝台其實最初是因為看到同樣是好靚超級靚勁靚的梳妝台, 才令我對田園傢俬一見鍾情的...以前房間最重要有一張書檯做功課溫書, 現在幾個月才看完一本書的我, 最重要有一張梳妝台給我扮靚做靚太 =]

慳位款, 鏡子不用時可放下變做書桌

多抽屜款, 比較實用, 不過就要放棄用公主腳啦~

鏡子上左右的雕線好美...

super多鏡子!

圖中的田園檯燈也是不可或缺的...遲陣子我也要淘一個回來~

心型化妝鏡+田園手繪!

衣櫃
這種多雕線多雕花的當然靚, 不過也很會積塵埃...

好田園的設計, 中間用上玻璃窗+窗紗。就這樣看可能不錯, 但掛滿了衣服後...
另外趟門是這個櫃的最大優點, 一般田園衣櫃都很少會做趟門的

書櫃/ 飾櫃/ 廳櫃/ 組合櫃周不時會見到一組組「矮得得」的客廳組合, 原本很適合small flats的上車族, 不過...不向高發展又真的太不實用...

好 elegant 的飾櫃~ 不知為什麼要用 "elegant" 形容, 我只是覺得它四條腿好修長, 線條好靚 (唏你扯到哪兒去...)

你有留意到我一邊讚靚, 一邊又不停數缺點嗎?

...其實以上的只是因為喜歡, 想放上來跟大家分享。它們都不會是我訂造傢俬的參考圖, 因為靚設計大多會為美觀而令實用度減低, 或者令我們忙於打掃清潔, 除非有天我們發大達住大屋請工人...那就另說吧 =]

我找的那些會比較簡單平實, 祗在有田園感覺~下篇再分享 ._.