[三十八週零天] 產前檢查• 政府 • 17

3 JAN 2014 • WEEK38 DAY0 • 廣華醫院 

之前的政府產檢都係自己去，但由於已經[三十八週]
bubu擔心我隨時作動，搵左媽媽陪我去

今次終於唔係八號房見醫生，而係四號房
應該係一位女senior，仲有houseman跟住
唔知同我就生得關唔關事呢?

不過檢查都係無分別，聽心跳，度宮頸，問木木有無郁
只係remind我一有作動跡象就要入院
寧願false alarm都好過有咩事
我之前幾日有流少少啡，醫生話唔算
要真係見「紅」先算係，胎動少左
或者一個鐘內痛三至四次，每次有一分鐘都要入院

聽好多人講，生仔好似急POO POO咁
咁岩我呢幾日，每日都絞肚痛幾次，痛住poo poo
搞到我每次都好驚痾埋木木出黎 =P
同媽媽講，媽媽笑我︰「邊有咁易丫!」
但新聞真係成日有講「少女如廁時生仔」丫嘛～
(係，但句子重點係…「少女」)

一星期後再覆診，by then已經係[三十九週]
唔知生左木木未呢？