孕照 • soloist photography

大肚照唔同婚紗照，我本來諗住影一輯留念就算

寧願留返木木出世再一齊影

點知木木爸肯同我去母校影，哥哥又發起影家庭照

連幾個2014年1月準媽媽都話要一齊影 =]

平平地參加左個團購，$298@/一小時，星期一至五

包全部softcopy唔包執相無相簿相架

我地四個人，每人一個鐘，即係總共可以影四個鐘!

價錢黎講ok的，因為唔駛煩俾被屈錢加相仲有晒softcopy

有部分攝影公司搞團購好衰，影大肚要加錢，多過兩個人又加錢

四個人四個鐘影左～230張相，第二日via dropbox俾返晒我地

背景係白布一幅

我地夾左三套衫，每套衫都有個人照，二人照，大合照 etc

其實四個人的大合照先係最想分享

不過其他準媽媽唔係BLOG友，唔方便呢～

唯有齋睇我的個人照，完全無執過

之前話我瘦的朋友可以收返句說話啦 =P

唔見樣，朋友們應該唔介意 =P
我成日覺得自己個肚好大架，不過一拍埋朋友度就唔駛旨意出聲
次次「格肚」我都輸幾吋架 XD

其中一位朋友好高大，我咁細粒，一高一矮相映成趣

最後大家換左套便服，肚肚即刻唔覺眼，而且亦已經影左三個幾鐘
大家都開始攰啦…

呢間攝影公司係one-man band，攝影師會指導一般姿勢動作
可能係喪做團購的關係，感覺佢係原本好有heart都變到無晒火果種
一路影一路講自己有幾咁辛苦，客係幾咁麻煩，團購又無錢賺 blah blah blah
仲好衰咁不停取笑我地其中一位突肚臍的準媽媽，搞到人地好尷尬
每次趁我地換衫都要出去「叉電」…

soloist photography
http://www.soloist.hk