京阪奈五天棉婚小旅行 • DAY1 • PEACH之初體驗

日元跌下跌跌，個心就赤住赤住

婚後兩次去日本都係十算，幾咁想即刻飛返轉溝貨!

當願望未能立即實現，唯有寫下BLOG當去左…

7 NOV 2012

日本關西未去過，想去好耐

2011年3月的福島核事故，一度令打算生育的我地打退堂鼓

所謂的「退」，就係2011年轉去左沖繩…咁大把啦 =P

之後2012年去歐洲不成，諗黎諗去，bubu最後好認真咁講左一句

「我真係好想走返轉日本…」

出到呢一招，我再拒絕的話我驚有人會休妻呀 XD

2012年peach啟航，日本LCC，梗係要試下!

反正CX一樣係凌晨機，上機都係訓架者…

peach訂機票好簡單，網站有中文繁體版，反而捕住低價先係重點!

我都叫做捕左好多日，捕到我覺得係時候買的時候…

臨尾load得唔係好順，覺得奇怪，買完返去再chk，佢竟然同我減價! XYZ#$%@^!&*

LCC (low cost carrier)通常唔包行李同餐飲
無餐飲唔係問題，去日本無行李好大問題! 哈哈

peach分兩種，happy peach / happy peach plus

分別在於plus包一件行李，改機票免手續費，可以指定位坐咁~

(岩岩再上peach官網睇，原來手續費同行李費5月加左價...)

無記錯的話咁大個女第一次搭凌晨機 =]

好彩大阪飛返黎果班機無delay，我地呢班先可以準時上機咋

如果唔係好似我地飛返黎咁，凌晨點幾兩點先返到，跟住飛大阪果班就慘啦...

之前聽朋友講peach機倉好焗，座位好窄

座位無乜野丫好闊落 (咁係因為我腳短...)，但機倉唔夠冷氣係真的

班機唔爆，我地同前面幾行個aisle seat都無人坐

變相我可以打橫訓 (醒訓bubu係點都訓得唔好架啦，不如讓俾我訓好d好過啦...)

機上有餐牌，一個杯麵350yen，一罐飲品250yen咁上下

但好似無人叫過黎食，況且我地係traveler's lounge已經食飽晒兼拎埋飲品上機...

到啦到啦! 停機坪落機果下凍到阿媽都唔認得!

T2係LCC專用 = peach 專用，好簡陋架咋
但身在日本，件事就會變成「簡潔」同「乾淨」 =p

出左閘之後有間便利店同有小餐廳 (有人已急不及待衝去sight shopping下先...)

盡頭行出去就係連接T1的免費接駁巴士

(你睇下，仲未天光...)

係T1 AEROPLAZA外落車，搭扶手電梯上返AEROPLAZA
有天橋連接JR & 南海電鐵 (NANKAI)

如果需要預早買定rail pass，電話卡，景點入場券，就再過多段天橋去T1的travel desk

但我地太早到，travel desk 仲未開 (0700-2200)...

唔緊要，梅田同難波都有tourist infomation center的

關西地區交通方便，鐵路網絡完善 (仲幾複雜)

除左有常見的JR之外，仲有各種公營/私營的火車/地下鐵，真係要做下功課，天才波打唔過

加上去得大阪通常都去埋周邊地區，好大機會用到rail pass慳錢

咁就更加要清楚了解rail pass覆蓋範圍，一個rail pass絕對唔能夠天下無敵暢通無阻...

我地落地第一樣買的就係「大阪周遊卡 - 南海擴大版」(¥2300)
可以係南海電鐵售票處買到 (售票處0500就營業，放心)

因為行程第一日主要係大阪市內觀光
呢張卡除左可以無限次乘搭全市地下鐵＋巴士＋部分私鐵

仲有28個景點可以免費入場，岩晒第一次去大阪點都要行下旅遊景點的我地～

本身大阪周遊卡分1日券 (¥2000) / 2日券(¥2700)，交通覆蓋同優惠都有少少唔同

http://www.osaka-info.jp/osp/cht/

而大阪周遊卡 - 南海擴大版就覆蓋埋南海電鐵的「關西空港 - 堺」段

呢段唔用pass的話要¥800，即係買pass就可以每人慳¥300，兼一程車到難波

仲未計景點入場費喎，所以係抵架~

大阪周遊卡仲有其他XX擴大版，不過要留意擴大版通常都係得1日券

下圖 (左) 簡介 (中) 車票 (右) 景點入場券換領券 / 優惠券

除左rail pass，鐵路班次都要做定功課

大阪周遊卡 - 南海擴大版唔適用於最快的特急α / 特急β，如果要搭就要加錢買特急券

ラピートα	なんば・新今宮・天下茶屋・泉佐野・りんくうタウン・関西空港
ラピートβ	なんば・新今宮・天下茶屋・堺・岸和田・泉佐野・りんくうタウン・関西空港
空港急行	なんば・新今宮・天下茶屋・堺・羽衣・泉大津・春木・岸和田・貝塚・泉佐野・りんくうタウン・関西空港

我地窮人就梗係搭「最快」的空港急行啦 =]

我自己習慣mark定大概前後幾班車的班次時間，早左遲左都可以知幾點有車搭嘛~

關西空港 > 難波 (なんば) 時刻表︰
http://www.nankai.co.jp/library/traffic/jikoku/pdf/kansaiairport/a_02.pdf

上車前仲拎左兩本雜誌睇下有咩好介紹...

本來諗住舒舒服服欣賞下風景，但原來撞正上班時間

車廂又無行李架，我地有得坐都要夾實兩個大篋...

車程45分鐘，終點站難波落車

清晨的大阪戎橋...

呢個時候，我已經盤算緊，一陣趁晨早流流無咩人影左固力果人先!

難波係一個大站，地下街有n咁多個出口通去唔同地方

通去我地下塌酒店的exit 14路上...已經見到搶眼廣告牌!

是次旅行的酒店 - CROSS HOTEL

講交通一定唔及swissotel / nikko方便，但佢勝在地點方便，就係固力果人附近，無敵!

而且新淨有型，價錢同nikko差唔多

不過由難波站都行左一大段地底＋一小段地面先到

好在個篋係吉架者 =P

事不宜遲，帶大家睇下房先～

另一個揀cross的原因，佢比一般日本豆腐潤 semi-double 房型大

(定係所有大阪酒店都係咁架呢?)

平時semi-double邊有咁大個梳洗位？



個人衛生用品齊備（仲有支shiseido洗面泡泡）



再推玻璃門先係沖涼的地方，好似個小澡堂咁，可以沖完身先浸浴呢。

本來我覺得大支裝沐浴用品唔夠衛生，但返黎睇人地遊記先知
（唔好問點解返左黎先睇）

原來POLA係日本出名好用的牌子，即刻gur晒…
（一見係名牌就咩都唔記得…）

see？床係三邊落床 （sorry其實乜都睇唔到…）

擺左兩個篋仲有路行，酒店係應該咁架!
（by 極不滿呢個世上竟然有semi-double的人）

床另一邊竟然仲有梳化，搞到一向不過問的bubu都要指定下次住返呢間

每一日的戰利品可以扔晒係梳化，最後先執，好爽!

(well，呢張相唔係check-in時影，所以已經有個好刺眼的橙色紙袋…)

仲有仲有，仲有空氣清新機! 仲係我考慮買的SHARP牌，so good

that's why間房無味又好舒服?



呢個時候你應該問︰咁早有得check-ink架啦？
雖然日本人服務頂呱呱，都未至於好成咁的…七點幾邊個會俾房你…
所以我地擺低d行李就出去啦～



臨開展大阪一日遊之前，有件好緊要的事要做
就係問front desk拎返我之前寄定去酒店的上網卡!

睇遊記去日本的人多數會租pocket wifi，貪佢可以幾部電話一齊用
但我同bubu去旅行一定糖黐豆唔會分開行
玩電話通常都係我，我又嫌部pocket wifi重

所以我預早上網買定遊客用的B-MOBILE VISITOR SIM
好處係即插即用，唔需要activation（即係唔駛求人仲要雞同鴨講）
仲可以不時keep track住用剩幾多睇住黎用
分1GB同14-day版本，1GB用晒就無，14-day限期內任用

我揀左1GB版本，因為1GB行最佳速度14-day行300kbps
我只係去五日，1GB我一定用唔晒，就算用personal hotspot分埋俾bubu都有剩
之前問定酒店可唔可以幫手收件，預早買預留運送時間就OK
不過我都同front desk講左一大輪佢先搵得返俾我…

酒店唔肯收的話可以係機場郵局領取，但我記得有surcharge
同埋凌晨機到的話，郵局係未開門的!
http://www.bmobile.ne.jp/english/