八月中收到DYOSsms後上去取鞋, 剛巧適逢sample sale, 人多到呢...
取過鞋子一看...鞋頭的扭結, 左邊很完美, 右邊「一pat野」,無法理解造鞋師傅為何可以接受兩邊這麼不對稱, 太求其了吧?
要求DYOS執執, 下次再來取鞋...
29 aug
八月尾再上去, 其實都早有心理準備, 並不會有什麼驚喜...
取過鞋子一看, 果然, 執左等如無執過, 右邊依然「一pat野」
我知道要求再執都無意思, DYOS亦只會重覆那句話「師傅人手扭個個唔同」
只覺得, 師傅扭過這麼多對, 理應工多藝熟, 而DYOS亦應該對其出品有要求
失望, 付尾數把鞋子取走。
其實鞋子藏在婚紗下, 別說要細看, 可能連露出機會都無, 人家肯定察覺不到
不過鞋子賣這樣的價錢, 應該要有像樣的quality...
...我都忘了說, 鞋身也有幾處細微花痕...
但平心而論, 鞋子穿上去確實舒適, 鞋形都ok, 四吋半的鞋跟並未有造成步行困難, 希望當日可以一樣健步如飛 =]
就這麼一對, 以後不會再光顧了。
咁樣望上去, 右邊無咁立體
ReplyDelete[版主回覆09/14/2010 11:15:00]係呀, 扁撻撻咁! 造鞋果個好求其, 俾我見到自己整到對鞋咁唔對稱都唔滿意啦 ><
算啦, 你唔講, 都唔係好覺啫! 最緊要舒服嘛. 到時件wedding gown都蓋住對腳, 應該唔會留意到.
ReplyDelete[版主回覆09/14/2010 11:17:00]其他人唔好話留意, 連對鞋都未必見到, 所以我先算唔再嘈...無錯, 舒服最緊要, 4.5"真係唔少野...
真係有d一pat野既感覺...不過佢個鞋跟真係好靚..........
ReplyDelete[版主回覆09/14/2010 11:17:00]唔明點解個鞋跟咁幼身都唔會覺得行得辛苦, 神奇神奇...
其實你唔講我唔覺, 係右邊冇左個立體感
ReplyDelete不過都係個句啦..冇人會留意既
[版主回覆09/14/2010 11:19:00]係呀, 所以我就算數無堅持lu~ 不過就忍唔住要開post講下提下其他jm =]
我見都有幾多jm話佢地訂造既鞋都唔係心目中咁完美,不過最緊要舒服,因為個日要著全日咁耐!
ReplyDelete[版主回覆09/14/2010 11:21:00]嗯, 其實我覺得係俾咁多錢訂造對鞋, quality應該唔止咁樣... 我最高都係著過4吋, 估唔到呢對4.5吋都幾舒服, 呢點真係好緊要~
好高呀!!!
ReplyDelete[版主回覆09/14/2010 11:21:00]係呀, 我超級細粒, d姊妹本身個個都高過我又要著高跟鞋, 我著少d就會被埋沒啦...
係喎... 真係"bin"啲喎~~~ 不過唔怕, 舒服咪得囉, WG咁長,睇唔到嘅, 同埋當日全人類嘅目光應該focus喺你嘅sweet sweet smile, 所以... no worries la ^^
ReplyDelete加油呀~!
[版主回覆09/14/2010 11:25:00]係呀, 一係我揼bin埋另外果個knot =]
除左我自己應該無人會見到我對鞋, 所以都接受到有defect, 不過都係果句, 都要人地俾錢俾得值先得嘛~~~
咁又係... 如果我係你我條氣都無必順嘅.....
ReplyDelete[版主回覆09/14/2010 12:14:00]可能人地覺得成千蚊對鞋係咁上下質素掛
哇，妳好勁呀，可以著到咁高嘅鞋！
ReplyDelete３吋係我嘅極限，仲要鞋身舒服嘅鞋先得，事關我平時只會著平底鞋或只有１吋左右嘅鞋～
[版主回覆09/14/2010 12:56:00]因為我真係好好好細粒架~ 我唔勁架, 我都好少著到咁高, 平時返工日日著平底鞋架, 所以先捨得買對貴d既, 等果日著得舒服d =]
舒服嗎？
ReplyDelete[版主回覆09/14/2010 12:57:00]又真係幾舒服既, 起碼著上去唔會腳面唔舒服~
唔，又真係差少少！用咁的價錢又真係肉痛左啲！
ReplyDelete不過C服最重要! 我都在那裏做了EG鞋，希望ok 啦
[版主回覆09/14/2010 13:40:00]係啦, 唯有欣賞佢舒服果一點... 希望你對鞋靚靚! 唔係人手整既野應該ok既~
4吋半高竟然會舒服????
ReplyDelete我唔信!!!!!!!!!!!!!!!
btw, 個結真係唔balance得好嚴重.... 不過算啦, 邊個會留意你對鞋?!
bbtw, 我好鍾意個鞋爭呀!!!
[版主回覆09/14/2010 17:38:00]我意思係話...4吋半高黎講, 算係著得舒服...有d我買過既真係著扔左對鞋赤腳行呀!
係囉, 無人會留意, 我唔post既話全世界應該只會得我留意到 XD
我都未去整TIM~聽你講完有點擔心~ 不過既然話舒服就算啦~因為我對死人腳好煩~ 著親幾靚既高爭鞋都損又痛~
ReplyDelete[版主回覆09/14/2010 17:41:00]我之前又係見有人話佢造得差, 都係有D擔心, 但係我又買左COUPON, 唔想浪費, 所以先照造咋~
咁你記得買定膠布 =]
好多BLOGGER都話佢地服務一般，不過只此一次，你不講不覺呀!!
ReplyDelete[版主回覆09/15/2010 11:57:00]服務真係麻麻! 可能佢真係太多生意...
到時會唔會帶多對矮啲o既鞋? 到時你行行企企足成日, 我着平底鞋都覺得攰。
ReplyDelete[版主回覆09/15/2010 11:58:00]一定會呀! 我自己有時出街都會帶定對平底鞋架, 何況結婚果日...我會帶對bir仔去~~~哈哈!
唔緊要la, 呢對鞋夠簡潔, 第時都可以著得番, btw, 你可以著咁高既鞋真係好呀!
ReplyDelete[版主回覆09/18/2010 12:09:00]我都係頂硬上架咋~! 因為如果我著矮D會驚人地見我唔到 =]
係我等待呢個 SALES 打電話既時候，我就同時目擊到下面另外 2 位客人不幸既遭遇。
ReplyDelete今日 ( 9 月 17 日 ) 係星期五，我下午四點去到佢地店鋪，原來不幸既唔止我一個，同一時間，另外有 2 位客人。 1 位係係澳門來香港，一早訂造左，人地係 2 日後阿女結婚客人做新任外母，人地訂造一對鮮桃紅色既鞋，係特登襯番件外母衫既色，人地仲特登拿件衫既色版黎香港呢間 DYOS 到對住造，結果人地今日黎到拿鞋，呢間 DYOS 做左對暗紅色既鞋，叫人地點襯？ DYOS 既 SALES 仲同那位準外母講，話係因為廠問題所以出錯。我心諗，無野下嘛 ~~~ 你收得客人錢，就係要貨對版啦 ~ 家下貨不對版係你地既問題，唔關個客事架喎 ~ 再講，你地接得單既，係咪應該要訂貨時跟足 D ，收貨後 DOUBLE
CHECK 呢 ??? 我之後因為趕住要去 FITTING 試晚裝，唔知呢位準外母點收科啦 ~
另一個都好經典，佢原來已經係第二次黎拿鞋。第一次黎，佢訂造左一對個鞋跟係黑色反光面，去到發現個鞋跟係爆左個面；咁今日佢係第二次黎，結果個鞋跟都係一樣咁爆左面咯 !! 最 後呢位 小姐就 FULL REFUND 走左。
對唔住，因為真係認唔住借你地方講下
ReplyDelete我係下星期三（９月２２日）要飛日本行婚禮（一行親友共十多人去）然後返黎之後係香港有ｗｅｄｄｉｎｇ ｐａｒｔｙ
之前諗住呢間ＤＹＯＳ好似ＯＫ咁，原來係勁差，差到無譜！！ 嬲得我勁緊要。
我早成一個月前上去，訂造婚鞋，佢地話９月１３日有架～ 結果我等到９月１６日先收到佢地ＭＥＳＳＡＧＥ話對鞋ＯＫ，咁我諗都唔緊要，因為我話只要佢係我出發前比到我就ＯＫ，點知今日上到去，拿對鞋出黎，係大左１個半碼！！！ 我訂左係３８，我真係唔知佢地係點做鞋，佢拿左我原先係鋪頭試個對３８係ＧＯＯＤ ＦＩＴ，但呢對訂造既係大左咯！我得番 4 日，你叫我點算好？
你估佢地點做？佢竟然拿對 PAD 比我，話加左睇下會唔會好 D 。真係想講粗口，如果我係預左要加 PAD 既，我使乜黎做訂造下？無野下嘛 … 跟住個 SALES 就唔知做乜又話去左打電話啦 ~
多謝晒喎 !! 呢個係你地既錯，你地無歉意不特止，仲講到好似好優待我咁 !!
ReplyDelete跟住佢地話，佢地係另一個倉到仲有一對同款同 SIZE ，同埋仲有一對同款但 SIZE 係 37 ；但呢 2 對個鞋跟得三吋 ( 我訂造既係三吋半 ) ，可以拿比我試，但要等半個鐘 ( 當時我已經留左係佢地店鋪一個鐘啦 ) ，我話我趕住去 FITTING ，完左再返黎試。
結果，我 FITTING 完番黎，再試，拿返黎個 2 對鞋都係大。我真係唔知佢地點樣造鞋，點解可以拿出黎比我試那個 SIZE 係 GOOD FIT 但訂造既先唔 O 岩咯 ~ 真係諷刺到爆。最後我發晒脾氣先拿得番個 FULL
REFUND 。
我寫出我既經歷同埋所見所聞，只係希望大家想係呢到造鞋前要三思，人生大事，呢間鞋店不負責任，搵著佢地造鞋真係大吉利是 !!!
[版主回覆09/18/2010 12:13:00]你呢個CASE又真係幾離譜喎, 我自己覺得佢依家JOIN左EXPO, 多左單, 跟本做唔黎咁多, 就變左質素下降... BTW, 其實你可以同我講聲先留呢四個MSG =]
搞完一輪，個 SALES 又番黎，你估佢同我講乜野？
ReplyDelete佢話，可以幫我改對鞋，係裡面加番個 PAD 。呢個時候，我真係火起啦 ~ 我話，下，咁我使乜要訂造鞋呀？我就係知我要去日本行幾日，我結婚個日，仲會去影埋 WEDDING
PHOTO ，我預左要行我先要訂造姐，如果我可以接受到加 PAD 我使乜要搵你地公司訂造呢？而且，我短短一個鐘唔夠就發現你地有三單訂造鞋貨不對版事件，我已經對你地無晒信心。我問佢，如果我要改，你幾時比到我？個 SALES 竟然答我要星期二晚先比到我。我呢個時候真係慶到句粗口係喉嚨丁，差 D 講出口咁滯。無野下嘛 ~ 如果你星期二比我既時候都仲係唔 OK ，我星期三一早飛機，你叫我著乜野鞋去行禮呀 ????
再令我更慶既係，我問佢地，我依家得番幾日，你又比唔到對鞋我，你地 DYOS 公司係咪應該要賠償我呢？你估佢地點答 ? 佢話， UM~ 我地個番個八折你啦 ~ 仲話，我地公司平時係無折扣架 ~
對鞋睇相都OK AR~!! 唔錯WOR!!大家都係4.5 之友!!!! 我地要小心小心
ReplyDelete[版主回覆09/21/2010 09:10:00]哈哈, 除左係4.5之友, 仲有masa之友, tiffany之友... 你對鞋超級fashionable啊~~~~~~~
我上星期去左DYOS訂鞋, 就係Exactly你呢個款, 唔同色...希望無問題LA.
ReplyDelete[版主回覆09/22/2010 10:22:00]如果再有jm去我會叫佢地唔好整呢個款, 因為我試果時果對都唔係好balanced, 估唔到連造對新既出黎都係咁...
會無問題既! 個別例子者, 唔好擔心 ~~~
我之前都本來揀左呢對架...呢對都靚架...
ReplyDelete[版主回覆09/27/2010 13:13:00]咁你最後揀左邊對呀 =]
我揀呢個款佢個結都係唔同架..左邊很完美, 右邊「一pat野]...
ReplyDelete[版主回覆09/27/2010 13:14:00]即係你揀左另一款但係都係左右唔平衡? 佢地個cfu有咪有問題啊...
我宜家買左另外一個款..之前我keep係呢個款但都係左右唔平衡
ReplyDelete[版主回覆09/28/2010 21:23:00]如果佢呢個款咁熱賣, 成日整都可以整到咁... 好彩你依家唔係呢對JE =]
我雖然無買coupon,但心思思想去dyos訂造呢對呢！
ReplyDelete[版主回覆10/03/2010 12:37:00]我有COUPON呀! 你要唔要呀?
佢地的鞋都舒服，但服務態度又真係好一般~
ReplyDelete[版主回覆10/18/2010 09:34:00]唔止一般, 我直情覺得麻麻甚至係差...
唉, 如果我早D睇到呢個BLOG, 一定唔會去造鞋!! 同一個問題, FITTING 對鞋係GOOD FIT, 但造左出來, 大左 1 號, 行唔 "及下及下" - 甩鞋呀! 佢地都係同一個回應, 加 PAD!! 究竟係咪佢地 DISPLAY 的鞋同廠嘅SIZE 唔MATCH???如果有咁多貨不對辦，佢地係咪要好好檢討呀？
ReplyDelete[版主回覆10/30/2010 09:40:00]你已經唔係第一個同我一樣遭遇既既人, 下面有d jm都係咁呢, 其實佢出名之前都有blogger話過佢差, 我諗住係零星case就照去, 點知...
呀..我仲諗住去果度買鞋TIM....
ReplyDelete[版主回覆03/21/2011 11:06:00]不過可能唔同鞋款唔同講法的，但係服務差就一定的～
i actually think the service is quite good wor! maybe particular staff bad d... ~_~ btw i made spain too but in silver :) yours is really pretty cos the heel is SO high
ReplyDelete[版主回覆06/19/2011 01:06:00]又可能係俾人寫得差，驚無生意？咁你果對整左幾多寸呀？