筍崗...小出血大滿足! (上)

(筍崗 / 笋崗? 其實應該是「笋崗」啊~)

踏入倒數四個月, 差不多是時候要上去筍崗一轉啦!
有啥買錯了買不夠都有時間再補貨嘛 =]

最近日日酷熱天氣警告, 出街幾秒已經流汗!
但我上星期日竟然走去北上, 去更加熱的深圳筍崗, crazily hottie~~~

今次只有爸爸媽媽陪我去, 因為bubu有「內地厭惡症」
一聽到返大陸就耍手擰頭, 莫講話去筍崗入貨, 連去梳乎梳乎都 no way!
我又不會肯妥協在香港貴買, 所以呢, 為免於大庭廣眾下開片 (99.999%會)
我還是找我的best shopping partner - 媽媽 (之後發覺這決定非常明智)

爸爸媽媽經常上去梳乎, 所以之前已經幫我探好路啦!
一大清早搭火車去羅湖口岸, 火車站西廣場左那邊的出口, 左手面上電梯, 過天橋, 天橋上會看到巴士站的, 巴士搭18號或者61號都可以。

今次我們搭18號, RMB2, 第八個站「笋崗倉庫」下車, 上一個站是「西湖賓館」, 車上有國語廣播車站名, 加上站站停, 只要聽住數住就不會錯。車程大概20分鐘。

下車的巴士站正正對面就是目的地, 行前少少有斑馬線過馬路, 過馬路後右邊就是帝豪酒店, 旁邊有三座正正方方黃色框的建築物, 全部在視線範圍內, 好容易認的。

由帝豪酒店那邊開始數起, 第一幢是百合隆批發市場

百合隆門口 (怎樣看都找不到「百合隆」三個字...)

百合隆地下有幾條巷子, 賣結婚用品的就只有近入口處的幾家, 再入全都是文具, 紙業, 二樓立立雜雜玩具精品文具都有, 電梯上到二樓望左邊就有兩家絲花, 三樓大部分是玩具, 沒時間可以不逛。

入口左面巷子 (上圖紫衫女人那邊) 第二個攤檔就是為hk wedding blogger所熟識的「立興商行」啦~! 攤檔旁有個膠燈箱店牌 (下圖示), 而且乘電梯由二樓落地下就看到, 很容易認得出。

第二幢 (圖中左邊那幢) 是笋崗文具玩具批發市場, 右邊第三幢不關事的

笋崗文具玩具批發市場門口

店舖分佈沒有太留意 (因為只一心記住要找鵬鵬...), 地下門口有幾家賣遮的, 二三十元一把遮, 抵買!二樓有鵬鵬有兩三家絲花, 也有些茶具碗筷, 田園布品的店, 電梯上到三樓望左邊也有兩家絲花和一家婚慶用品店 (翻查其他blogger sharing, 應該叫明發)。

其中較近電梯口的絲花店應該就是BLOG友Tuxedosam買到RMB35一個candy jar那家, 因為明顯它跟其他家不同, 比較多賣花瓶, 我當然立即有入去問啦, 結果失望而回, 它看來是有一個賣一個, 不是長期進貨那種...

二樓左邊巷子, 行到最盡頭就是已差不多變成指定入貨點的「鵬鵬精品」啦~
鵬鵬隔壁就有一家絲花店。

其實除了立興&鵬鵬, 其他賣婚慶用品的店普遍都看不出店名是什麼, 大多是被掛起的貨品遮住店名的! 有店名才方便向人推介啊, 所以可能這就是令立興&鵬鵬聞名的原因喔...

雖然大多會去眾blogger力推的鵬鵬or立興買結婚用品
不過我們還是決定先在百合隆和筍崗快速逛一個圈
然後到附近酒樓飲茶, 下午才折返出手~

過了筍崗文具玩具批發市場, 再向前行少少有一兩家餐廳, 看上去ok的
不過我跟著爸爸媽媽, 當然去飲茶啦, 向帝豪酒店方向行前一個街口就有一家酒樓, 嘆一盅兩件, 三個人都不用RMB50!

趁飲茶和媽媽研究入手策略, 最後決定在百合隆的「立興商行」一站式地買所需的結婚用品, 不合心意or沒有的才在其他店舖買。

單單是在立興, 已經玩了兩個小時! 身心俱疲, 其他未買的item已經無心機再走來走去格價, 把在立興買來的兩大袋交給呆坐一角的爸爸, 然後草草地在百合隆地下買簽名筆, 車頭拉紗, 上二樓買絲花, 連早上快逛時看中的都沒折返再買了。

爸爸媽媽之前未入夏時來過一次, 相比之下他們說今次算是人流少, 可能是天氣太炎熱吧? 所以就算冷氣不夠涼都算shop得舒服...不過到我們買完離開的時候, 立興已經被重重包圍, 好好生意啊~

最後差不多6pm才走人...又拉篋, 又一袋二袋的搭18號返火車站, 巴士站正正在百合隆/筍崗門前, 一樣是RMB2, 車程比去程長一點, 約30分鐘。

爸爸媽媽陪我行足一整天, 辛苦完最好去按摩梳乎一下, 車費也覺得比較划得來嘛, 按足3個鐘, 呵呵呵~

對住開揚的「森林景」(對我來說已經算是森林...) 梳乎梳乎, 正!

雖然今天已買了很多, 但還是未買齊 (e.g. 睡衣, 紅傘), 可能要再上來多一次, 順便去東門造窗簾啊, 到時又要再麻煩爸爸媽媽啦, 幸好媽媽也喜歡捐窿捐罅格價比較, 爸爸又願意毫無怨言的乾等, 多謝爸爸媽媽~

希望交通&地理資訊能幫助到大家啦, 購買清單&價格會在下篇分享 =]