田園傢俬考察日

28 march

決定了要訂造田園傢俬, 這天去深水埗考察︰

裕興發
裕興發很易找, 由深水埗MTR出桂林街出口, 直行到尾, 到青山道轉左, 附近 landmark有寶血醫院, 嘉頓。

舖內有幾件田園傢俬, 一張床, 兩個三門衣櫃, 一個兩門衣櫃, 看上去都OK硬淨, 基本款不太花巧, 店內也有一兩個客, 起碼不是拍烏繩啊....傳聞中的KK Lee好像也在, 不過招呼我們的是另一位 - 許生。

大頭蝦的我忘了帶 floor plan, 又忘了把參考圖灌入iPhone...幸好他們有些reference圖 (都是淘寶的-.-) 又有現成的作比對, 許生看著我指手畫腳也大致明白, 很快就畫了幾件傢俬的draft, 又會提供意見, 不錯不錯!

價錢跟我在網上看到的差不多, 裝修期內度尺兩次, 已裝修好度尺一次, 度尺先付訂$1000, 出圖再付總額一半, 送貨安裝時付尾數, 出圖後約三星期造起。

價錢大約如下︰

4呎 x 6呎3 油壓床 $30004呎半 x 6呎3 油壓床 $3300衣櫃, 書櫃 $850/呎電視地櫃 $500/呎, 組合櫃 $850/呎梳妝台連凳 $600-700/呎

Taste Living [ www.tasteliving.net ]
行完裕興發, 也順道逛逛附近的傢俬店, 有幾家都有田園傢俬賣, 一件起兩件止, 所以都沒入內細看啦。

之後bubu問我有無其他目標, 我說荔枝角青山道有一間樓上舖, 於悶熱天氣之下, 平時懶行又怕熱的bubu竟然話行過去... (unbelivable!)

我們沿青山道一直行行行, 幸好沿路左右都是大廈, 未算十分辛苦, 我和bubu也當拍拖散步 (雖然同時有少少後悔...), 最後用了差不多半小時行去, 卻只逗留了十五分鐘左右! what's the matter? 

其實 Taste Living 應該說是網上店, 只是租用了工業大廈一個單位做display room, 我們上到去的時候, 已然有五、六對年輕couple在參觀 (宣傳做得不錯丫) ...

現場所見, 全都是田園傢俬, 一張床, 一個大衣櫃, 一組已售的梳妝台, 一組廳櫃梳化, 幾個櫃, 比起ssp的傢俬街舖, 的確比較多現成reference。不過那裡樓底矮, 燈光暗暗地, 又侷促 (無窗, 一關門就完全密封)...

我們想問多少少, 女仔staff 叫我們問男人staff...
男人staff ︰有無上過我地網頁睇過?
bubibu & bubu︰睇過下啦, 諗住上黎睇實物同問下嘛...
男人staff︰其實我地全部資料都寫晒係網頁上面 (咁依家係唔係唔問得你丫?)
bubibu & bubu︰咁可唔可以大概介紹下?
男人staff︰呢個由我另一位同事負責既, 不過佢依家係果邊同另一個客傾緊, 電腦又得一部, 可能你地要等陣...

你話佢地個display room拎黎做乜丫! 不如on-line chat!

最後總算問到少少資料, 傢俬主要分幾個styles, 佛羅倫斯, 英式, 韓式, 大部分呎吋已定不能更改, 只有一種style (忘記了) 可以自訂呎吋, 不包安裝, 可另外介紹師傅安裝, 費用另計。

一聽到以上的, 我們就立即決定離開。 無度尺, 不能自訂呎吋, 送貨不包安裝...明顯不過啦...
那跟我自己上淘寶買有啥分別?

而且價錢也不見得比其他平, 反而更貴 (e.g. 床$4500+) ...

達毅
(其實第一次去沒留意, 後來見到有bloggers提過, 第二次再去才到訪)
達毅有兩間舖, 一間大舖在元州街, 另一間細舖在青山道, 裕興發斜對面

因為達毅在門口當眼位設置了一個田園睡房做display, 有齊衣櫃/地台床/床頭櫃, 都幾eye-catching, 所以才會被人留意吧。

不過就只有這組display, 舖內其他的都不是田園傢俬...

有blogger寫過, 話舖內傢俬都有一陣強勁甲醛味, 我自己就不太覺得有, 不過我站在那邊良久都沒人過來招呼, 算~

 其實逛完以上幾間, 都大致決定到要找哪間訂造...就是裕興發啦。始終有人用過話好, 而且他們(似乎)有很多田園經驗, 價錢尚算公道, 所以就這樣決定好了, 之後會再約許生上門度尺~