[DAY162] 宮崎駿手稿展

通常一件事過晒氣的時候，先至係我blogging之時 (唉，你估我想架咩...)

宮崎駿的手繪風動畫陪住我地呢一代長大，
一知道有手稿展，我地已計劃請假去，係咪好誇張?
因為展覽正值暑假，weekend去實人頭湧湧，帶住木木真係唔多work
反正今年都無得去旅行，拎大假帶木木周圍去都好丫～

吉卜力工作室場面設計手稿展 - 高畑勲與宮崎駿動畫的秘密



手稿展內當然唔可以影相，但場外都有唔少影相位:

係場館地下有個房間展出動畫電影海報，但相信無乜人會細心欣賞
因為個個都掛住同訓著左的大龍貓影相!



隔離仲有波兒，不過俾木木媽遮住左
木木︰你睇我幾大力，擔起兩桶水無難度!



進入展覽館前，巧遇煤炭屎鬼! 木木都研究埋一份～



睇黎木木無咩美術細胞，雖然佢係裡面都好安靜好乖
但行行下就訓著左...



展覽外有得自己畫煤炭屎鬼，我地又去畫～
木木︰媽媽你畫得好核突呀 |||



唔準話媽媽畫得核突! 再嘈貼住你個嘴!



黎幫媽媽手貼煤炭屎鬼上牆啦 =]



木木你話媽媽畫得核突，你都未見識過咩叫真正核突 XD
(左︰木木爸 / 右︰木木媽)



之後我地又去返影大龍貓果度，挑戰一家三口齊齊訓上大卜卜!
多謝排後面的兩個女仔幫忙影相不特止仲要手舞足蹈要引到木木望過黎
(所以點解叫挑戰，搞得耐都怕阻到排緊隊的人)



木木自己一個，顯得佢好細粒呢 =]