木木，今天你兩歲啦，不再是baby，是個toddler了。
相比一年前，你沒那麼胖，卻長高了，肥脾脾仍健在，頭髪也算是有點。
那時你才剛剛學會走路，仍是跌跌撞撞的；現在你已經會跑，爸爸媽媽跟著你在後面追。
一歲時，當時你只會說生命中最重要的三 - 媽媽 / dada (爸爸) / 奶奶；兩歲時，你會問媽媽：「心悠唔明白，點解xxxx嘅？」
同一本繪本，365天前你會主動坐在媽媽膝上聽故事；365天後的你依然，不同的是，故事你早已背得滾瓜爛熟，媽媽還未揭頁，你已經興奮的預告了。
從出生到現在，你還是那麼愛媽媽奶，感謝你一直與媽媽堅持。
兩歲嘛...大家都說會有trouble 2，放心啊! 媽媽永遠不會覺得你麻煩的。反之，爸爸媽媽會陪伴你渡過這個自我意識萌芽的階段。若為未能好好的表達自己而苦惱，請不要灰心，媽媽會守在你身邊，一起慢慢來。
希望你有個快樂無憂的兩歲 =]
愛你的媽媽上
----------------------------------------
感性野木木媽一向唔多講，總之呢粒囡，開開心心健健康康就好。
生日出去玩前同木木砌蛋糕，小朋友好開心呢 =]
今年生日木木媽無幫木木搞生日會，將搞生日會的錢拎左去買disneyland annual pass! 本身木木媽係disney fans，木木大個左好多ride都玩得，佢又開始明白自己做緊乜而之後都仲會記得，最重要係未夠三歲唔駛錢入場，只需要買兩張大人年票就掂!
對上一次黎係灰熊山谷剛剛落成 (2012年)，之後因為做員工的親友離職而無得再去 (是粉絲卻不肯付錢去的窮女)。好想去果時仲未起好的迷離莊園啊...(成件事錯晒，而家係邊個想去disneyland?)
帶住個囡唔同玩法，當然要以阿囡喜好行先。
是日我地玩左...諗返好似乜都無玩過...!
我地睇左parade，木木第一次睇已經好enjoy，郁身郁勢，之後已經記得parade首歌，我地每次播親都立即hyper
同duffy & shilliemay影相，有擔心過木木會驚大公仔，結果擔心係多餘，佢仲走去同shelliemay kiss kiss!
(陪媽媽) shopping。雖然知道每年總有時候迪士尼會玩會員六折，但咁多年無黎，仲要十週年，我忍唔到手呀!
時間過得好快，已經到左晚餐時間...
無理由唔叫個kid meal俾壽星女，pizza & corn!
根據木木爸媽以前遊玩迪士尼模式
我地會晨咁早就係城堡前席地而坐，先睇night parade...
繼而擰轉背等睇住佢亮燈...
放煙花...
你見我地影的相就知我地前面係無人...
真係由朝玩到晚!
其實可以斬件式分幾次黎，但木木爸媽咁多年無黎，實在唔捨得走!
話時話，請問今日邊位生日?
