Baby Birthday Ticker Ticker

Thursday, January 24, 2013

曼谷五天歎食買 • DAY3 • 咪又係嘆食買...

2 AUG 2012 晴
URBAN RETREAT > RED SKY

都未介紹過酒店的早餐 =p
早餐係地下the hub食,而the hub就係正酒店入口旁邊,食完可以即撇~
而食物選擇ok,有兩款比較有趣,DAY4分享 =]




出發~ 好幾次係唔同BTS閘外都會見到呢檔賣飲品的
朝早返工時間見好多泰國人買黎飲
最平好似baht15 (=hkd4)有交易,又夠凍,顏色仲好colourful添!
買過一支lemongrass tea,bubu飲左一啖就俾返我,哈哈!
(純粹bubu唔慣lemongrass陣味,for解暑我覺得ok!)



原本行程無預今日去梳乎,
係出發前bubu問起,經溝通後我先知原來bubu想試傳統泰式按摩
(因為我n年前跟團去試過,俾人lock過頸
之後d團友嚇我有人lock完死左! 驚驚! 所以無諗住再試...)
既然bubu開到口,時間無多下搵左urban retreat黎試
貪佢唔太貴地點又就腳,酒店行去就得

URBAN RETREAT - ASOK BRANCH (asoke bts exit 4)
www.urbanretreatspa.net

我地做左THAI MESSAGE W HERBAL BALL 120min
herbal ball (又稱香草球 / 草藥球) 要加baht300的~
不過herbal ball對舊患、腰酸背痛有舒緩作用,bubu做野咁辛苦,要慰勞下 =]
勁舒服啊~!
佢地會用蒸籠熱住d herbal ball,暖笠笠咁碌住d酸痛患處,仲聞到陣陣香草藥味~
而按摩果part,我未開始已經指手劃腳咁話唔要「lock頸」!
但係我唔記得左仲有「拗腰唔駛本」「抱身大迴環」!
一到位就聽到pik lik pak lak骨頭聲
不過講真,做完又真係成個人鬆晒,好輕盈好打得咁...
bubu都話好爽,仲買左個球返香港~

我原本想post張我地做完message同草藥球合照俾大家睇
(張相一分鐘前仲係度)
但係真係驚嚇親人 (素顏+摷鬆晒個頭)
p.s. 又其實我成日都萬聖節上身素顏示人...

講返urban retreat,地點方便,係正asok站4號出口樓梯,一落到面就見到
事前預訂時request couple room,現場環境光猛整潔,好靜
幫我做泰式按摩係一位健碩婆婆 (想像到佢以前係耕開田果種)
好夠力水! 我好擔心果幾下佢亦好漂亮咁一take過,做完超爽皮~
又因為佢地好好笑容係咁讚我地young...pretty...handsome...
我地亦甘於落搭俾多少少貼士 =]



下午行程好簡單,一個字︰siam,要認真行一日都行唔晒



原本打算去siam paragon food court食晏,但又唔係太肚餓
行下行下,food court最入,超級市場隔離,有間望落好吸引的甜品舖 - after you
第二個胃立即發出肚餓警示!
你睇下你睇下(右),舊brownie暖笠笠上面舊雪糕同忌廉凍冰冰
真係超級無敵好食!

我地話好食唔係得個講字,話說我地食完拍拍蘿柚起身走人
驚覺勁多人拎住飛仔等緊位,門口仲有燈箱嗌號碼...
點解我地咁驚訝? 因為我地離遠見到呢間野,記得forum有人讚過好食
就有理無理衝埋去門口d二人檯度,施施咁揀甜品,排隊俾錢...
完全唔知出面成村人等緊位 XD 泰國人,對不起!



just you旁邊就係supermarket - gourmet market
唔好以為係siam paragon入面的超級市場一定賣貴野
經我小林太太格價,發覺係bigC已買的,係呢度大部分都同價,甚至乎再平少少...
最緊要係呢度貨源充足,選擇更多,唔會好似bigC咁經常被清架!



(右上) 泰國生果又多又靚!
(右下) 連沙律吧都有,即刻諗起兒時的pizza hut



黎呢間supermarket目標之一︰BLUE ELEPHANT
blue elephant係泰國一家好出名的cooking school,原本都有諗過去上半日堂
但係估計bubu興趣不大,撇低佢又唔係幾好,咁唯有買佢d pdts返去煮啦~

產品都好包羅萬有下,樣樣都想買,有d係ready pack,超方便!



另外如果大家要買手信,買晒林真香都幾重皮架~
我睇胡慧沖介紹,買左呢隻「座山」
肉鬆類又平又好食,肉乾類就始終林真香好食d



除左supermarket,siam paragon呢個名店城無乜其他野岩我地行,行其他siam乜乜先~
出發前已經知道siam center閉關裝修 (但幾個月後的今日,又已經開返...)



siam discovery得間loft比較岩行...



好可愛的檯燈!



過對面馬路行siam square,siam square唔同其他siam乜乜一個個商場
露天,一條條街,小商場,有間daiso,有好多姊妹裙店,以前行過一次,辛苦到呢~
今次成個trip都天陰陰,叫做舒服少...少...



其實行siam square係為左呢間mango tango =]
主打芒果的甜品店! 都要排左幾個字先有得食...



呢個類似叫芒果三重奏果d,仲要係「芒果推介」
點知個芒果布丁好一般,我整得好食d囉 =]



反而呢個mango sticky rice好正
(註︰我本身好鍾意食芒果糯米飯 / 註註︰有邊個唔鍾意?)



好滿足咁返siam paragon去參觀水族館(記得申請tourist card,有discount)
點解唔之前去? 因為之前有小學生黎參觀水族館,你都知一大班小學雞有幾...
(btw,真係每一次去任何一個水族館都有小學參觀!
點解我地細個唔係日日去海洋館?)

水族館入面的相唔po啦,都係鬆郁矇的朋友多~
而且呢個水族館流流地,好快就行完...



未夠鐘食飯,行過SWENSEN'S,諗起day3都仲未食,又坐低左...



好有罪惡感 XD 而且計埋呢一餐,今日已經食左三餐甜品未食過正餐!
唔係bubu講起我都唔覺! 甜品果然令人開心快樂 =]



晚飯後我地經skywalk行返去central world,目的地係red sky
位於酒店centara grand頂層 - 55/F!



呢度除左好高好高之外,酒店天台外牆仲會變色 =]



經歷左尋晚係bed supper嘈喧巴閉,今晚係red sky可以靜靜咁談談心~
不過我第一次係bangkok有凍到震的感覺,好大風呀



----------------------------------------------------------------------

相關閱讀︰
曼谷五天歎食買 • 前
曼谷五天歎食買 • DAY1 • HKG > BKK
曼谷五天歎食買 • DAY1 • chitlom的商場與商場
曼谷五天歎食買 • DAY2 • 暨[扮]闊太的生活在曼谷MO
曼谷五天歎食買 • DAY2 • 河邊倉庫裡逛ASIATIQUE


Monday, January 21, 2013

台北四天紙婚小旅行 • DAY4 • 探探台北動物們

8 NOV 2011 雨
臺台市動物園 > 台北車站 > 西門町 > 台北 > 香港
最後一日啦~ (好滾動,終於有一個遊記係可以寫得完...)

之前都講過,我地唔係去過好多次台灣,剩係台北仲都有好多地方未去過
四日行程,花左八份一時間係呢度 - 臺北市動物園
動物園隔離就係貓空纜車,時間不多無機會搭去貓空茗茶...下次啦~



可愛的入場劵 =]
講開又講,如果大家去台灣都仲會去下觀光景點 (有人去台灣去到好似入長洲行下咁架嘛...)
可以係台灣各機場旅遊服務中心申請「青年旅遊卡」,交通景點飲食有優惠
唔駛錢申請,好過無嘛~ http://www.youthtravel.tw



好耐無去過動物園啦啦啦~ 上次去新加坡又無時間去safari world ><
超級無敵勁興奮不停跑跑跳跳又大叫 (就係咁動物園就多左隻不知名未進化動物...)
我真係好鍾意去動物園! 除左...

兩棲爬蟲動物館! 打死都唔入!
成世女最驚就係呢類野,電視睇到會轉台,依家打緊BLOG都唔敢直望張相!



真動物無得近距離觸摸,假的都照殺 =p
睇返的相,發覺bubu好鍾意挑釁佢地...無鬼聊!
而我就好鍾意同佢地碰鼻鼻 =]

企鵝篤我條腰啊!



熊︰大家好! 我係馬來熊,唔好見我無所事事,我都有事業...線架!
夾俾你睇又點話 XD 我夾~~~



係日本奈良公園有上百隻鹿鹿,想搵隻有角的好難,成年鹿好多都俾人磨走左對角
呢位係台灣的梅花鹿同胞就幸福好多,對靚角力保不失,d紋身仲好清晰添~



遊戲︰呢度有三隻長頸鹿,請問有幾多隻腳?



如果熊貓係可愛的代表,咁呢隻馬來膜就係醜樣的代表...
真係同動物唔同命,大家都係黑白色,點解人地可愛過你咁多,你檢討下啦 ><



一家三口猴子~ (唔記得左佢地邊度鄉下)
最難能可貴之處並唔係見到佢地一家三口樂也融融
而係少有影到相中的馬騮唔係互相R緊痕!



印象中,呢次係我第一次睇樹熊呀!
真正的樹熊懶過樂天熊仔餅好多,個樹丫好似好好挨咁...



呢隻黑熊勁多小朋友圍觀,因為佢的睡姿實在太搞笑~
訓到好似俾人一槍打死左咁 XD
我都有諗過,如果佢係詐訓,突然彈返起身,一定嚇死d小朋友...(包括我)



亞洲象~
我好低b咁特登行埋去班小學生度扮同學...



仲探左好多其他動物,雖然落住微微雨,但係絕大部分動物都好俾面無呢埋,多謝你地~

-----------------------------

搭捷運返台北車站,四日三夜個心都掛住一定要去光南一定要去光南
(本來仲有後面的久大,裝修中,嗚~)



除左補倉,其次目標就係要掃紙~~~掃呀掃,完全無視bubu的存在!
我真係唔知自己揀紙揀左幾耐…



西門町繼續掃…街~
都話左我只係第二次去台北,所以聞名的老天祿滷味阿宗麵線我係未食過架...
試完發覺...原來我唔鍾意食糊糊地的麵線,仲要大大碗又熱辣辣又無得坐又趕時間 ><
即刻走去食返d comfort food  - my dearest mister donut繼光香香雞,又試左coldstone炒雪糕 =]



食完就真係夠鐘返酒店拎行李搭的士過台北車站,照舊搭國光客運~



kitty lounge =] 唔知將來會唔會有機會帶BB去台北旅行用到呢個baby care room?
(無任何深層次意義,唔駛左估右估啦~)



野~! 終於完成一個遊記...咁大把啦! 可以暫時撇甩「虎頭蛇尾王」個朵 =p

靜靜雞話你知,其實今次去台北唔係為慶祝紙婚
而係去巡視我地小林家係台灣的多元化業務...哇卡卡 XD



----------------------------------------------------------------------------------

相關閱讀︰
台北四天紙婚小旅行 • DAY1 • HKG > TPE台北四天紙婚小旅行 • DAY1 • 淡水+美麗華百樂園+士林夜市
台北四天紙婚小旅行 • DAY2 • 濛濛的九份
台北四天紙婚小旅行 • DAY2 • 漫遊東區再乾杯
台北四天紙婚小旅行 • DAY3 • 去北投泡個熱呼呼溫泉
台北四天紙婚小旅行 • DAY3 • 85樓的紙婚飯

Sunday, January 13, 2013

聖誕除夕之煮煮煮

(明明這篇2013第一個星期就開始寫以為沒有遲很多...農曆新年都要來了...)

2012的聖誕新年,對我來說是煮、煮、煮、煮、煮!
二人撐枱腳的一大伙人派對的家庭聚會的停不了…
小林二家廚房新上場,you did a great job!

聖誕前,密密大量生產薑餅人 =] {GINGERBREAD MEN}
第一次! 因為從來就很怕薑味,今年不知怎的突然好OK,就動手焗了
右邊是first trial,拿去公司找同事當白老鼠
你們看顏色就知道不對辦啦,但同事竟然讚好味道…?
不甘心地找來另一個食譜,就是左邊的,薑餅人膚色要是這樣才對!

同時也是第一次自己玩royal icing,玩後感︰好好玩!
不過怕自己三分鐘熱度,沒有買很多材料&工具,就簡簡單單的亂畫一通
後來買了彩色裝飾糖,可愛度++!



和bubu一起的這麼多年來,每年聖誕的平安夜大餐都在外面吃
小時錢不多就去fat angelo's或者dan ryan
後來就去高級點的扒房,餐廳,私房菜
每年十一月就開始見bubu頭痕
周圍查詢餐廳的xmas menu,最重要是問人家滿座了沒有
探到還有空座的就要急不及待的去付訂金,好誇張呀!
而且近一兩年去的餐廳,平時口碑載道
一到聖誕檔就大失水準,煮的無可奈何吃的也甚為無癮。

其實自從婚後已經開始遊說bubu,聖誕節不如在家煮啦~
不用迫地鐵 (這種日子妄想可以駕車) 又不用被劏頸放血
說了兩年,bubu今年終於肯首! 條件是︰要dress up不要穿家居服
okok no problem! 我也不想當個油頭垢面的煮飯婆 =]

dress up自己前先dress up dining table
兩口子開一支小moet 剛剛好
還有阿信屋膠樽扮玻璃樽的 san pellegrino XD



MERRY CHRISTMAS! HAPPY CHRISTMAS EVE! CHEERS!
(請自行時光回流到三星期前,就會感覺到興奮位...)



餐單設計主打簡單不花巧,一來平安夜那天要上班
(突然很懷念以前一份平安夜放半天的舊工...)
沒有太多時間耍花臣,二來亦不見得我很會煮 =p

{APPETIZER TRIO}
左邊是stuffed portobello mushroom, stuffing靠雪櫃有什麼用什麼 =p
做法︰小火,少少油爆香蒜粒,炒軟洋蔥粒,再下煙肉粒,迫出油份至脆身,加點黑松露醬拌勻,用黑胡椒調味 (煙肉本身帶鹹,不用另外加鹽了),隔去油份 (煙肉狂標油)。portobello mushroom用濕布抹乾淨,去蒂,將stuffing放上,灑上芝士碎 (我用parmesan),焗爐預熱200度後入爐焗約15分鐘或至芝士溶就可以

右邊是「禾打醉挨」pan fried foie gras
做法︰急凍鵝肝預早解凍,用廚房紙輕輕抹乾後用生粉沾滿表面。中小火預熱平底鑊,白鑊下鵝肝 (鵝肝肥到自己會提供肥油),每邊煎分半至兩分鐘,表面變金黃色就可以

中間是baby spinach,完全沒有經過處理,包裝打開,拿一手葉,放到盤子上,洒點黑醋和橄欖油,完成 =p



{CANNED LOBSTER BISQUE}
這樣擺好像很有氣勢一整碗就是由龍蝦先生的下半身熬出濃湯似的 XD
我其實是偷雞用了罐頭龍蝦湯 (也不便宜好不好),另外買了一隻龍蝦拆肉
這才像樣嘛~ cheers



主菜來了~ 我的是{GRILLED LAMB RACK},bubu的是{GRILLED RIB EYE}
伴以 BABY POTATOS & BRUSSEL SPROUTS,意想不到薯仔超級無敵好好味!
不是因為什麼magic seasoning,我猜純粹因為薯仔是來自pp great的...

小林家的LC grill pan是在老爺家長年被冷落後由我們收養的 (舊文按此)
已經用過不下十次,格格紋有但不明顯,我初時以為是自己技術差
最近再細心研究,我這款grill pan的設計,根本就比較難烘出清晰格格紋 ><
又無理由為此開倉買過個…



在家吃的好處是,吃的節奏可以由自己決定
吃完主菜有點累,兩條懶虫去梳化攤到夠,我才動手弄甜品

{APPLE CRUMBLE}
對,沒驚喜就是普普通通的apple crumble
鬆脆的crumbs,充滿肉桂香的蘋果,yum yum!
不過美中不足是搓crumb時太差勁,搓得太細太散,不次應該早少少收手 =P



大滿足的小林家平安夜大餐!



大滿足也包括了以下的 (耷低頭,舉手…)
沒包裝的代表已經在用了,電話到手好難忍住不用嘛
而相機則是應付突如其來的演唱會而提早收到,至於有包裝的,keke…
之後還有另外一份,小林家傳統是boxing day才可以拆,同樣地,keke...

(這種大小比例,我未拆已經猜到了,我不開估你們也會知道是啥吧?)



完成平安夜的晚餐,第二天聖誕節起床,休息一會又要準備6299家的聚會
還好形式是每家負責一道,我們就煮了快靚正的 {芝士肉醬焗薯角}

其餘時間我就在忙這個 !!! {CHRISTMAS LOG CAKE}
之前好擔心,平時焗蛋糕十次有九次都變成地獄蛋糕的我,有無些微可能可以做到?
…可以可以可以! 完成一刻超級無敵開心,覺得自己好叻叻!

雖然裡面的蛋卷捲得麻麻地,不過無斷開又有frosting遮住,都叫合格啦?



來個近鏡~有樹紋,有雪,有石仔,有野菇
我到現在還是很懷念它,因為…可一不可再…



boxing day我邀請了幾位好朋友兼bloggers來家開派對
housewarming cum boxing day party,小林二家第一次曝光 =]
心急想看小林二家的話,可以在這些相片裡止止渴先 =P

以前小林一家好少招呼客人,酒杯呀櫈呀都要再添置
(左下角就是第二轉的gingerbread men)



最早到達的客人 - littleball & littleball媽
littleball一身紅白相間,好可愛的聖誕寶寶!
還要擺好YO! pose給我拍照,謝謝波哥合作

我在籌備小林二家期間,littleball媽給我很多實用意見,謝謝littleball媽~



客人中還有另一位寶寶 - bbb
不過美女bbb臉上刮了道痕,又忙著喝媽媽奶,下次再亮相啦。
小林二家有幸有兩位初生寶寶到訪,好開心!
謝謝兩位媽媽不辭勞苦帶他們來做娛樂節目 =]

強行弄醒BBs,玩完影完相,喝過奶奶,掃完風,換完屎片,哄睡
大人終於可以開餐啦!

這裡是第二輪的,第一輪的因為太興奮拍得不好看,用文字告訴大家有什麼吃吧

1/ CREAM OF MUSHROOM 蘑菇濃湯
2/ SMOKED SALMON SALAD 煙三文魚沙律
3/ FRENCH BURGUNDY SNAILS 焗釀法國蝸牛
4/ STUFFED PORTOPELLO MUSHROOM 黑松露芝士煙肉釀蘑菇
5/ HONEY MUSTARD CHICKEN WINGS 芥末蜜糖醬烤雞翼
6/ HONEY GLAZED ROAST HAM 焗煙火腿
7/ RAVIOLI IN CREAM SAUCE 白汁意大利雲吞
8/ BOLOGNESE WITH POTATO WEDGES 芝士肉醬焗薯角
9/ CHRISTMAS LOG CAKE 聖誕樹頭蛋糕


嘩! 原來有九道菜,不數數還不知道!
不過端菜後才發覺很多味道都重複,e.g. 菇,honey mustard…
下次要小心細心用心設計,唔!

大部分都是提前準備好洗洗切切醃醃
臨場請bubu幫手入焗爐或翻熱,雖然有些菜式有小失手
但我還是很感謝親愛的bubu,因為小林二家的廚房是為我度身訂造的
bubu在裡頭工作,不是要烏低身就是會撞到頭
>3<



多謝幾位+BBs賞面光臨! 十分高興的BOXING DAY!
最後的交換禮物環節在一輪哭聲 (來自bbb)、無聲 (來自littleball)中結束
(連交換方法都好頹…我忘記了要準備…)
希望各位都盡興而回,還有小林二家你們覺得還好嗎?



年尾沒大假剩的可憐虫,要上班了…

除夕前一天邀請了伴娘跟一位姊妹來housewarming
人少少,afternoon tea最好 =]
在家辦下午茶第二次了,努力嘗試不同茶點組合,唯獨SCONE每次都要在場!

另外再開文分享啦~



除夕夜,沒特別聚會的話小林家的傳統是打邊爐。
今年特別少少,由港式變日式,{sukiyaki} • 壽喜燒
特地去city super買食材,有日本絹豆腐+麻豆腐,美國豚肉片,韓國本菇…
特地去日本城買個最細小最便宜的電磁爐 (因為借不到6299家的唯有去買…)



全為了襯托今年除夕壽喜燒夜主角 - MARMITE 22CM ANTIQUE ROSE
剛剛聖誕節禮物之一,keke...
原本那邊廂還在搥心口沒有買risotto 24cm
這邊廂就收到一個大小適中的媽咪鍋
謝謝聖誕老bu >3< sukiyaki得很開心



是不是煮很多?
希望2013年煮得更多,愈煮愈進步 =]